1 Mumusha wa kumi na yitano yabukolo bwa Kaizaili Tibelio, baaba ni beevuba naye: Pontio Pilato wene mukulu wa kisi kya Yudea, na Helode wene kolo wa kisi kya Galilaya, na Filipo mukwaye na Tibelio, wene kolo wa kisi kya Itulea na Talakoniti. Na Lusania wene kolo wa kisi kya Abilene, 2 Hanasi na Kayafa bene bamupelo bakata. Haŋo ni mauya ma Kabejya hamamuvila Yohane mwaana wa Zakadia kokwa ku lungu*. 3 Yuhu Yohane bya yeena mu mikola yooso yidi tonono na luyi lwa Yolodani, kusaudila bandu ti: «Ba fundulujye matima maabo na kuyabikibwa mu meema kwa kuboya ti Kabejya wa sheejye bubi bwaabo.» 4 Bebya byaye sinyibwa mu kitabu kya Isaya ti:

«Mundu yumo ukita mukandu ku lungu:

‹Mubiike tonaa zila ya Vidi-nyambi,

na muolole buludi zila yaaye.

5 Kila kinene kiyuzwibwa, kila kituulu kikata na katuulu bishajyibwa.

Zila yidi buvungame yiololoshebwa,

na zila yisidi bilweela yilungakanyibwa.

6 Na bandu booso bimona kufuuka kwa tima kwe hebwa na Kabejya.›»

7 Kwa biibi bandu babule bemuvila Yohane mukuboya ti bamutudibwe mumeema huvane mukubajyongodela ti: «Banyu mudi kilongo kya nyoka! Ni naani huva bamanya zila ya kujyuuka kiizi kya Kabejya kivanga? 8 Mumoneshe kwakuta bindu bilweela biki monesha ti mwasama bubi. Na ndamusomba kuyakula muma tima miinu ti:

‹Tudi baana ba Habulahamu!› Kumona ngimusaudila ti Kabejya uki bambana kunyomosha baana mumaa mabu kwa kuhabila Habulahamu. 9 Muteejye temo dya bikibwa tonaa mu sina dya kila muti. Kwa kuboya ti kila muti husikita bimuka bilweela utembebwa na kukasibwa kumudilo.»

10 Kisha kekya kiandu kya bandu hakya muyuujya ti: «Yikibambana tute kai?» 11 Naiye Yohane bya bayaka ti: «Yowa yidi na ngubu yibidi waabile yowa husidi na ngubu na yowa yidi na bidyazi wate byakebee.»

12 Baki hajya milambu bamo naibo habaava byakebee kudi Yohane kwa kuboya ti bayabikibwe mumeema. Habamuyuujya Yohane ti: «Mulangidijyi bashu tute kaayi?» 13 Na iye bya bayaka: «Ndamuhajya mulambu kukila bebya byamwesaudibwa.»

14 Balonga-buvadi naabo haba muyuujya, na kuboya ti: «Na baashu tute kaayi?» Naiye bya bayaka ti: «Ndamukuzula falanga ya mundu. Wala ndamu sosela mundu kwa maanu. Mubadile bobo falanga yabakimuabila ya mudimo wiinu.»

15 Kumona bandu booso bene muku dindila minyomokela, habasikiejya muma tima maabo ti itu Yohane ubambana kuyakana Kilisito. 16 Haŋo Yohane bya basaudila booso ti: «Miimi, ngimuyabika mumeema, ila yowa vanga nyuma yaami ni yidi na butangala kungungila miimi. Na sikibambana nee nguangula mikulu yidi kumikalabanda yaye, iye ni yimu mumutula kwa Tima dya Kabejya na kwa mudilo. 17 Iye udi na puupa dyaye mubiboko byaye kwaku habulula tumuka na mbeewa. Ukumanya tumuka twa ngano kukibikilu kyaye, ila ujyijya mbeewa mumudilo usiki zimika nee lumo.»

18 Yohane bya yidididye mukusaudila bandu Mauya ma Lweela, na kubaabila yingi milao yabule.

19 Kolo Helode huvakuzula Helodia mukazi wa mukwaye. Na kumona weeta bingi bindu byabule bidi biibi. Kukidila beebyo Yohane bya muhanunukila. 20 Ihani Helodi, hayoota ndindi mu bubi bwebu hetebwa nabu udi Yohane: haya mutasha Yohane muzitikilu.

21 Haŋa bandu booso hababuhwa uba yabi'a, Yeesu na eyu haba muyabi'a. Na haŋa hee bwanangi muhaajya, lububi lubu gangu'a,* 22 na Tima dya Kabejya hadya musadila na dibu fwandaana na tagaya. na muhuuya hawahuma u lububi na hawaboya: «Beebe i Mwaana waami waanduvula;* na miimi niluvudisha na bebe unindu.»*

23 Haŋa Yeesu hebufisha misha moomi ga satu. Haya somba uta mwambu waayi. Bandu babwanangi mumu niijya tii, ni mwaana wa Yosefu.

