1 Nyuma ya bebya, Vidi-nyambi we sobola bangi badingisi* makumi musambo na babidi*. Na kubayiisha babidibabidi, kwa kuboya ti bayene kumbala yaye mumikola yooso na mu mabua mooso mevuleye kwena. 2 Bya basaudila ti: «Bidyazi bya kungula mbyabule, lakini bakungula mbashenene. Kwa biibi, muajye mwini wabidyazi byakungula, kwakuboya ti wayiishe bakungula bidyazi kukunda dyaye. 3 Haŋa mweene! Muyuke ti nabayiisha banyu bidi baana bamikoko benanga hamukidi habishepele. 4 Ndamushwala nee mbote, nee ni taba dyaluendo, nee mikalabanda. Ndamutukama muzila kwaku sambitila yumo mundu.

5 Itu mwashweela mukimo kyende, muyakule bangu: ‹Nyaa dya yakane mukiino kyende!› 6 Itu yumo mundu wa nyaa ukiyakana momwa mukeekya kyende, haŋo nyaa diinu diyakana haulu yaye. Lakini itu ndakudi mundu yumo wabebya, nyaa diinu dimualukilanga. 7 Muyakane mukyakee kye kyende, mudye na munywa bebya byabimuabilanga, kwa kumona ti kila muvubi ukibambana kuebwa kitata kyaye. Ndamubuluuka buluuka kunyomoka mukiiki kyende na kuyena mukingi kyende. 8 Itu mwasosoka muumo mukola na bamutabuka mwakale, mudye bebya bidyazi byabimuabila; 9 mufuule baba badi na lufu muwowa mukola na mubasaudile ti: ‹Butangala bwa Kabejya* bwa tonanana kwamudi.› 10 Lakini itu mwashwela mumukola umo naibo bakushwa kubatabuka, mweene banyu kukila muzila yaabo muye kuyakula ti: 11 ‹Nee ngauto kamukola wiinu kavatukwata kubindimba biitu twakakukumuna busu bwiinu. Kwa biibi muyuke ti butangala bwa Kabejya* bwatonanana kwamudi.› 12 Kwa kwinikindu ngibasaudila ti, lolwa lufuku lwa kusubisha, Kabejya usubisha bandu bawowa mukola kwa mulomo bata kukila kwa baba bandu ba Sodoma.»*

13 «Yeesu bya yakula lungi lusa lwoobe mukola wa Kolazini! Lusa lwoobe mukola Bethesaida! Kumona ti itu biibi bingulungulu bya mbeeta kwiinu byandi tebwa mumukola wa Tilo na mumukola wa Sidoni, bandu bayeya mikola kee beyakana haasi na kutubila kale gunia na kukwilalabisha muto mukuboya ti bafundulujya buyakane bwaabo. 14 Ni kumona, lufuku lwa kusuba, banyu musuba binyumine kukila bandu ba Tilo na bandu ba Sidoni. 15 Na beebe mukola wa Kafalanaumu, mbini, ukiejya ti ukwibajya mupaka ku ulu? Nda beebyo! Ushajyibwa mupaka kunengo.»

16 Haŋo Yeesu bya saudila mitonge yaye ti: «Kimu teejya banyu, miimi ni kiteejyeye, na yowa wooso kiba benga banyu, jyaami ni kibengeye. Ila yowa wooso kingubenga miimi, njyowa wenguyiisha ni wabengaye.»

17 Nyuma yabebya, baba badingisi* makumi musambo na babidi ba Yeesu habaaluka buyudibwe na tuseo na haba yakula ti: «Vidi-nyambi, nee mizuka yatuteejya hatuvane mukuyijyanga muzina dyoobe!» 18 Ni Yeesu byabasaudila: «Va monanga Musimbusimbu bivanengiye mukuona kunyomokela ku ulu bidi mwiimwi. 19 Muteejye bangu: Nabaabila butangala bwakufinya nyoka na kiushi, na butangala haulu ha butangala bwooso bwa yowa mulwishi, na kindu neekimo ndakyakumuta bubi. 20 Lakini ndamuseelelanga kumona ti mizuka yamuteejya, haŋo museelelange kumona mazina miinu masinyibwa ku ulu.»

21 Mukyakekee kindi, Yeesu byayudibwa na tuseo kukidila Tima dya Kabejya, bya yakula ti: «Abee Shami Vidi-nyambi wa ulu na musenge, kumona wafyamisha badi na nyinyi na badi na kuyuka makumo maama, bya wamabika ululu ku bashee. Nibeebyo, Shami, kumona ni byauvavula!»

22 Ihani Yeesu haya boya: «Shaami gubu ni gabila bindu byooso mu minyu yaami. Nda udi mundu lumu yu'a miimi Mwaana wa Kabejya Shaayi halaa. Na nda udi mundu lumu yu'a Kabejya Shaami. Ha Mwaana waayi ye, halaa, i gulu mu yu'a, na baaba bandu Mwaana waayi beeluvula uba monesha Kabejya; gulu ba monesha.»

