1 Nyuma ya bebya, Yeesu bya taana ba mitonge baye kumi na babidi na kubaabila butangala bwa kujyanga mizuka yooso, na butangala bwa kufula badi na lufu. 2 Haŋo bya bayiisha bayeene kusaula mauya ma butangala bwa Kabejya na kufuula badi na lufu. 3 Bya basaudila: «Ndamushwala kindu neekimo muluendo lwiinu: Nee ngikoma, nee nitaba dyaluendo, nee mukati, nee ni falanga, na ndamushwala nee ni ngubu yibidi. 4 Na kyende kyooso kyamushwelanga na kutabukibwa, muyakane momwa mupaka bebya byamuezela muwowa mukola. 5 Itu bandu baumo mukola babenga kumutabuka, muezele mumukola waabo na mukukumune kauto kabidimba biinu, yiyakana kumanyibwa kwabadi.» 6 Haŋo, baba badingisi habasomba luendo, habakila mukola umoumo kusaula mauya ma lweela na kufula badi na lufu kila bua. 7 Haŋo Kolo Helode weteejya musau wa makumo mooso menange mukuteebwa, byabeleka mutima mumama mabeeboyanga ti: «Yohane wafukuka hamukidi haba mote!» 8 Bandu bangi beboya ti Elia waba nyomokela, na bangi bandu beboya ti yumo hamukidi hababushi ba kale wafukuka. 9 Lakini Helode bya boya ti: «Mimi mwinikindu niwetembesha mushu wa Yohane; haŋa nzyuke mundu yuu wangiteejya musau waye?» Na bya yakana na muuma wakumumona Yeesu.

10 Haŋa baba badingisi habee haluka, haba saudila Yeesu byooso byabeeta. Yeesu bya babuula bya yena nabo mubua dya bunga mupaka kumukola ukitaanibwa Bethesaida. 11 Lakini haŋa baba bandu habeyuka kweyeneye habamujyanga. Yeesu bya batabuka tonono naye byabasaudila kukidila butangala bwa Kabejya na kufula baba booso bene na lufu. 12 Haŋa hayene ti yuba ndadi sala, baba Badingisi* kumi nababidi haba muyila Yeesu na kumusaudila ti: «Ulae baaba bandu, kwakuboya ti bayene mumikola na makunda madi tonono, bakwikebele bidyazi na mabua ma kutandabala, kumona tudi mubua disidi bandu.» 13 Lakini Yeesu byabajyongodela: «Banyu benikindu mubaabile bidyazi.» Naibo haba muyaka ti:«Haŋa tudi bobo na mikati yitano na bibelelo bibidi. Itu niini twene tukaule bidyazi byakubambana baba bandu booso!» 14 (Kumona haŋa hene hangi babalume elufu yitano), haŋo Yeesu byasaudila badingisi baye: «Musaudile bandu bayakane haasi mubiandu bya bandu makumi matanomatano.» 15 Baba badingisi habata bebya byabavasaudibwa, haba yakanisha bandu booso haasi. 16 Haŋo Yeesu bya buula yeya mikati yitano na bebya bibelelo bibidi, byatundula meeso haulu, byabifiyudila, haya bibela na kuabila badingisi baye kwakuboya ti babiabanyine kiandu kya bandu. 17 Haŋo bandu booso habadya na kushiba. Habakumaanya makombwa meshaala, haba yujya taba kumi na yibidi.

18 Lusu lumo, Yeesu wehajya iye bunga, na badingisi baye bene kukumo naye. Haŋo bya bayujya: «Buune bangu! Kiandu kya bandu kikiboya bini kumbanga yaami?» 19 Naibo haba muyaka ti: «Bamo bandu bakiboya ti beebe ni Yohane kiyabika bandu mumeema; bangi bandu baki boya ti beebe ni Elia, na bangi bandu lungi baki boya ti njyumo wa babushi bakalee wafukuka.» 20 Haŋo Yeesu bya bayujya: «Ko, na banyu mukiboya ti miimi ni naani?» Petelo bya yaka ti: «Beebe ni Kilisito wa Kabejya.»