Yoowa Yosefu gubwanangi mwaana wa Heli.

24 Na Heli gubwanangi mwaana wa Mathati,

na Mathati gubwanangi mwaana wa Lawi,

na Lawi gubwanangi mwaana wa Meliki,

na Meliki gubwanangi mwaana wa Yanai,

na Yanai gubwanangi mwaana wa Yosefu.

25 Yosefu gubwanangi mwaana wa Matathia,

na Matathia gubwanaangi mwaana wa Amosi,

na Amosi gubwanangi mwaana wa Nahumu,

na Nahumu gubwanaangi mwaana wa Esli,

na Esli gubwanangi mwaana wa Nagai.

26 Na Nagai gubwanangi mwaana wa Maathi,

na Maathi gubwanangi mwaana wa Matathia,

na Matathia gubwanangi mwaana wa Semeani,

na Semeani gubwanangi mwaana wa Yoseki,

na Yoseki gubwanangi mwaana wa Yoda.

27 Na Yoda gubwanangi mwaana wa Yohanani,

na Yohanani gubwanangi mwaana Lesa,

na Lesa gubwanangi mwaana wa Zelubabeli,

na Zelubabeli gubwanangi mwaana wa Shealitieli,

na Shealitieli gubwanangi mwaana wa Neli, na Neli gubwanangi

28 mwaana wa Meliki,

na Meliki gubwanani mwaana wa Addi,

na Addi gubwanangi mwaana wa Kosamu, Kosamu gubwanangi mwaana wa Elimadamu,

na Elimadamu gubwanangi mwaana wa Eli,

29 na Eli, gubwanangi mwaana wa Yoshuwa,

na Yoshuwa gubwanangi mwaana wa Eliezeli,

na Eliezeli gubwanangi mwaana wa Yolimu,

na Yolimu, gubwanangi mwaana wa Mathati, Mathati gubwanangia mwaana wa Lawi,

30 na Lawi gubwanangi mwaana wa Simeoni,

na Simeoni gubwanangi mwaana wa Yuda,

na Yuda gubwanangi mwaana wa Yosefu,

na Yosefu gubwanangi mwaana wa Yonamu,

na Yonamu, Eliakimu.

Na Eliakimu gubwanangi mwaana wa Melea,

31 na Melea gubwanangi mwaana wa Mena,

na Mena gubwanangi mwaana wa Mathata,

na Mathata gubwanangi mwaana wa Natani,

na Natani gubwanangi mwaana wa Daudi,

32 na Daudi gubwanangi mwaana wa Yese,

na Yese gubwanangi mwaana wa Obedi,

na Obedi gubwanangi mwaana wa Boazi,

na Boazi gubwanangi mwaana wa Salomoni,

na Solomoni gubwanangi mwaana wa Nashoni,

33 na Nashoni gubwanangi mwaana wa Aminadabu,

na Aminadabu gubwanangi mwaana wa Alamu,

na Alamu gubwanangi mwaana wa Hesoloni,

na Hesoloni gubwanangi mwaana wa Pelesi,

na Pelesi gubwanangi mwaana wa Yuda,

34 na Yuda gubwanangi mwaana wa Yakobo,

na Yakobo gubwanangi mwaana wa Isaka,

na Isaka gubwanangi mwaana wa Abalamu,

na Abalahama gubwanangi mwaana wa Tela,

na Tela mwaana wa Naholi.

35 na Naholi gubwanangi mwaana wa Lelu,

na Lelu gubwanangi mwaana wa Pelegi,

na Pelegi gubwanangi mwaana wa Ebeli,

na Ebeli gubwanangi mwaana wa Sala, na Sala gubwanangi

36 mwaana wa Kenani,

na Kenani gubwanangi mwaana wa Alfaksadi,

na Alfaksadi gubwanangi mwaana wa Shemu,

na Shemu gubwanangi mwaana wa Noa,

na Noa gubwanangi mwaana wa Lameki.

37 na Lameki gubwanangi mwaana wa Methusela,

na Methusela gubwanangi mwaana wa Enoki,

na Enoki gubwanangi mwaana wa Yeledi,

na Yeledi gubwanangi mwaana wa Mahalaleli,

na Mahalaleli gubwanangi mwaana wa Kainamu,

38 na Kainamu gubwanangi mwaana wa Enoshi,

na Enoshi gubwanangi mwaana wa Sethi,

na Sethi gubwanangi mwaana wa Adamu,

na Adamu gubwanangi mwaana wa Kabejya.