1 Lusu lumu, Yeesu gubwa nangi mu Lubunga.* Momwa gubwa nangi mukulangidila bandu Musau uleela. Hanga hanha, bakulu ba mupelo*, Balangidijyi Buta* hamonga na banunu ba Bayuda habafi'a momwa,* 2 *na haba mu yuujya Yeesu ti: «Utu sawiidi, ukita buubu butangala? Boodi muuta nabu bindu ni naani fuku gabila?» 3 Ihani Yeesu haya balunga: «Na miimi shaa miyujyanga huuya didimu. Muni sawiidi: 4 Butangala bwa Yohana, boo yabika bandu, bubuvueya Udi Kabejya au udi bandu?» Nguni 'ubu vueya

5 Ni baaba bandu habasomba kukwisaujyejyijyeena ti: «Itu twamuyaka ti: ‹Butangala bwa Yohane buvaviyaa kudi Kabejya›, na iye utuyuujya ti: ‹Ngyaayi kyatusiva tabukila bebya bivayakula Yohana?› 6 *Ila itu twa mulunga ti: ‹Butangala bubu vueya u bandu›, bandu booso badi haŋa batu heganga na mabu. Manee booso balu yu'a bilegela ti, Yohana ni mubushi* wa Kabejya.» 7 Ihani haba mu lunga ti: «Boobwa butangala bwa Yohane nda tuluyu'a kwa bubu huma.» 8 Yeesu na eyu haya ba lunga tii: «Na miimi shoomi sawiila biibi nidi muu bita mubutangala bwa naani.»

9 *Biibi ukila, Yeesu hayaba hondolweela bandu guunga muele: «Mundu yumu gubu kuna unda dyaye dya mizabibu*, haya yambisha bandu bamu ti, badikuni didi unda; na hoo shuula bamugabilangi na eyu iba kya bebya byabihungulanga. ihani haya weena u issi kya ula, ha yaana koo'a masu ga butu. 10 *Ihindi kyoo shuula hakibu fi'a, mundu yuugu haya yiisha muvubi waayi yumu udi baaba balu kuna, ti bamu gabidi kyaayi iba kya biyaazi. Ila, baabu balu nima, babu muta na umujyanga minyu busadi. 11 Yule mwiini wa unda haya tinda muvubi yungi wa bubidi, yowa na eyu haba mu kaya na umuta na haba mu jyanga minyu busadi. 12 Haya bayiishila muvubi yungi wa busatu. Yoowa na eyu haba muta byeela na umu taasha haajya ya unda. 13 *Habobwa mwiini wa unda haya yiyujya: ‹Naati bini? Shaa taki'anga mwaana waami wandu vula kwa butu; hangi bamu teejyanga na umu gabila ineemu kyaayi!› 14 Ila, baaba balu yihila unda dya mizabibu hababu mona mwaana avueyanga, haba kilu yi sagujyeena mu bwaata bwaabu: ‹Miti yuu ni wa hyananga didi 'unda! Tumu hege, koo mona ti, didi unda dya yambu hyaana dya yaani diishu!› 15 Kisha haba mu waata na kumukakata haaza ya na kumu hega.

Ni Yeesu haya ba yuujya: Yuugu mwiini unda dya mizabibu watanga bini na baaba ba vubi? 16 *Wa vueyanga na ubatotejya baaba ba vubi booso ba unda dya mizabibu* na ugabila bangi ba vubi didi 'unda dya mizabibu.» Bandu hababu telegejya biibi haba boya: «Kabejya ndi samanga biibi byoodi muu sagula ti nda bi tufi'inga nangi lumu!»

17 Ila, Yeesu haya balola na meesu ga bwaazi na haya boya:

«Maama mauya matokatoka ma Kabejyamakiboya bini?

‹Abu kaa'a baaba balu yenga ka babu keezema,

buni nda adi abu kaatakaata ka sina!›*

18 Mundu yoowa wooso wa hulu'anga mu abu kaa'a ubelekabeleka,

na abu kaa'a itu kamu hulwiila kamu tanyanga pekeshipekeshi.»

19 *Bakulu ba Balangidijyi ba Buta* na ba mupelu batagadi haba kilu keba zila yoo mu waata Yeesu. Manee babu yu'a tii, guugu musunga wa yoota waba teela ebu. Habobwa babwa nangi muu tiina kiandu kya bandu. 20 *Habobwa haba kidi mumu yundila, na haba bii'a bandu ha ngondo waayi babu yi bii'a mugela wa Yeesu; koo boya tii, bamu waati mu busahudi na bamu waati na 'umu bii'a mu minyu ya ngana ya issi.

