HEB - BUU 12

5 Bi kpa wulusu ri kya riwa Izhi a tre ri yii ka imiri wan?

<<Ivren won, srenton ka Izhi ghɨron,

nga ran chu sron zho ka a la-u kya riwa wu ran ti tsra ran.

6 Ritu Bachi ri ŋoron ko nghaa riwa a nyɨme wu,

ran no ko nghaa riwa a kpa ka ivren wan yaa.>>

7 Vu sron rimi yaa riwa bi so-a no bibi riwa a ti ri no vren yaa; iyaa mbi ri tsro ri Izhi ri no yi yaa ka bi he miri wan. Ivren ritan he riwa iti wan ran no yaa to dzari ran? 8 I wa ran no yi yaa ran, bibi riwa imiri wan wa he ran, woto mba bi ran he miri ran kpunji, ama bi he miri wawa wa ngizhi wa ri ko. 9 Ya wa ti mbu wa kpa, wa no ta yaa nga ki no wa nkpen. Ko mba ki ran ka ngambu no wa Ti mbu wa wu ki ri fe vri ran! 10 Wa Ti mbu wa wu wa no ta yaa ri vi tsa wen, bibi riwa wa to a bi ri wa; ama Izhi ri no ta yaa ritu no dzon ta, ritu ki ri fe kabru rimi tsitsri wan. 11 I wa no ta yaa, ari he ri ta ri vi wan mba ka ikya riwa no kpa sron mbu time, a ran kinklan sron ran. Ama ban kusi, wawa wa no wa bibi yaa-a wa fe son sisron nga son ri ndindi ti.