1 Haŋa heewa Yeesu kuyakula mama mauya kukiandu kya bandu bemunyunganaga, bya yena ku mukola wa Kafalnaumu. 2 Muwowa mukola, kwene mukulu yumo wabalonga-buvadi wene na muvubi waye wemuvula sisu, yowa muvubi wene na lufu tabataba mukukala kakuzi. 3 Yuu mukulu wabalonga-buvadi heteejyeye musau wa Yeesu, byamutumina bamo bakulu ba Bayaudi kwakumuajya ti wave wavafuule muvubi waaye. 4 Baba banunu habekajya kudi Yeesu, habakwihaya naye kwakwinikindu mukuboya ti: «Yowa mukulu wabalonga-buvadi ukibambana kunyangujyibwa, 5 kumona iye ukivulanga kisi kiitu na niiye weluka sinagogi.» 6 Kwa biibi Yeesu bya yena kukumo nabo. Haŋa habenange tonono na kyende kya yowa mukulu wabalonga-buvadi, yowa mukulu wabalonga-buvadi bya yiisha beezinaye kwaku musaudila Yeesu ti: «Mumusaudile ti ndakwisubisha kuva, miimi sikibambana iye kushwela mukyende kyaami. 7 Ni kumona sivakwimona ti ngibambana nenguva kudiye. Lakini wayakula bobo huya didimo bobo, na muvubi waami ufuukanga. 8 Kumona miimi mwinikindu ngiyakananga hasi ya butangala bwabakulwami na miimi ngiyakananga na balonga-buvadi haasi haami; Itu na saudila yumo ti: ‹Yena!› Naiye ukiyenanga. Na itu na saudila yungi ti: ‹Viyaa!› Naiye ukiviyanga. Na itu na saudila muvubi waami ti: ‹Tanga Biibi!› na ukitanga.» 9 Yeesu heteejyeye beebyo, bya hanunuka kukidila yowa mukulu wa balonga-buvadi. Ni bya fundulukila kiandu kyemunyunganga na kusaula: «Nabasaudila ti nee mukisi kyooso kya Isilaeli shemona mundu yidi na butabuke* bukata bidi buubu.» 10 Baba bandu beyishibwa na yowa mukulu wabalonga-buvadi habeehaluka kukyende hababanga yowa muvubi wa fuuka.

11 Nyuma yabebya, Yeesu bya yena mumukola umo ukitaanibwa Naini,* mitonge baye na bandu babule beyenaa naye. 12 Haŋa, hetulukeye tonono na kibelo kya lukuta lwa wowa mukola, byakumaana na bandu bavaa kushwala kitumba kyaenda yumo kumifungu: yu henda wemota wene mwaana wa sii wa mwadyangu. Na bandu babule bawowa mukola be yena kufila yowa mwadyangu. 13 Haŋa hemona Vidi-nyambi Yeesu yowa mwadyangu bya mufiila lusa. Bya mujyongodela ti: «Yeeye ndudilanga!» 14 Haŋo, Yeesu byatuluka tonono na sanduku ya kitumba byayilengela, baaba benange mukuyishwala habatukama. Yeesu bya boya ti: «Henda, ngi yakula ti tungumuka!» 15 Yowa henda wemota hakeaŋa bya tungumuka, na yakana haasi, na kusomba kuyakula. Yeesu bya mwalusha kudi naajye. 16 Bandu booso haba yudibwa na moyo, haba somba kumutumbijya Kabejya mukuboya ti: «Mubushi* mukata wanyomokela hamukidi hiitu!» Haba yakula lungi ti: «Kabejya waava kuva fuula bandu baaye!» 17 Kekya kindu kyeeta Yeesu hakyabambana mu kisi kyooso kya Yudea na mumikola yooso yatonono naye.

