1 Lusu lumo lwa sabato, Yeesu we kalanya muma kunda ma ngano, badingisi baye haba yakana mukubela bitombo bya yeya ngano, habasiki tikinya mubiboko byabo na kudya*.

2 Bamo mafalisayo* haba bayuujya ti: «Kwakayi mwaata kindu kikibengebwa na buta* bwiitu kutebwa lusu lwa sabato*?» 3 Yeesu bya ba yaka: «Mbini, Ndamweesinyulula keekya kyeta Daudi lusu lumo yene iye na bezinaye habenange na zala? 4 Weshwela mulubunga*, byabuula mikati yene ya tuula bandu kudi Kabejya. Bya yidya, na kuabila baba benangiye naye, nee ti mikate bidi yeeyo mbamupelo bobo ni bene bakudya.»* 5 Yeesu bya basaudila lungi: «Jyaami Mwana wa Mundu yidi Vidi-nyambi wa sabato.»*

6 Lufuku lungi lwa sabato*, Yeesu bya shwela mu sinagogi, bya somba kulangidila bandu. Muyeya sinagogi mwene mundu yumo wene na kyazaza kyamwajyo mulume kilebele. 7 Balangidishi ba buta* na Bafalisayo* beyundila Yeesu kwa bule, itu ufuula yowa mundu lusu lwa sabato*; Beeta bebya, ti bamone huya dya kufiikila Yeesu. 8 Haŋo Yeesu wene wa yuka miejyo yaabo. Yeesu bya jyongodela yowa vane na kyazaaza kilebele: «Taluka na uve busu bwa bandu booso.» Yowa mundu bya taluka na bya yena busu bwa bandu booso.

9 Kisha Yeesu bya basaudila baba balangidishi babuta na Mafalisayo ti: «Nabayuujya: ngikayi kikivula buta bwiitu tuyakane mu kuta lufuku lwa sabato? Kuta buuya ao kuta bubi? Kufuula mundu ao kumuyaa?»

10 Yeesu bya ba lola booso ni bya saudila yowa mundu ti: «Holola kyazaaza kyobe.» Bya kiolola na hakeaŋa hakya fuuka. 11 Ila baaba bafalisayo na balangidishi ba buta* habayula baa na kiizi. Haba somba kukwiyujyujyena ti bamuteele Yeesu kaayi.

12 Lufuku lumo, Yeesu bya banda kukituulu mukuboya ti waajye Kabejya. Na bya hajya bufuku bwooso mupaka mukisi. 13 Mweesa waye mukisi, bya taana mitonge baye, bya sobola kumi na babidi hamukidi haabo, na kubaunika zina dya «Badingisi.» 14 Ni baaba: Simoni, yowa we hunika Yeesu zina dya Petelo na mukwaye we taanibwa Andelea, na Yakobo, na Yoane, na Filipo na Baltholomayo, 15 na Matayo, na Tomoso, na Yakobo mwana wa Alfayo, na Simoni ukitaanibwa kivula kisi kyaye, 16 na Yuda mwana wa Yakobo na Yuda Iskaliota, niyowa we tuula Yeesu.

17 Yeesu Bya sala kunyomokela ku kituulu kukumo na mitongi yaaye. Hesosokeye mudimo bua didi kisazabaleela, bya tukama. Bya banga kiandu kikata kya badingisi baye, na kiandu kikata kyabandu benyomokela mukisi kyooso kya Yudea, na mumukola wa Yelusalemu, na bamwaajyo wa Tilo na Sidoni yene hangodo haziba. 18 Baaba bandu beeva kwaku muteejya Yeesu, na wafuule nyifu yaabo. Na bandu bene basubishwa na mizuka naibo we bafuula. 19 Bandu booso bevulanga kumulengela, kumona butangala bwe nyomoka munda mwaye bwe bafuula booso.

20 Haŋo Yeesu bya lola badingisi baye na kubajyongodela ti:

«Buuya banyu badi tushuvi,

kumona butangala bwa Kabejya* budi bwiinu!

21 Buuya banyu baki teejya zala kiino kindi,

kumona muyakana nabidyaazi kwa bule! Buuya banyu, bakidila kiino kindi,

kumona musea! 22 Buuya banyu itu bandu bamubenga, itu bamu tonda, bamukaya na kuteena mazina miinu bibibibi,

kukidila miimi Mwana wa Mundu. 23 Haŋa hivanga maama mauya, muyakane mukuseelele na muvumbuuke! Kumona kitata kiinu ngikata haulu. Ni byakebee, bashabo benange mukusubisha babushi*.

24 Ila mwakokolebwa banyu badi na mona,

kumona ndamute kalee na buuya bwiinu. 25 Kusuba kwiinu banyu bashiba mukiino kindi,

Kumona hakeano muteejya zala!

Kusuba kwiinu banyu baki sea mukiinu kindi,

Kumona muyakana mukudila na kuyakana kidilo.

26 *Kusuba kwiinu banyu bandu bakishishibwa,

Kumona ni byakebee bashabo bene mukushisha babushi* ba manu.»