23 Ihani haya fululu'a udi mitongi yaayi na haya ba sawiila ebu bunga: «Bandu ba sehelelanga, baaba bandu, ba monanga biibi bya mwanona banyu!* 24 Manee nami sawiila unindu tii, ba nganga bilooto* na ba ngana ba butu babu vula umona biibi bya mudi muu mona banyu nda babu mona. Na uvula utelegejya biibi bya mudi muu telegejya ndababu bitelegejya.»

25 Biibi ukila, mundu yumu mulangidijyi wa Buta* haya tebema, haya muyujya na umutega: «Mulangidijyi, naati bini koo boya tii, na yaani na buumi bwa milumbu na milumbu?» 26 Na Yeesu haya mu lunga tii: «Babu sinya bini mu Buta bwiitu*? Na gulu ga telegejya bini hoolu ga buulula?» 27 Yuugu mundu wa Buta* haya mu lunga Yeesu binu: «Yilu ku haajya umu vudi Vidi-nyambi Kabejya woobe mu tima dyoobe dyooso na mubuyaani boobe booso na butangala boobi booso na mu nyinyi yoobe yooso na: ‹Vula mundu gudi hangondo goobe, byeebye byoolu yi vula beebe mu nindu.›»* 28 Umongo, Yeesu haya mu sawiila tii: «Wa lunga bilegela! Tanga biibi mweena lusu; byeebya na wa yananga.»* 29 Ihani yuugu mulangidijyi wa buta* gubu vula uyi monesha tii, gudi mu buludi, Ihani haya mu yuujya Yeesu: «Haboobwa inaani gudi watonono naami?» 30 Yeesu haya mu lunga tii: «Mundu yumu gubuhuma u Yelusalema, haya sala mu zila yilu yelela u Yeliko. Hebwa nangi mu zila, haya hulu'a mu babo'o ga bilwanyi. Baaba bilwanyi, haba kuujya bindu byaayi byooso, haba mu tutugula na haba mu siga muu huminina.

31 Hakwa huma, Mupelu yumu haya kidila mu yanga yeeya zila, haŋa heebu mu moona yuugu mundu gubu teebwa, haya kila hangondo na haya weena.* 32 Mulawi* yumu na eyu hayafi'a haŋa heebu mumona yuugu mundu, haya mu heenga hangondo na haya weena.

33 Ihani Musamaliya yumu, gubwa nangi mu lugendu lwayi, haŋa heebu mu mona yoowa mundu, haya mu fwiila lusa.* 34 Haya sheena kwebwanangi, haya tumba malonda gaayi na umuhudila divai hamonga na maŋani na ubiganga. Na haya mu bandisha heegulu wa punda yaayi, haya mu shwaala na u mufisha u yende kya banyini tii, bamu buke. Musadiya mulegela wavuba malonda ga guugu gubu teebwa 35 Bwesha bwaayi, yoowa Musamaliya haya loosha dinari yi bidi* haya mu gabila mwiini wa yendi kya banyini na haya mu sawiila: ‹Umubuke, yuugu mundu bilegela, haŋa handa galushanga naku gabilanga mona yooso ya heegula ya wa looshanga koo mu fuhulula.›»

36 Ihani Yeesu haya mu yuujya yuugu mulangidijyi wa Mahuya Golulu* tii: «U mesu goobe, munda mwa baba bandu basatu, inaani gudi mundu watonono wa yuugu mundu gubu hulu'a mu mabo'o ga bilwanyi?» 37 Yuugu mulangidijyi wa buta* haya mu lunga tii: «Na niijya tii, ni yuugu gubu mu fwiila lusa.»

Ihani Yeesu haya mu sawiila: «Inanga, na beeba inanga tanga byeebya bibuta yuugu mundu wa bu satu.»

38 Mu ihindi kii'i Yeesu na mitongi yaayi haba weena mulugendo, haya shweela mu moola gumu, na mu goowa moola mubwa nangi wa mwaazi yumu wa ba luteena Malata haya mu tambula Yeesu munda mwa yendi kyaayi. 39 Haŋa habu shweela Ngana munda mwa yende, ngazi bandu wa Malata, wa balu teena Maliya, yuugu Madiya haya vueya haya yaana haasi nena ga magulu ga Yeesu, na heekilu telegejya byeebya bibwa naagi muluula Yeesu. 40 Haboobwa Malata na eyu, gubwa nangi muu kilaŋana mu miambu ya butu yoo tee'a biyaazi. Haboobwa haya sheena udi Yeesu na haya mu sawiila: «Ngana, biibi ndabilu kumonesha indu, mona mwina waami wani sama mimi bunga uta mwambu, umu sawiidi wa vueye na eyu wani yangudi.»* 41 *Ihani Yeesu haya mu lunga: «Malata, Malata! Beebe wa hoo'a na gudi muu kilaŋana mu miambu ya butu. 42 Ihani Yeesu haya mu lunga Malata. Udi indi kiimu kya sungu. Maliya eyu, wa sobola indu ilegela u nindu, nda udi mundu wa mu kuujyanga ekyu.»*