10 ଇତାର୍ହଃଚ ଇ ଲେକା ଉହ୍ରେ ରଃଜାର୍ ନାଉ ଆଚେ ବଃଲି ଜାଣ୍ଲାକେ ଦାନିୟେଲ୍ ନିଜାର୍ ଗଃରେ ଗଃଲା; ତାର୍ ରେତା ବଃକ୍ରାର୍ ଜଃର୍କା ଜିରୁସାଲମ୍ ବାଟ୍ ମେଲା ରିଲି; ଆରେକ୍, ସେ ଆଗେ ଜଃନ୍କଃରି ପାର୍ତନା କଃର୍ତି ରିଲା, ସେନ୍କଃରି ଗଟ୍ ଦିନେ ତିନି ତର୍ ମାଣ୍ଡିକୁଟା ଦଃୟି ପାର୍ତନା କଃଲା ଆର୍ ନିଜାର୍ ମାପୁରାର୍ ଚଃମେ ଦନ୍ୟବାଦ୍ କଃରି ପାର୍ତନା କଃଲା।
16 ତଃବେ ରଃଜା ଆଦେସ୍ କଃଲାକ୍, ସେମଃନ୍ ଦାନିୟେଲ୍କେ ଆଣି ସିଂହ ମଃନ୍କାର୍ କାଲେ ବେଟି ହଃକାୟ୍ଲାୟ୍। ଆରେକ୍, ରଃଜା ଦାନିୟେଲ୍କେ କୟ୍ଲା, ତୁୟ୍ ସଃବୁଦିନ୍ ଜୁୟି ଇସ୍ୱରାର୍ ସେବା କଃରୁଲିସ୍, ସେ ତକ୍ ରଃକ୍ୟା କଃରେଦ୍।
22 ମର୍ ଇସ୍ୱର୍ ନିଜାର୍ ଦୁତ୍ ହଃଟାୟ୍ ସିଂହ ମଃନାର୍ ଟଣ୍ଡ୍ ବଃନ୍ଦ୍ କଃରି ଆଚେ ଆର୍ ସେମଃନ୍ ମକେ ନାସ୍ ନଃକେର୍ତି; କାୟିତାକ୍ବଃଲେକ୍ ତାକାର୍ ଚଃମେ ମୁଁୟ୍ ନିର୍ଦସ୍ ଦଃକା ଗଃଲେ; ଆରେକ୍, ଏ ମଃହାରଃଜା, ମୁୟ୍ଁ ତର୍ ଟାଣେ ହେଁ କାୟିରି କଃରାପ୍ ନଃକେରି।
23 ତଃବେ ରଃଜା ଅଃଦିକ୍ ସଃର୍ଦାଅୟ୍ ଦାନିୟେଲ୍କେ କାଲେ ହୁଣି ବାର୍କଃରୁକ୍ ଆଦେସ୍ ଦିଲା। ଦାନିୟେଲ୍ କାଲେ ହୁଣି ବାର୍ଅୟ୍ଲା ଆର୍ ତାର୍ ଗଃଗାଳେ କାୟିହେଁ ଗାଉ ଅୟ୍ଲାର୍ ଦଃକା ନଃଗେଲି, କାୟିତାକ୍ବଃଲେକ୍ ସେ ନିଜାର୍ ଇସ୍ୱରାର୍ ଟାଣେ ବିସ୍ୱାସ୍ କଃରିରିଲା। 27 ସେ ଲକ୍ମଃନ୍କେ କେମା କଃରେଦ୍ ଆର୍ ରଃକ୍ୟା କଃରେଦ୍, ଆରେକ୍ ସେ ସ୍ୱର୍ଗେ ଆର୍ ହୁର୍ତିବିଏ ଚିନା ଆର୍ କାବାଅଃଉତା କାମ୍ କଃରେଦ୍; ସେ ଦାନିୟେଲ୍କେ ସିମା ମଃନାର୍ ଟାଣେ ହୁଣି ବାଚାୟ୍ ଆଚେ।