1 Kwene lumo lusu, Yeesu we taluka hangondo yaziba dya Genezaleti*. Bandu babule bavasomba kumufinga, kumona bavavula kuteejya Mauya ma Kabejya. 2 Bya mona mitumbu yibidi hangondo haziba. Haŋo bakuloba bene mukulozoka mwakale mu yeya mitumbu mukutumba tubabila twaabo. 3 Haŋo Yeesu bya banda munda mwa mutumbu umo wene haŋa. Wowa mutumbu wene wa mundu yumo wetaanibwa Simoni. Yowa Simoni, Yeesu bya musaudila ti waumbe ashoo mu meema, munonga ashee na kibimbi bya yakana moo munda, na kusomba kulangidila bandu.

4 Haŋa hewa Yeesu kulangidila, bya saudila Simoni ti: «Tulusha mutumbu kokwa kudi muyungu, haŋo mukakase tubabila twiinu mukwate bibelelo.» 5 Simoni bya muyaka ti: «Mulangidishi, twatua leelo bufuku booso nee kamo kaku kwaata. Ila, kumona ti jyoobe wasaula nikasa lungi tubabila mumeema.» 6 Haŋo habekaasa tubabila mumeema, haba kwaata bibelelo bya buule, na tubabila twaabo hatwa somba kuhandika. 7 Ni haba taana bezinabo bangi bene mumutumbu hungi, kwa kuboya ti baave bava banyanguzye. Booso habakwata bibelelo, na kuyujya mitumbu yooso yibidi haya somba kumotoka mu meema.

8 Simoni Petelo he moneeye beebyo, bya hona manyu fuka busu bwa Yeesu nakusaula ti: «Ee ha Vidi-nyambi wandi hezela busu bwaami, Kumona miimi mbidi mundu yidi na bubi!» 9 Simoni uvayakula beebya kumona iye na beezinaye be hanunuka kwabule kukidila bungi bwa bibelelo byabeekwaata.

10 Byakebee Yakobo na Yohane, baana ba Zebedayo naibo bavane mukuloba na Simoni, naibo habahanunuka kwa bule. Ila Yeesu bya jyongodela Simoni ti: «Ndutiina, kusombela leelo uyakana wakuloba bandu.» 11 Haŋo haba tulusha mitumbu haŋongo haba sama byooso na kujyanga Yeesu.

12 Lumo lusu, haŋa Yeesu wene mu humo mukola. Mundu yumo wene na kivu lukoba lwooso. Haŋa heeva moneye Yeesu, byaona manyu fuka busu bwa Yeesu lukebo mupaka mumateke na kukwiaya na Yeesu ti: «Vidi-nyambi itu wavula, ukibambana kungufuula.» 13 Haaŋo Yeesu bya holola kiboko, bya mulengela yowa mundu na kuyakula ti: «Navula, fuuka!» Akeaŋa, bisiteye too. 14 Haŋo Yeesu bya saudila yowa mundu ti: «Ndusaudila mundu nee yumo wuuwu musau. ila yena uka kwimoneshe bangu kudi mupelo,* na ukatuule bindu kukidila bebya byesinya Musa kwaku monesha ti wafuuka».* 

15 Ila nembebya, mbunda dya Yeesu hadya mwangalala mabua mooso. Biandu byabule byabandu haba kumaana kwaku teezya mauya maaye. Na kwaku fula nyifu yaabo. 16 Ila Yeesu bya yakana mukuezela na kuyena mubua disidi bandu kwa kuajya Kabejya.

17 Lumo lusu Yeesu wene mukulangidila bandu. Mafalisayo* bamo na balangidishi bamo ba Buta benyomoka mumikola yooso ya Galilaya na ya Yudea na ya mukola wa Yelusalemu booso bene haŋa; na butangala bwa Vidi-nyambi Kabejya bwene naye kwaku fula baaba bene na lufu.

18 Bandu bamo habaava kushwala mundu yumo yidi bulebele bibandu mu kipoyo. Habasikikeba zila yakumu shwejya mukyende kwaku mubiika busu bwa Yeesu. 19 Haŋo kukidila bungi bwa bandu, ndabeemona zila yakushwela naye. Kwabiibi haba banda naye haulu hakinduulu*, haba humbula mamo mapaa na habamushajyila hamukidi habandu, busu bwa Yeesu iye bobo mukipoyo kyaaye.Bandu bakijyila mundu yidi na lufu kukinduulu kya kyende 20 Haŋa heeva mona Yeesu butabuke bwa baaba bandu kudiye, bya saudila yowa wene na lufu ti: «Mwizinami, wamonenebwa lusa bubi bwoobe!»