18 Mama mauya mooso meeta Yeesu, ba dingisi ba Yohane haba mujyongodeleemo, kukidila beebyo Yoane bya taana badingisi baye babidi hamukidi haabo. 19 Na kubayiisha kudi Vidi-nyambi bamuyuujye ti: «Beebe ni yowa Masiya* uvanga ao tudindile yungi?» 20 Baba badingisi habekajya kudi Yeesu haba musaudila ti: «Yohane muyabika ni watuyiisha kwobe tukuyuujye ti beebe ni Masiya uvanga, ao tudindile yungi»

21 Mukyakekyee kindi, Yeesu bya fuula bandu babule bavane mukusuba na lufu, na bavanange binema na kujyanga mizuka yabule. Na kumbula meeso ma bakufu babule. 22 Kumongo, Yeesu bya yaka baba badingisi ba Yoane ti: «Mualuke mukasaudile Yoane mama mooso mamuvakwimonena na kukwiteejyela: Bakufu basomba kumona, na bibula byasomba kusumuka, badi nakivu batooshwa, basikiteezya bateezya, bamote bafukuka, na tushuvi tudi mukusaudibwa Musau Ulweela*. 23 Buuya yowa shakuzizimishanga! butabuke bwaaye kwambidi!»

24 Baaba badingisi ba Yohane haba haluka. Yeesu bya somba kusaudila kiandu kya bandu kukidila Yahone ti: «Hamweyena kokwa kulungu* mweyena kukalola kayi? Mbini, mweyena kukamona lenge dikitengebwa na muhee;? Ndabeebyo! 25 Itu ndabebya, mweyena kukamona bangu kayi? Mweyena kuka mona mundu yidibutubile ngubu yilweela? Ila baba bakikwitubila ngubu yilweela na kuyakana buyakane bulweela, mu kyende kya bukola ni mwabakiyakananga! 26 *Haboobwa, muni sawiidi kya mubu weena kuu lola ayi? Mubu mona mubushi? Ni beebya nami sawiila ti, eyu gulukila nganga biloto. Na kwinikindu gungi hulukila mubushi. 27 Guug'u i Yohane gubu sagudibwa mu Mahuya Gato'ato'a:

‹Lola miimi Kabejya namutaki'a (namuyiisha) muvubi waami wakidi mabusu goobe,

koo boya tii, wakulongedi zila.›»*

28 Nami sawiila tii: «Munda mwa bandu baaba ba butote'a na ba baazi, nda udi mundu mwatagadi umukila Yohane lububimi'a (luyabika). Na byeeba, yoowa gudi mu shoo, munda mwa Butangala bwa Kabejya ni mwatagadi umukila Yohane.»

29 Bandu booso na baaba balu haajya mitulu hababu telegejya mahuya ga Yohane, habatabu'a tii, Kabejya muleela ihani haba tabu'a uya na Yohane. 30 *Haboobwa Bafalisayo na Balangidijyi ba Mahuya Golulu* (Buta), babu keezema byeebya biluvula Kabejya kwa badi. Ihani haba keezema ububumihwa (kuyabikibwa) na Yohane.

31 Yeesu haya boya lungi: «Haboobwa, naba fandakanisha na bandu ba bini, bandu ba guni mulongo? Mbandu ba buyaani buni? Na balu fwandana na bandu ba bini? 32 Balu fwandaana na magenda babu yaananga u ijyumbidilu, ebu muyi sehejyeena mu igandu imu na imu:

‹Tubu bayimbila tumba ndamubu semba!

Twami yimbila simu ya madilu haboobwa, ndamubu dila!›

33 Manee Yohane woo bubumi'a heebu vueya, ndi bwanangi muudya mikati na unywa divai, na banyu hamukilu sagula tii: ‹Gudi na misimbusimbu!›* 34 Haboobwa miimi Mwaana wa Mundu hambu vueya, muudya na unywa, na banyu hamwa boya ti: ‹Mumulodi yuugu didi na afyuulu! Na lunywa maluvu, na monyi dya baaba balu haajya mitulu na baluta bubi!› 35 *Haboobwa twamona tii, nyinyi ya Kabejya yidi mu buludi udi bandu booso balu yitabu'a.»