21 Habobwa baaba babwa nangi mumu yundila haba mu sawiila: «Mulangidijyi, twa yu'a unindu tii, gudi muu sagula na utuluula bindu bya unindu. Ndudi na mbangu ludi; beebe gulu ludi'a bandu mu zila ya buludi. 22 Haŋa utu sawiidi: Buta* bulutabu'a, baashu tu tuudi mulambu udi Kaizaliya* wakisi?» 23 Yeesu gubu yu'a ti ndabamuteela mumauya maabo, haya basawiila ti: 24 «Muni moneshe lufalanga.* Haboobwa, haya ba yuuja ti: Mu yiiyi fwalanga mudi lweebu lwa naani na zina dya naani?» Haba mu lunga ti: «Lweebu na zina ndya Kaizali.» 25 Ihani Yeesu haya ba sawiila ti; «Mu yaani muumu gabila Kaizali byaayi na Kabejya byaayi.» 26 Baaba bandu haba hina huuya dyoo mu waatila manee gubwa nangi babusu ga bandu. Ila haba yaana nyaa na haba sheeka yega na byeebya byeebu ba lunga.

27 Masadukayo, bamu habava udi Yeesu. Basadukayo ni hibo babwa nangi muu keezema na uboya ti, bamote bifukukanga. Haba mu sawiila ti: 28 «Mulangidishi, Musa gubu tusinyina biibi mu Buta* bwiishu ti; ishu muwaayi na mundu yumu wamota na umusiga mwadyangu nangi baana, mbilegela muwaayi wamuyaane yuuyu mwadyangu, koo boya ti watotedi muwayi uvamota baana. 29 Ubwa nangi balungwa musamboo ba ifu kiimu. Yowa mbadi haya tundula na hayamota ndibusiga baana. 30 Yowa muwaayi wa bubidi haya mu tundula yowa mwadyangu, na eyu hayamota na ndibu tota nayu; 31 na muwaayi wa busatu na eyu byanga byeebya. Booso musamboo bavamota nangu siga mwaana nangi yumu na yuugu mwadyangu. 32 Umongo, yowa mwaana wa mwaazi na eyu hayamota. 33 Haboobwa mu ihindi kyee'a kyakufukuka baaba bavamota, yoowa wa mwaazi wayananga wa naani? Manee booso musamboo babu mu tundula.»

34 Yeesu haya balunga: «Muune mumusenge babanumi bakitundulanga na babaazi bakitundukanga. 35 Haboobwa baaba Kabejya baya monanga tii, balu bengeneena ufuulu'a, koo boya tii, bashweele mu butangala boobwa bwa vueyanga nda boo tundula na nda boo tundudibwa. 36 Unindu nda bakumota lungi. Baya nanga byeebya bidi Malaika*. Ni ebu baana ba Kabejya, manee Kabejya waba fukula. 37 Haboobwa ukidila ufuulu'a kwa bafu, Musa gubu monesha hululu ti, ba fukukanga. Bilusagula Businyi, bwa safu didi mukutema mudilu. Mu buga ndyebu muteena Kabejya ti: ‹Kabejya wa Abulaamu na Kabejya wa Isaka na Kabejya wa Yakobo.›* 38 Yeesu haya boya lungi tii: Kabejya ndilu yaana Kabejya wa bafu, haboobwa gulu yaana Kabejya wa bandu badi mwejyo, manee kwaayi booso badi na buumi.» 39 Bamu balangidishi ba Buta* haba sagula tii: «Mulangidishi wa lunga mu buludi unindu!» 40 Na haŋa nda babu heleka lungi umuyujya mauya.

41 Yeesu haya ba yuujya bandu lungi tii: «Ngyaayi idi muu sawiila bandu ti Kilisito* Mwaana wa Daudi? 42 Daudi eyu mwinikindu ukiyakula mubu sinye bwa Zabuli:

‹Vidi-Kabejya uva saudila Vidi wami ti:

Viyaa uva yakane haŋa ha kiboko kyami kyamwajyo mulume,

43 mupaka bebya byambibika balwishi boobe biyatidilo byabi ndimba byoobe.›*

44 Itu Daudi wamu taana iye: ‹Kilisito Vidi-nyambi›; bini uyakana byakebee mwana wa Daudi?»

45 Haŋa henange bandu booso mukuudikijya Yeesu, bya saudila badingisi* ti: 46 «Mukwikengeyele na balangidishi ba Buta*. Kumona, baki vula kusumukasumuka na ngubu yilayila na bakivula kusambitidibwa na bandu mukinemo munda mwama udishilu na kuyakana muma bua makinemo mubyende byakuajyila byaba Yaudi na kubuula mabua makineemo mubiandu bikata byakuseelela. 47 Bakibulanga bindu byooso byabaadyangu, lungi bakiajyanga Kabejya ajyo diladila mukuboya ti bamoneke balweela busu bwa bandu. Kwa biibi Ibo bilamunibwa binyumine kabisa.»