21 Haŋo Yeesu bya balanga kushu minyee ti ndabasaudila mundu neeyumo dedya huya. 22 Na byayakula lungi: «Yikibambana Mwana wa Mundu wasube kwabule na kubengebwa na banunu, bakulu babamupelo na balangidijyi ba buta. bimuyaishanga na lufuku lwa kasatu ufukukanga.» 23 Haŋo Yeesu bya saudila bandu booso: «Mundu wooso wavula kungujyanga miimi, ukibambana kukwibenga iye mwinikindu, wabuule musalaba waye kila lusu wangujyange. 24 Kumona, mundu kivula kufuula mwejyo waye iye mwinikindu uuzizimisha; lakini yowa yizizimisha mwejyo waye kukidila miimi, uufuula. 25 Buune bangu, yinyangujya kaayi kudi mundu kuvuka mona yooso yamumusenge, na itu wakwizizimisha ao kukwisubisha iye mwinikindu? 26 Itu mundu wamona buuvu kungidila miimi na mauya maami, miimi Mwana wa Mundu ni monene yowa mundu buuvu mukindi kyambiva mubutangala bwaami na butangala bwa Shami kukumo na malaika basidi na bubi. 27 Ngibasaudila bya kwini kindu, kudi bamo bandu bakitaluka haŋa bashakumota busu ndabemona butangala bwa Kabejya.»

28 Mafuku muanda kukila he yakula Yeesu mama mauya, bya buula Petelo na Yohane na Yakobo bya yena nabo kukituulu kwakukaajya. 29 Henangiye mukuajya, lukebo lwaye halwa funduluka na ngubu yaye hayisite yitokatoka pepeepe. 30 Mukivuuku, hakwamoneka haŋa bandu babidi bakiyakula na Yeesu, baa bandu ni Musa na Elia, 31 beemoneka mubutangala bwaaulu, habasiki yakula na Yeesu bebya byandi bambanyeye byevileye kwakumota kokwa Yelusalemu. 32 *Petro na bezinayi babu waati'a na tulu twa ndulubila. Haŋa hababu buu'a haba mumona Yeesu washweela mu butangala, hamonga na bandu babidi batebema hamonga nayi. 33 Musa na Eliya. Haŋa Musa na Eliya hababu bagala, ihani Petela haya mu sawiila Yeesu: «Mulangidijyi, mbilegela tu yaani hanu! Tuvubi bibumbi bisatu: Imu kyoobe, kingi kwa Musa na kingi kya Eliya.» Haboobwa Petela ndibwa nangi muu yu'a bibi byeebwa nangi muu sagula. 34 Hanga haŋa Petelo eyu muu sagula, timba hadya huma hadya ba bwiila, na ebu babu tiina unindu habu shweela munda mwa dyeedya timba. 35 *Na muhuuya hawa huma munda mwa timba na hawa boya: «Yuugu ni mwaana wandu vula na wambu sobola. Mumu telegejyi eyu!» 36 Mu ihindi kyee'a, manyuma woo telegejya mu huuya, haba mumona Yeesu wa shagala eyu bunga. Ndingizi yaayi haya gunda nyaa. Na ndabu sawiila mundu nangi yumu gaaga mahuya ga babu mona.

37 Bweesha bwaayi hana hababu sala kwii bandjwa, igandu kyatakyata kya bandu hakya kumaŋana nabu. 38 Mundu yumu mu kyee'a igandu kya bandu, haya tungula muhuya na haya boya: «Mulangidijyi, tasha mesu goobe udi mwaana waami yuugu yugumu. 39 Mu bihindi byooso musimbusimbu gulu mu banda, na ishu wamu banda i haŋa ndilu yabaŋana, umu sinda haasi na umu salusha mi koo'o na eyu muu huma poofu kwanywa. Guugu musimbusimbu wamu suvya u nindu gulu musama mu bihindi bi shoo yega. 40 Nibu ba sawiila ndingizi yoobe bamu fuudi, haboobwa ndababu samuna.» 41 Haboobwa Yeesu haya ba lunga: «Banyu bandu ba leelo bashidi na u lungidila, na bazizimini! Nayaani niinu masu ganga kooboya tii, muni telegejye? Vuisha mwaana woobe hanu.» * 42 Boobwa mwaana bwebu vueyanga ashenanga udi Yeesu ye, musimbusimbu hawa musinda haasi kubuu na hee kilu yi sala mu maavu! Ihani Yeesu haya gu tanyunywiina guugu musimbusimbu, hawa huma na mwaana haya fuu'a. Yeesu haya bugula mwaana haya mu gabila shaayi.* 43 Haboobwa bandu booso haba hanunu'a kwa butu bwababu mona butangala bwatagadi bwa Kabejya

