1 Lusu lumo, Yeesu wene mudimo bua mukuajya. Haŋa heeweye kuajya, yumo dingisi waye byamusaudila ti: «Vidi-nyambi, tukikuajya utulangidile kuajya bebya Yohane we langidila badingisi baye.» 2 Yeesu byabasaudila: «Haŋa hamukiajya, muyakane mukuyakula bibi:

‹Tata,

zina dyobe dyatumbibwe!

butangala bwoobe bwave!

3 Utuabilange bidyazi biitu byakila lusu.

4 Utufilange lusa mububi bwiitu,

kumona bashu tukimonena lusa baa booso bakitutela bubi,

na ndutusama kushwelanga mubindu byakutu shidimusha.›» 5 Haŋo Yeesu byabasaudila badingisi baye lungi: «Tuyakule bangu ti: yumo hamukidi hiinu udi na mwizinaye, naiye yowa mwizinaye wayena kwaye hamukidi habufuku na kumusaudila: ‹Mwizinami nguyambishe bangu mikati yisatu, 6 Kumona yumo mwizinami yidi mulwendo wakidila kwaami, na sidi nakindu kyakumwabila.› 7 Itu yowa yidi mu kyende wamuyaka ti: ‹Ndungu suvya miimi! Na yizila kibelo. Na miimi na baana baami twa tandabala; shaku buuka lungi ti na kuabile mikati.› 8 Kwa kwinikindu, ngimusaudila ti: Itu ndaku buuka wa mwabile mikati kwakuboya ti iye mwizinaye, ubuukanga na kumuabila byooso biajyaye kukidila kukomena kyaye.

9 Kwabiibi nabasaudila ti muyakane mukuajya na muebwanga; muyakane mukukeba na mumona; muyakane mukukumuna kukibelo na muyujyuludibwe. 10 Kumona yowa wooso kiajyanga ni kiebwanga, kikebanga ni kimonanga na kikumunanga kukibelo ni kiyujyuludibwa kibelo. 11 Buune bangu, hamukidi iinu batata babaana, itu mwana woobe wakuajya mukati, umwabila ibwe ao itu wamwajya kibelelo kikimo, umwabila nyoka? 12 Ao itu wakuajya iyi, buune umwabila kiushi? 13 Haŋo itu banyu badi na bubi, mukiyuka kuhana bindu bilweela ku baana biinu, kwakwinikindu Shinu yidi haulu ubaabila Tima dya Kabejya baba bakimuajya.»

14 Lumo lusu, Yeesu wenange mukujyanga muzuka munda mwamundu yumo, wee bika yowa mundu kifuma. Wowa muzuka hawenyomoka munda mwa yowa kifuma, hakeaŋa yowa kifuma byasamuna kuyakula, na bandu booso benange haŋa haba habakanya. 15 Lakini bamo bandu benange haŋa haba boya ti: «Wajyanga mizuka kukidila butangala bwa Belzebuli, mukulu wa mizuka.» 16 Bangi hamukidi haabo bevula kumuteela muteo, haba muajya wabatele kingulungulu kimo kyakumonesha ti uvanyomokela haulu. 17 Ila Yeesu, weyuka miejyo yabo, bya basaudila: «Itu bandu ba butangala bwooso bakikwiabulula hamukidi haabwo buonanga. Byakebee, bandu bakilongo kyooso badi mulwaku ibo kwaibo kwinikindu bionanga. 18 Itu Musimbusimbu wakwilwisha iye mwinikindu, butangala bwaye butebama bini? Nabasaudila bebya kumona banyu mwayakula ti ngijyanga Musimbusimbu kwabutangala bwa Belzebuli? 19 Itu miimi na jyanga mizuka kwa butangala bwa Belzebuli, baana binu bakiyijyanga na butangala bwa naani? Kukidila bebya, ibo ni bimonesha ti banyu ndamudi musambo. 20 Lakini itu yayakana ti miimi ngijyanga mizuka na butangala bwa Kabejya, haŋo muyuke ti butangala bwa Kabejya* bwa tuyuka kwamudi.

