1 Mu ihindi kyee'a, bandu ba butu habu ganda na haba kidi muuyi yatijyeena. Yeesu haya ba sawiila mitongi yaayi mabusu: «Muyi lodi na ugaga* udi naba Falisayo, manee ga mahuya gaabu ya ngenu.* 2 Manee indu kyooso ibu fwamishwa kya moneanga hululu, na indu kyooso idi mu ijyejyi kya yuibwanga.* 3 Ukidila biibi, kyee kyooso kyamwa sagulanga mwii jyejyi kya sagudibwanga mubwata bwa Yuba. Na kyee kyooso kya mwa sagulanga munda mwa kyumba iyizidi, kya sagudibwanga hegulu wa mutondolo na muhuya watagadi.»

4 Yeesu haya sagula lungi: «Nangu yananga muu tina bandu balu hega mubidi, manyuma goo hega ndabaluta indu kingi.* 5 Habobwa nami moneshanga yoowa wa banyu u tiina: Mumu tiini Kabejya gudi na butanga ukujya buumi bwa mboo hega mundu na umu taasha mu ziba dya mudilu. Unindu namisawiila, yuugu i gulu bengeneena utiinibwa!*

6 Mi tii, tuluyu'a baashu booso tii, misodi yi tanoo yidi na mugulu wa bihidi bibidi bya fwalanga yega! Haboobwa Kabejya ndilu luba musodi nangi gumu. 7 Unindu Kabejya gulu yu'a bungi bwa fu'i didi mu, mishu yiinu na uyi badi'a. ubiibi nda muyananga muu tiina manee banyu mudi na ineemo mabusu ga Kabejya ukila misodi ya butu.»*

8 Na miimi na mi sawiila: «Unindu, mundu yoowa wooso wani tabuanga mabusu ga bandu tii ni dingisi* waami, na miimi Mwaana wa Mundu namu tabuanga mabusu ga Malaika.* 9 Habobwa yoowa wani kazemange miimi mabusu ga bandu, na miimi Mwaana wa Mundu na mukezemanga mabusu ga malaika* ba Kabejya.*

10 Mundu yoowa wooso wasagulanga mahuya gabigabi manee gaami, miimi Mwaana wa Mundu, wa fwilwanga lusa. Haboobwa yoowa wasagulanga mahuya gabigabi udi Tima dya Kabejya yoowa ndoo fwilwa lusa nangi lumu.

11 Haŋa haba mi filanga tii bami namununi, munda ga sinagogi*, ao mabusu ga ngana ao mabusu ga mitangala, nda muyananga na mooyo, goo keba byamwa nanunanga ao byamwa sagulanga.* 12 Manee Tima dya Kabejya dya milangidilanga bya banyu unamuna na banyu usagula.»

13 *Mundu yumu gubwa nangi mu igandu haya mu sawiila Yeesu: «Mulangidijyi unihajyidi udi muwaami wani gabidi dyaami sala dibu tusigila shiitu.»* 14 Yeesu haya mu lunga: «Mwizi naami, inani gubu ni bii'a miimi uyaana mulanuzi wa mona yiinu, ao mundu goo mi gabwiila bindu biinu?»*

15 'Ihani Yeesu haya ba sawiila bandu booso: «Muyilodi bilegela! Nda mu yananga na afwiilu na uyana na mona ya butu. Manee buumi bwa mundu nda bulu fwandana na bungi bwa bindu byeedi nabyu nangi gudi na bindu bya butu.»*

16 Ihani Yeesu haya ba teela muele guugu: «Unda dya mundu yumu gubwa nangi na monda mabutu, gudi na mona ya butu. 17 Yuugu gudi na mona haya geejya munda mwa tima dyaayi na uyi yuujya ti: ‹Naati bini? Shidi na buga dyatadyata dyoo bii'ila biyaazi byaami.› 18 Ihani haya boya ti: Biibi i byandatanga: Na longanga masegi gaami gooso goo bii'ila biyaazi, na uvuba gangi gatagadi goo kila gaaga bwaata, na bii'i moo munda biyaazi byaami byooso byaami bingi na ubi longa bilegele. 19 Ihani na sawiilanga tima dyaami: ‹Miimi nayisawiilanga miimi nidi na bindu bya butu bya ni bii'anga misha ya butu, buni nayoyanga nadyanga, nanywanga na usehelela.› * 20 *Ihani Kabejya haya mu sawiila tii, ‹Gudi tindi beebe! Buni bufu'u bwa leelo na kuheganga. Haboobwa biibi bindu byabu yi bii'ila, bya yanaga bya naani?›»

21 Ihani Yeesu haya sagula lungi: «Biibi ibyabilu yaana udi mundu gulu yi bii'ila bindu eyu mu nindu, haboobwa eyu ni asuvi mabusu ga meesu ga Kabejya.»