44 «Mu telegejye bilegela mahuya gaaga gandi muu sagula: Ba tulanga Mwaana wa Mundu mu minyu ya balwiishi baayi.» 45 Haboobwa gaaga mahuya nda gabu shweela mu mishu ya ndingizi. Na haba mona mooyo woo mu yuujya Yeesu byeebya byee bwanangi muu sagula. * 46 Bibi habu kila, ndingizi ya Yeesu haba kilu yi yuujyijyeena ebu ba nindu, inaani wa shagalanga edi mu bwaata bwaabu.* 47 Ihani Yeesu haya yu'a migejyu yi bwanangi, munda mwa ma tima gaabu, haya bugula mwaana wa mulenge haya mu bii'a hangondo waayi.* 48 Na haya ba sawiila: «Yoowa gooso wa tambulanga mwaana wa mulenge bidi guugu mu zina dyaami, wani taambula miimi. Na yoowa wooso wani tambulanga mimi, wamu tambula yoowa gubu nitaki'a. Manee yoowa gudi mulenge mu bwaata bwiinu banyu booso, i yoowa wa yananga edi wiinu.»* 49 Ihani Yohana haya mu sawiila Yeesu: «Mulangidijyi, tubu mona mundu yumu gubwanangi mu bwaata muu jyanga misimbusimbu mu zina dyoobe. Hatu kidi mumu nyaajya, manee ndilu namata kuni kwa tudi.»* 50 Ihani Yeesu haya mu lunga: «Nangu mu nyaajya, manee yoowa gushidi mu lwiishi wiinu, gudi mugela wiinu.»

51 Boobwa bubu bengeneena ihindi kya Yeesu u weena u lububi heebu nenama, haya bagasha mooyo mu tima haya weena u Yelusalema.* 52 Ihani haya yiisha bandu mabusu gaayi, na ebu haba weena haba shweela mu moola wa Samaliya koo boya tii, bamu longedi buga.* 53 Haboobwa bandu ba moola woowa, haba keezema manee gubwa nangi ayinanga u Yelusalema.* 54 Haŋa ndingizi yaayi Yakobo na Yohana hababu mona bibi, haba mu sawiila: «Vidi-nyambi, gulu vula tu haajya mudilu u lububi waba jyijyi?»* 55 Ihani Yeesu haya fululu'a kwabadi na haya ba nyaajya, 56 na ebu haba weena u moola gungi.*

57 Haŋa haba bu wenanga mu zila, mundu yumu haya vueya haya mu sawiila Yeesu: «Miimi naku kumbanga kooso kwa wa yinanga.» 58 Yeesu haya mu lunga: «Milende yidi na mi tubula, na tuuni tudi na mashwa, haboobwa mwaana wa Adamu ndidi na buga dyoo yegela mushu.» 59 Ihani Yeesu haya mu sawiila mundu yungi: «Unikumbi miimi.» Haboobwa yuugu haya mu lunga: «Ngana, unisami bangu miimi neenangi nazii'i shaami.» 60 Yeesu haya mu lunga: «Sama bandu bamote ba zii'i mundu waabu womota, haboobwa beebe inanga waa sawiidi bangu Butangala bwa Kabejya.» * 61 Mundu yungi haya mu sawiila: «Ngana, naku kumbanga unisami bangu nenangi naalagi bandu badi u yendi kyaami.»* 62 Yeesu haya mu lunga: «Mundu gooso wa watanga lwasu na eyu muunima, na ishu wa lola manyuma, ndilu bengeneema u yaama mu butangala bwa Kabejya.»