ଗାବ୍ରିଏଲ୍ ବାବ୍ବାଣି ବୁଜାୟ୍ଲା
20 ଇ ରଃକମେ ମୁୟ୍ଁ ଗଃଉଆରି କଃରି ପାର୍ତ୍ନା କଃର୍ତିରିଲେ, ଆରେକ୍ ମର୍ ହାହ୍ ଆର୍ ମର୍ ଇସ୍ରାଏଲାର୍ ଲକମଃନାର୍ ହାହ୍ ମାପୁରାର୍ ଟାଣେ ଜାଣାଉତି ରିଲେ, ଆର୍ ମର୍ ମାପୁରାର୍ ନିର୍ମୁଳ୍ ହଃର୍ବାତ୍ ଗିନେ ଇସ୍ୱର୍ ମର୍ ମାପୁରାର୍ ମୁଏଁ ନିଜାର ଗଃଉଆରି ଜାଣାଉତି ରିଲେ; 21 ଇହର୍ ପାର୍ତନା କଃର୍ତାବଃଳ୍ ଆରୁମେ ଦଃର୍ସନେ ମୁୟ୍ଁ ଜାକେ ଦଃକିରିଲେ, ସେ ବଃଲେକ୍ ଗାବ୍ରିଏଲ୍ ମର୍ ଚଃମେ ଉଡି ଆସ୍ତର୍ ଦଃକ୍ଲେ, ସେ ସଃଞ୍ଜ୍ବେଲା ହୁଜା ଦେତାବଃଳ୍ ମକେ ଆସି ଚୁୟ୍ଲା। 22 ଆରେକ୍, ସେ ମକେ ସିକ୍ୟାଦିଲା ଆର୍ ମର୍ସଃଙ୍ଗ୍ କଃତା ବାର୍ତା କଃରି କୟ୍ଲା, ଏ ଦାନିଏଲ୍ ମୁୟ୍ଁ ଅଃବେ ତକ୍ ବୁଜୁହାର୍ତା ବାଟ୍ ଦେଉଁକ୍ ଆୟ୍ଲେ। 23 ତୁୟ୍ ପାର୍ତାନା କଃରୁକ୍ ଆରୁମ୍ କଃଲାବଃଳ୍ ଆଦେସ୍ ବାର୍ଲି. ଆର୍ ତକେ ଜାଣାଉଁକେ ମୁୟ୍ଁ ଆସି ଆଚି, କାୟତାକ୍ବଃଲେକ୍ ତୁୟ୍ ମାପୁରାର୍ ଅଃଦିକ୍ ସଃନ୍ତସ୍ କାରି ଅୟ୍ଆଚ୍ସି; ଇତାର୍ଗିନେ ଇ ଆଦେସ୍କେ ମଃନ୍ଦିଆନ୍ ଦେଏ ଆର୍ ଦଃର୍ସନ୍କେ ହେଁ ବୁଜ୍।