22 Ihani Yeesu haya sawiila mitongi yaayi: «Iboobwa bwambu misawiila, nda muyananga matima giinu uhalalala manee ga buumi bwiini; mwa dyanga ayi ao uhalalala manee ga mibidi yiinu mwa vualanga ayi.* 23 Manee buumi bwiinu budi na ineemo kyatagadi ukila biyaazi na mubidi gudi na ineemo kyatagadi ukila ngubu. 24 Mulodi fanda dya magoowo: Nda galu kuna na nda galu shuula na nda gadi na segi dyoo bii'ila abokosho ka biyaazi byaabu, haboobwa Kabezya gulu ba diisha. Haboobwa banyu nda mulu'a tii, mudi na ineemo ukila tuuni?* 25 Inani mubwata bwiinu gudi na butangala boo kulumujya misha yaayi ya buumi? 26 Ishu nda mulusamuna u huya di shoo bidi diidi, ngyayi kya mudi muu yisubijya na biibi bingi byooso?

27 *Lola byeebya bitombo bya bilu tombele. nda biluta mwaabu wala nda bilufuma ngubu. Haboobya nami sawiila banyu, nangi Solomono munindu na mu bindu byaayi byooso ndibu vuala ngubu yilegela yilu bengeneene na byeebya bitombo. 28 Mabizi ga monda galu mone'a leelo haboowa na bwesha bayi tayi tashanga u mudilu, haboobwa Kabejya gudi yi tubila bilegela. Haboobwa ndomi tubila banyu bilegela ukila gaaga mabizi, banyu badi na ulungidila ushoo!*

29 Nangu yaana muu suba munda mwa matima giinu muu keba, mwa dyanga ayi au mwa nywanga ayi. 30 Kumona ma mooso makikebebwanga kusidi kulebela na bandu bamusenge na basikiyuka Kabejya. Ila banyu Tata wiinu ukiyuka ti mudi nasungu ya bindu byooso. 31 Kwa biibi, banyu muyakane mukukeba bangu butangala bwa Kabejya, naiye umuabila maa mooso mamukiajya.» 32 Ndamutiinanga, banyu kiandu ki shenene! Kumona yivane bilweela kumeeso ma Shinu kubaabila butangala bwaye.

33 Yeesu bya boya lungi: «Muudishe bindu biinu mukaabile tushuvi yeya mona. Mukakwibikile mbote ya mona yashakuvundaana, na kukwibikila mona haulu yashakuzizimina. Kokwa bakuyiba ndabakutuluka tonono, wala mushwa ndawaku vundanya. 34 Kumona haŋa iyakana mona yobe ni iyakana tima dyobe.»

35 Yeesu bya jyongola lungi: «Muyakanange tonaa bukwiange mushapadi mulutino, na katoditodi kiinu kayakanange mukuteema; 36 muyakanange bidi bavubi bakidindikijya mwini kyende waaluke kualusi, kwakuboya ti haŋa ialukeye na hikumuneye kukibelo hakeaŋa bamuyuzuludile. 37 Buuya baba bavubi bibanga mwini kyende wabo ialukeye ubabanga badi na mbambi! Ngibasaudila byakwinikindu, yowa mwini kyende hukwianga mushapadi mulutino lwaye, na kubayakanisha kumeza na kubaabila bidyaazi. 38 Buuya baba bavubi itu mwini kyende waaluka wababanga badi na mbambi, nee waaluka hamukidi habufuku ao tonono na bufuku kukya!