21 Baaba *Bafalisayo na baaba balangidiji ba Buta** habasomba kukwiyujya: «Ngwabini yuugu ki kaya Kabejya,* Ndaudi mundu gudi na butangala boo bagasha bubi, ha Kabejya halaa!»

22 Na Yeesu gubuyu'a migejyu yaabu, haya bayuujya ti: «Ngyayi kyamudi muu gejyela biibi mu matima giinu? 23 Munguzaudile, ngyaayi idi ihela heela mukuyakula, umusawiila mundu ti ‹Wafwilwa lusa mu bubi boobe,› ao kusaula ‹Talu'a na usumuke›? 24 *Haboobwa, ngivula muyuke ti miimi Mwaana wa mundu mbidi na butangala bwakufila lusa bubi muune mumusenge.» Kisha, yeesu bya jyongodela yowa yidi bulebele bibandu ti taluka ubuule kipoyo kyoobe na ualuke kukyende kwoobe. 25 Hakeaŋa yowa mundu bya taluka busu bwa bandu booso, na bya buula kipoyo kyaaye kivanangiye mukutandandabadila bya yena kwaye kushisha Kabejya. 26 Baaba bandu booso haba kanya kwa bule na habatiina. Habasikishisha Kabejya mukuboya ti: «Leelo twamona bindu byatu hanunusha!»

27 *Biibi habibu kila, Yeesu gubu huma haajya, haya mumona yoowa gulu haajya mitulu yumu wabalu teena Lawi, *wayaana mu bilo dyaayi. Yeesu haya musawiila: «Unikumbi mimi!» 28 *Lawi haya talu'a, haya siga bindu byaayi byooso na haya mu kumba Yeesu.

29 *Biibi ukila, ihani Lawi haya mu teela Yeesu igandu kyatakyata u yendi kyaayi. Mu kyee yendi mubwa nangi balu haajya mitulu na bandu bangi babutu babwanangi muudya hamonga nabu. 30 *Hababu mona biibi Bafalisayo* na balangidijya ba Buta* habakilu ŋunuŋuta na usawiila mitongi ya Yeesu tii: «Ngyaayi kya mudi muudya hamonga na unywa hamonga na baaba balu haajya mitulu na baluta bubi?»* 31 Yeesu haya balunga tii: «Baaba badi na mubidi gushidi na lufu, nda balukeba gooba mubuki. Haboobwa mbaaba badi na lufu balukeba bandu booba fuula. 32 *Yeesu haya basawiila; shibu vueya kuukeba baba batebami, haboobwa nibu vueya kukeba baba badi na bubi tii basami bubi.»

33 * Bafalisayo bamu* haba musawiila Yeesu: «Mitongi* ya Yohane lu yabika na baaba yiishu balu haajya ndaba ludya biyaazi na u haajya kwa butu. Haboobwa baaba boobe ndabaluta biibi, baludya na unywa. Ndabalu ziti'a bi yaazi.» 34 * Yeesu haya ba lunga: «Baaba babu lagibwa u igabu kyoo yi tundu jyeena balu zila biyaazi ishu mweedi wa igandu gudi hamonga nabu? Hebo nda beebo. 35 *Habobwa ihindi kyafi'anga haŋa yuugu ngana wa halusi haya bagalanga mu bwaata bwaabu; mu kii'i ihindi, baziti'anga biyaazi.»

36 *Yeesu haya bateela muele guugu, haya basawiila: «Nda 'udi mundu gulu bugula ilaka kya ngubu yihya na u kinami'a mu ngubu yuluulu; ishu boota bibi, kii'i ilaka kya tatununanga boobwa buhandi'i bwa ngubu guluulu, na kii'i kilaka ihya nda kyoo namata bilegela mu ngubu guluulu.* 37 *Nda 'udi mundu gulu bii'a divayi dihya mu biseba byuluulu. Ishu boota bibi divai dihya dyahandanga bibi biseba na dya hudi'anga dyooso haasi. 38 Ila *Divai dihya ikibikibwa bobo mu taba dya biseba bihya. 39 * Nda 'udi mundu nangi yumu luvula unywa divai dihya ishu gubunywa mabusu divai dyuluulu. Nguboya tii: ‹Dedya divai dyuluulu ndilegela.› »