1 Kisha Yeesu kumutudibwa mumeema, wenyomoka ku luuyi lwa Yolodani, buyudibwe na Tima dya Kabejya. Yowa Tima dya Kabejya bya muyelekejya ku lungu. 2 Kokwa kwe labudibweeye na Musimbusimbu mafuku makumi manaa. Mu mama mafuku ndee dyanga nee kamo, haŋa hekila maa mafuku bya teejya zala.

3 Haŋo Musimbusimbu* bya musaudila Yeesu ti: «Itu beebe ni Mwaana wa Kabejya, saudila diidi ibwe dya funduluke mukati.» 4 Yeesu bya muyaka ti: «Yikisinyibwa mubusinye butokatoka ti: ‹Mundu ndakiyakana bobo kukidila kudya mukati*›».

5 Ni Musimbusimbu bya mushwala Yeesu mubua dyaaulu. Bya mumonesha hakeaŋa butangala byooso bwa mumusenge. 6 Bya mujyongodela ti: «Nikwabila butangala bwooso na mona ya bobwa bukolo, kumona bebya byooso byabengwabila miimi na miimi ngiabila yowa wooso wangi vula. 7 Biibi byooso biyakana bindu byoobe itu wangunyinamina.» 8 Yeesu bya muyaka: «Yikisinyibwa ti:

‹Ni Vidi-nyambi Kabejya woobe waukibambana kumunyinamina

na kumuvubile iye bunga.›»

9 Haŋo Musimbusimbu bya muyelekejya mupaka ku Yelusalemu, Byamu bika kusongo ya lubunga* lwa Kabejya na kumusaudila ti: «Itu udi Mwaana wa kabejya, ukwikase kunyomokela haŋa mupaka haasi; 10 Kumona yiki sinyibwa ti:

Kabejya usaudila malaika* baye bakudindikizye.

11 Na lungi ti

‹bikushwala mubiboko byaabo, kwaku boya ti

ndukwi kukala kidimba kyoobe muibu.›»

12 Yeesu bya muyaka ti: «Businye butokatoka buki boya ti: ‹Nduyakana wakulabula Vidi-nyambi woobe.›»* 13 Haŋo haŋa heewa Musimbusimbu kumulabula mukila kindu, Musimbusimbu bya musama Yeesu kwa kudindila mu kindi kingi.

14 Nyuma ya haaŋo Yeesu bya haluka ku kisi kya Galilaya, na butangala bwa Tima dya Kabejya. Na musau waye hawa mwangalala mubisi byooso bya mumangondo. 15 Bya somba kulangidila bandu muma sinagogi* maabo, na bandu booso haba yakana muku mushisha.

16 Haŋo Yeesu bya yena Nazaleti kokwa kwe lelebweeye. Lufuku lwa Sabato, bya shweela mu sinagogi ya Yaudi kukidila bwaama bwaye, bya taluka kwaku boya ti wasome businye bwa Kabejya, 17 na haba mwabila kitabu kivungiibwe kya mubushi Isaya. Bya humbula kitabu na kubanga bua haŋa habe sinya:

18 «Tima dya Kabejya didi haulu haami, kumona wangulalabisha maani kwaku saudila tushuvi mauya maleela,

Uva nguyiisha kwaku boya ti na saule hululu kuangudibwa kwa baba badi buzitikibwe kuangudibwa kwaabo,

na bakufu kumbudiibwa kwa meeso maabo,

na kubalekela baba beene muku monenebwa.

19 Na kuta mukandu wa musha wowa umonesha Vidi-nyambi mbejya yaye.»

20 Haŋo kisha Yeesu kusinyulula, bya vunga kekya kitabu, bya kialusha kwa muvubi, na bya yakana haasi. Bandu booso beene mu sinagogi* bee fiikidijya meeso kudiye. 21 Haŋo Yeesu bya somba kuba saudila ti: «Leelo diino, maama Mauya matokatoka mabambana kwamudi banyu bakinguteejya.» 22 Bandu booso habasiki hanuka kukidila mauya ma mbejya mee saulangeye, habasiki kwiyujyujyena ti: «Yo! Yuwu nda mwaana wa Yosefu?» 23 Yeesu haya basawiila: «Muni hondolwedi musunga guugu: ‹Ŋanga wayifuula eyu munindu!› Gungi mwanisawiilanga lungi.