39 Lakini muyuke bibi: Itu mwiini kyende wandiyuka kindi kiva yowa wakuyiba, ndandi sama kyende kyaye kubelebwa. 40 Haŋo banyu naabo byakebee, muyakane tonaa, kumona ti miimi Mwana wa Mundu niva mukindi kyamusikiejya.»

41 Haŋo Petelo bya yuujya Yeesu ti: «Vidi-nyambi wuuwu muele ukitusaudila baashu bobo, ao ngukidila bandu booso?» 42 Naiye Vidi-nyambi bya yaka: «Ŋjyuni muvubi yidi buludi na yidi na nyinyi? Ni yowa mwiini kyende waaye ukimubiikanga wakudindikijya kyende kyaye na kumubika haulu ya bavubi baaye booso ti wabilange bavubi bezinaye bidyaazi mukindi kikibambana. 43 Buuya yowa muvubi ialuka mwini kyende umubanga ukita bebya. 44 Ngimusaudila byakwinikindu, yowa mwini kyende umubika yuu muvubi mukulu wa mona yaye yooso.

45 Lakini itu yowa muvubi wasomba kukwijyoboojya mutima dyaye ti: ‹Mwiini kyende waloa kwakualuka,› na kusomba kutuuta bavubi bezinaye, babaabalume na babaabakazi, na kudya na kunywa na kulewa, 46 haŋo mwini kyende ualukanga mukindi kisikiejyeye na kindi kisikiyukeye; umututa kwabule yowa muvubi na kumubika mubuvu didimo na baba basikitabuka.

47 Yowa muvubi kiyuka bebya bikivula mwiini kyende kyaye, lakini ndakikwibika tonaa wala kuta bebya bikivula mwinikyende kyaye, utebwa kwabitutu byabule. 48 Lakini yowa muvubi sikiyuka bebya biki vula mwiini kyende kyaye na wata bibibibi, utebwa bishenene. Kwa kila yowa we ebwa byabule, uajyiba byabule; na yowa wooso we ebwa byabule kukila, kwaye uajyibwa byabule kukila.»

49 Yeesu bya jyongola lungi: «Mbeeva kuvamunika mudilo mumusenge; na ngivula wowa modilo wasombe kuteema! 50 Ngibambana kuyabikibwa, na mbandivula kokwa kuyabikibwa kwa teebwe! 51 Mukiejya ti naava kuvisha nyaa muune mumusenge? Hebo! Ngukwisamijyena. 52 Kusomba leelo, kilongo kikimo kya bandu batano bikwisamijyena; basatu bikwikala mububi kubandu babidi, na babidi bikwikala mububi kukidila bandu basatu. 53 Tata ukwikala kwabubi kukidila mwaana waye na mwana ukwikala kwabubi kukidila shaye; najye na mundu ukwikala mububi kukidila musika waye, na musika ukwikala mububi kukidila najyaye, na najyemweno na mundu ukwikala mububi kukidila mukazi wamwaana waye na yuu mukazi wa mwaana ukwikala mububi kukidila najyaye mweno.»

54 Haŋo Yeesu byasaudila kekya kiandu kya bandu: «Haŋa hamukimonanga matimba makibanda kokwa ku kalaa yuba, hakeaŋa mukiboya: Vula yinywa, yikinywanga bobo. 55 Haŋa hamukimona muee ndaukiumba kukalaa yuba, banyu mwayakula ti: ‹Kuyakana kivuuvu› yayakana byakebee. 56 Habanyu balweleme lwa ndimi yibidi! Mukiyuka kusosobola bindi mbalambala bya bwaama bwa musenge na ulu; kwakaayi kaa, ndamukisamuna kuyuka ngingu ya kindi kiiki kya leelo?»

57 Yeesu bya yakula lungi: «Kwakaayi ndamukikwilamuna banyu benikindu kindu kilweela kyakuta? 58 Itu kilondola beebe naye wayena noobe kubakulu bakumilamuna, yandi yakana bileela kwaudi kukwitejyejyena naye haŋa hamukidi muzila, kwakuboya ti ngasi wakushwala busu bwamukulu wakulamuna, na yowa mukulu wakulamuna ukuana mubiboko bya misipadi na misipadi bikukasa muzitikilu. 59 Kwinikindu ngikusaudila ti ndwakunyomoka kookwa, mupaka hauwa kuloosha lufalanga lwa mongo.»