27 Yeesu bya yidididye nakuyakula ti: «Lakini banyu bakingundeejya maama ni mangi basaudila: Balwiishi biinu muyakane mukubavula. Na baaba bakibabenganga muyakane mukubateela buuya. 28 *Baaba balu ba loga muba hajyidi Kabejya waba fiyugudi. Na baaba badi muumi suvya, na muba haajyidi Kabejya wa fiyugudi. 29 *Ishu mundu wakuta u tama dimu, umu gabidi tama dya bubidi na 'edyu. Na ishu mundu wa kukujya atagaya koobe, umugabidi na simisi* yoobe. 30 *Umu gabidi yoowa wooso waku hajyanga indu kyooso, na ishu mundu wakuujya indu kyoobe na ngumu haajya lungi tii, waku galushidi.» 31 *Byeebya bya muluvula babandu umi teela, muba teedi byanga bee.*

32 *Ishu mwavula baaba balu mivula yega, ngyaayi kya moota kyoo kila bandu bangi? Nda udi! Baaba baluta bubi na ebu balu vula baaba baluta bubi! 33 Ishu mwaba teela bilegela, baaba babu miteela bilegela, ngyaayi kyaba mitutwilanga? Baaba badi na bubi na ebu baluta byanga byeebya. 34 *Lungi, ishu mwahaana iyu u baaba bamulu kuuyi dila uba galushila, ngyaayi kya moota kyooba tutwiila? Nda udi! Manee baaba Badi na bubi balu bagabila biyu baaba Badi na bubi bezinabu ebu mulungila ugalushilwa mona yaabu yooso!. 35 *Habobwa banyu mubavudi balwiishi biinu. Muyaani muuba teela bilegela. ishu moota biibi, mwashulanga kwa butu, na banyu mwayananga baana ba Vilulu didi Heegula. Manee eyu gulutanga bilegela u bandu bashiluyu'a buuya bwa mundu na baaba baluta bubi. 36 * Muyaanangi na lusa, byeebya Shiinu byeedi muba monena lusa.

37 *Yeesu haya boya lungi: «Nangu mona bubi yega bwa bandu bangi, na banyu Kabejya, ndoo mona bubi bwiinu. *Ndamu yananga muhindila bandu minomo, na banyu Kabejya ndoo mi hindila minomo.* 38 Mubagabidi bandu bindu, na banyu Kabejya wami gabilanga. Na byeebya Kabejya bya mihabilanga ya yananga yilegela na uyujya na usindidila na mushu. Byeebya bya mulugabila bangi, ni byeebya Kabejya bya ya mi gabilanga.*»

39 *Lungi Yeesu haya ba teela gungi muele haya boya: «Mukufu ukibambana kuyelekejya mukufu yungi? Hebo! Itu waata beebya booso babidi kwinikindu biona mukineene. 40 *Mu langidibwa* ndoo mu tambu'a mu langidijyi waayi. Lakini kila mulangidibwa itu waawa kilangidibwa bilweela ni kibambana kuyakana bidi mulangidishi waaye.

41 *Kwa kai ukibambana kumona kashooshwa kasheenene muiso dya mwizinobe, lakini ndudi mukubala kumona ihindi kya muti, idi mu yisu dyoobe? 42 *Kwakaayi ukibambana kusaudila mukwobe ti: ‹sama nakusheejye kashooshwa kadi muiso dyoobe›, haŋo muiso dyoobe mukidi kibangwa kya muti? Beebe udi wandimi yibidi! Sheejya bangu kibangwa kidi mu iso dyoobe ni hausamuna kusheejya kishooshwa kidi mu iso dya mukwobe.»

43 *«Yeesu haya boya lungi; nda udi muti gulegela gulu loozosha bimu'a bibibibi, na nda udi muti gubigubi gulu loozosha bimu'a bilegela. 44 Muti gooso gulu yu'ibwanga ukidila bimu'a byaayi. Manee bandu nda balukusula amu mu mti wa meeba, na zabibu mu mti wa masengedi ao abavu mu mti wa muhunga. 45 Na i byanga byeebya mundu mulegela gulu sagula mahuya galegela galu huma munda mwa tima dyaayi, na mundu mubimubi, mahuya gabigabi geelu sagulanga galu huma mububi budi munda mwa tima dyaayi.Manee kwanywa kwa mundu ulusagula yega mahuya gadi munda mwa tima dyayi.»

46 *Yeesu haya sagula lungi tii: «Ngyayi kya mudi muu niteena, ‹Vidi-nyambi, Vidi-nyambi.› Na banyu ndamudi muuta byeebya byandi mu misawiila? 47 *Niluvula ubamonesha munda gulu ni kumba na utelegejya mahuya gaami na ugata byeebya byandi mumu sawiila, gulu fwandana: 48 Eyu gulu fwandana na mundu gubu vuba yendi kyaayi, gubu fula haasi na ufi'a u abu. Ukaa'a abu, i kweebu teela iyeezi kyeebu yengela yende, haŋa yogo dyatagadi hadibunywa, na mbila yibu fi'a u yende, yende nda ibu sagala manee yendi ibu lukibwa bilegela. 49 Haboobwa mundu yoowa wooso gulu telegejya ndangijyu yaami, nanguta indu, gulu fwanda na mundu gubu vuba yendi kyaayi heegulu wa maavu nangu fula haasi. Haŋa habu fi'a mbila u yendi, kyee yendi, kyooso hakya hona haasi kubuu! Na hakya hongo'a kyooso.»