21 Itu mundu yidi mwejyo na udi na byeela, bindu byaye biyakana nyaa. 22 Ila mundu yidi mwejyo kumukila iye waava wamukundukila na wamuima, yowa umukuzula byeela byaye bivabadilangeye na kuaba bindu byooso bivamukuzuleye.

23 Yowa wooso sidi mwajyo waami, ukingulwisha. Na yowa wooso sikingunyangujya kukongakanya naami, ukimwangidijya.»

24 Haŋo Yeesu byasaula: «Itu muzuka wa nyomoka munda mwamundu, ukinyunganyunga mumabua masidi bandu mukukeba bua dyakuyoyela. Itu ndavamona, ni wakwijyobojya: Nialuka kukyende kyami kyambivanyomoka. 25 Itu waaluka, ukibanga kekya kyende kyakombebwa na kulungakanyibwa bilweela. 26 Haŋo, huyena na kukabuula mizuka yingi musambo yibiyibi kukila iye mwinikindu; booso bashwela mukekya kyende kukumo na kuyakana munda mwa yowa mundu, buyakane bwayowa mundu bwaava bubibubi kukila bebya byenangiye busu.»

27 Haŋa heyakula Yeesu mama mauya, mwamukazi yumo mukekya kiandu kya bandu byabajya muuya na kuboya ti: «Wafiyudibwe mwamukazi wekubutula na kukunyamwisha! 28 Ihani Yeesu haya mu lunga: Badi na fiyugujyi, mbaaba balu telegejya mahuya ga Kabejya na u gata.»*

29 Boobwa bigandu bya bandu bya bibu vinina na umu nyungangala Yeesu, Yeesu haya booya: «Bandu ba lelo ndaba legela. Balu vula umona bijyongoto byooba hanunusha. Haboobwa shooba teela indu nangi imu bijyongoto kyooba haa nunusha, ha u hanunu'a ubu hanunusha Yona. 30 Ukidila byeebya Kabejya byeebu bijyongoto byoo hanunusha bandu ba Ninawi* ukidila Yona, ibyeeebya miimi Mwaana wa Mundu bya ya kananga bijyongoto iluhanunusha kya bandu ba lelu.*

31 Haŋa Kabejya haya hondololanga buyaani bwa bandu, wa mwaazi gubwa nangi muu tebemena bandu u isi kya ulwaasi, wafuku'anga na u hondolola bandu ba buyaani bwa lelo. Manee yuugu wa mwaazi gubu vueya u isi kya uula koo boya ti, wa telegejyi mahuya ga nyinyi ga ngana Salomoni.* 32 Haŋa Kabejya haya hondololanga buyaani bwa bandu, bandu ba Ninawi na ebu bafuku'anga hamonga na bahondololanga bandu ba leelo, manee ebu hababu telegejye byeebya Yona byeebu ba sawiila; babu yi heta na u fululujya matima gaabu. Na hanu hatudi hadi mundu mwatagadi ukila Yona.»

33 «Nda udi mundu gulu teema taala na udi fwamisha mwii tala, haboobwa balu dibii'a heegulu na udi haki'a, kooboya tii bandu balu shweela mu yendi bamone mungenge. 34 Mesu goobe i tala dya mubidi goobe. Ishu mesu goobe gadi muu mona bilegela, mubidi goobe gooso wa yananga mumu ngenge. Haboobwa ishu mesu goobe gadi na lufu, mubidi woobe wooso na eyu gudi mumu ziibwa.* 35 Lola bilegela mungenge gudi munda moobe wafululu'a u yaana mu zimbwa. 36 Ishu mubidi goobe gooso gudi munda mwa mungenge, na imanu kyoobe nangi imu nda idi munda mwa muzimbwa, mubidi goobe gooso wa yananga na mungenge wa unindu, byeebya taala bya dilu monesha mungenge ukidila mungenge waayi.»