36 Mufalisayo* yumu gubu mutaŋana Yeesu u yende kyaayi kuudya biyaazi. Yeesu haya fi'a mu yendi kya Mufalisayo* haba kiludya biyaazi. 37 Na mumola guugu ubwanangi wamwaazi yumu, gudi na bubi. Boobwa bweebu telegeejya tii, Yeesu guudi muudya u yende kya yoowa Mufarisayo, haya shwela momwa na kushwaala mu langi gu yuudi bababa na malaasi. 38 Haya yaana manyuma gaayi, u ma guulu gaayi. Hee kilu dila; haya teevya ma gulu ga Yeesu na masheejyu gaayi. Haboobwa haya ga kuula na fu'i dyaayi na *u nyinamina magulu ga Yeesu na haya mu hundila malaasi.Wa mwaazi wa masenga watumba magulu ga Yeesu na masheejyu gaayi. 39 Ihindi kyee'a yuug'u Mufalisayo gubu mutaŋana Yeesu, bweebu mona biibi bidi muuta yuugu wa mwaazi, haya booya munda mwa tima dyaayi ti: «Mundu yuug'u haya mbwanangi nganga bilooto wambu muyu'a yuugu wa mwaazi gudi mumu lengela tii, ngwa mwaazi wa bini.» 40 Ni Yeesu haya mu lunga yowa Mufalisayo ti: «Simoni, nidi na huuya dimu dyoo ku manya.» Simoni haya musaudila ti: «Mulangidijyi, sagula.» 41 Yeesu haya muteela mu sunga ti: «Ubwanangi mundu yumu gu bwanangi muba kenda maayu gaayi udi bandu ba bidi. Wa busu gu bu kenda iyu kya dinali mia yi tanoo;* wabu bidi fwalanga moomi ga tano. 42 Baaba bandu babidi boobwa bwababu hina bindu byoo galusha, haya bafwiila lusa booso ba bidi. Nakuyujya ngyuni, munda mwa baaba bandu ba bidi wa muvulanga kwabutu?» 43 Simoni haya mulunga: «Nagejya tii, ngyoowa gu bwanangi na iyu dyatagadi.» Yeesu haya mu sawiila ti: «Wa lunga bilegela.»

44 Haboobwa, haya fululu'a udi yoowa wa mwaazi, haya mu sawiila Simoni ti: «Gudimumona yuugu wa mwaazi? Unindu, bwambu shweela muni mu yendi kyoobe, ndubu ni gabila meema tii, na tumbi ma gulu; haboobwa yuugu wa mwaazi, wa tumba ma gulu gaami na ma sheejyu na wa kuula na fu'i dyaayi. 45 Ndubu ni yambidila, eyu, usomba miimi ushweela, eyu ndidi muusama unyinamina ma gulu gaami. 46 Ndubu niladibisha maŋani ga vumba u mushu waami, haboobwa eyu, gubutinya malaasi u magulu gaami*. 47 Nakusawiila nangi bungi bwa bubi bwabutu booso bwa yuugu wa mwaazi, biibi bya yoota, wanimonesha hululu uvula kwaayi kwabutu kwa ndidi. Ishu mundu wafwiilwa luusa mu bishoo, wamoneshanga uvula kwaayi ushoo.»

48 Hani Yeesu haya sawiila yuugu wa mwaazi ti: «Wafwiilwa lusa mububi boobi booso.»

49 Baaba booso babwanangi muudya hamonga na Yeesu haba kilu yiyujyijyeena mu bwata bwaabu: «Mundu wabini yuug'u guudi muuyizimba ubagasha bubi?» 50 Hani, Yeesu haya musawiila yuug'u wa mwaazi tii: «Utabu'a koobe kwa kufuula. inanga bilegela.»