Tubu telegejye byooso byatubu u Kapelanaumu, ubiti na kuni u moola goobe.» 24 Gungi Yeesu haya boya: «Nami sawiila unindu, nganga biloto nangi yumu wabalutabu'anga mu moola waayi gootote'a. 25 Unindu namisawiila, ubwanangi badyangu babutu mu Isilaeli mu ihindi kya nganga biloto Eliya, mu ihindi kii'i, vula ndayinywa mu misha yi satu na miangu mutubaa, na ashwa kaatakaata hakashweela mu isi kyooso*. 26 Haboobwa Eliya ndibu takiibwa ku luula mwadyangu nangi yumu, haboobwa gubu mutakiibwa kwa mwadyangu yugumu ye, wa Salepata mu isi kya Sidona*.

27 Lungi mu isi kya Isilaeli kubyee Elisha gukidi muumi, bandu babutu babwanangi na nimba. Na byeebya ndoodi nangi yumu gubufuu'a, ha Naamani halaa, wa isi kya ba Suliya*.»

28 Bandu booso babwa nangi mu kaa'a sinagogi* hababu telegejya gaaga mahuuya, haba waata iizi kyabubu.* 29 Ihani haba talu'a, haba mu loosha mu isi kyaabu. Haba mu tutubula haajya wa isi kyaabu kyababu vuba hegulu wa abanjwa. Haba weena u songo ya abanjwa tii, bamu humbi haasi. 30 *Haboobwa Yeesu haya kila mu bwaata bwaabu haya ba funyu'a haya wéena.

31 *Ihani Yeesu haya sala na haya weena u moola wa Kapelanaumu, u ꞌisi kya Galilaya. Lusu lwa Sabato halubu fi'a heekidi muu baluula baaba bandu. 32 Bandu haba hanunu'a u nindu umona mahuya gaayi gabwanangi na butangala. 33 Munda mwa sinagogi* ubwanangi mundu gubwa nangi na muhehe gubi-gubi. *yuugu mundu haya yaba na muhuuya watagadi, 34 *«Utusami! kyoobe ngyaayi, *beebe Yeesu wa Nazaleti? I 'uboya tii, wavueya kuutu titiminya? Miimi nilukuyu'a beebe bilegela. Beebe ni Muto'ato'a wa Kabejya weebu yiisha!»

35 *Yeesu haya hanunwiina guugu muheehe gubi-gubi tii: «Gunda nyaa! Na huma munda mwaayi!» Guugu muhehe gubigubi hawa mu honesha haasi mabusu ga bandu, na hawa huma na ngumusuvya nangi hashoo.

36 *Bandu booso haba kanya, haba mu sawiila: «Habakilu yi yujyijyeena tii; didi ni huuya dyumini! manee gudi muu jyanga muhehe gubigubi mu butangala bwaayi na muhehe, na hawa huma!» 37 Mwiizi wa Yeesu hawa bengenena mu kyee'a, isi kyooso.

38 Yeesu haya huma momwa musinagogi, haya weena u yendi kya Simoni. Haboobwa haya sosoka na haya heta najyayi mweenu na Simoni na kitukutuku kyumini, haba yigaaya udi Yeesu tii, wamu fuudi.* 39 Ihani Yeesu haya vueya haya tebema nena nayu, haya hanunwiina kyee'a kitukutuku. Na kyee'a kitukutuku hakya musama. Haya talu'a hanga haŋa, na eyu heekilu bakela biyaazi. 40 Haŋa habufi'a yowolwa, *haba muvwiishila Yeesu, bandu booso babwanangi na lufu halahala. Na Yeesu heekulu ba hibiila yumu na yumu mabo'o, na haya ba fuula booso. 41 Guugu muhehe gubigubi gubu huma munda mwa bandu babutu hawayabaŋana kwa butu ti: «Beebe i Mwaana wa Kabejya!» haboobwa Yeesu haya batanywiniina na haya banyajya ndaba sagulanga lungi, *manee babu muyu'a eyu tii, ni Kilisito.*

42 *Hakeelu ka bwesha bwayi, Yeesu haya baagala mu isi haya weena mu buga dya eyu bunga. Bandu ba butu habakilu mukeba. Haŋa haba mumona, haba muzimbila na uboya tii, ndibagalanga. 43 *Haboobwa Yeesu haya ba sawiila tii: «Yilunihajya uhanda mahuya ga mwiizi gulegela munda mwa miola yingi, manee i mwambu Kabejya weebu ni yiishila.»

44 Na Yeesu haya weena a handa mahuya mu ma sinagogi gooso ga bisi byooso bya Yudea.*