37 Haŋa Yeeesu heebuhwa usagula, mu Falisayo* yumu gubu mu taŋana Yeesu wenanga kuudya bi yaazi u yendi kyaayi. Ihani Yeesu haya fi'a na haya shweela munda mwa yende haya yaana muudya bi yaazi.* 38 Yuugu mu Falisayo* bweebu mumona Yeesu muudya bi yaazi eyu na ngu tumba miyu yaayi, haya haanunua.* 39 Ngana Yeesu haya mu sawiila: «Banyu ba Falisayo*, mulu tumba haajya wa lubaya na muhejya. Haboobwa, ulola munda mwa matima yiinu, mudi ba yudi baababa na afyulu na matima gabigabi.* 40 Banyu baaba ba shidi na nyinyi! Nda muluyu'a tii, gubu longa haajya i gubu longa munda?* 41 Mu ba gabidilangi tusuvi byeebya bidi munda mwa lubaya na munda mwa mihejya, koo boya tii, bindu byooso bya yaani bi to'ato'a* kwa mudi.

42 Lusa lwiinu banyu ba Falisayo*, banyu badi mu loosha iba imu kya umi bya bindemba na munyinyi na bindemba bingi byeebya byooso bya mudi muu shuula mu monda giinu. Haboobwa mwa yaana muu lubanga buta na utuvula kwa Kabejya. Na ngangu vidigijya utuula ihindi kya umi kya biibi bingi byooso.

43 Mwa yiloga banyu ba Falisayo*! Manee banyu muluvula u yaana mu nge'a ya mabusu munda mwa tulububunga. Lungi muluvula* umi hanywiina na ineemo mu bigandu bya bandu ba butu. 44 Lusa lwiinu! Manee banyu mudi bidi bivwa bishikilu mone'a, na bandu badi muubi yatigila ebu nanguyu'a.»*

45 Mulangidijyi yumu wa buta* haya mu sawiila: «Mulangidijyi, Kuu'u usagula koobe koodi muu sagula, gudi muutukaya na baashu byanga byeebya.»*

46 Yeesu haya mu lunga: «Mwayiloga na banyu Balangidijyi ba buta! Manee mudi muuba hibi'a bandu mizigu yaba shidi muu samuna uyi shwaala, haboobwa na banyu nda mulu shweejya munyu nangi gugumu tii, muba yangudi.* 47 Lusa lwiinu, manee banyu muluvubilanga bivwa bya ba ngangabiloto ba shiinu muulu bababu hega.* 48 Na banyu mwa monesha bandu booso hululu ti, mudi hamonga na ba shiinu muulu babu hega ba ngangabiloto manee mwa sehelela na mwa ba vubila bivwa!* 49 Ukidila biibi bya mubuta, Kabejya muu nyinyi yaayi haya boya: ‹Lola, naba yishilanga ba ngangabiloto* na ndingisi*, haboobwa ebu bakananga muu hega bamu na bangi muu ba suvya.›* 50 Ukidila biibi, Kabejya wa mi titiminyanga banyu bandu ba lelo manee ga muloha wa ba ngangabiloto* babu hegebwa usomba u musombo wa bwiinadu. 51 Koo'a uhegebwa ubusomba udi Abeli na ufi'a udi ngangabiloto Zakalia,* wa babu hege mu babumuhegela mu Lubunga* mubwata bwa mazabahu na buga di to'ato'a dyoo tudila bindu udi Kabejya. unindu nami sawiila: Kabejya waba titiminyanga bandu ba leelo manee ga muloha wa bandu booso gubu hegebwa.*

52 Lusa lwiinu banyu ba langidijyi ba buta! Mwa zimbila bandu zila kooboya ti, ndaba yu'anga byeebya biluvula Kabejya. Banyu banindu nda mudi muu vula ushweela, na baaba baluvula ushweela, banyu mwaba zimbila.»*

53 Haŋa Yeesu hebu huma munda mwa yendi, ba Falisayo* na balangidijyi ba buta* haba muwatila iizi kyumini na umu yuujya mahuya ga butu. 54 Manee bamoni zila yoo muwaata ukila mahuya gaayi.