1 << Ki na bla riwa ran wa wa ngawen wa bla retas. 2 In kon wa wu bla wari a wu ga, wen wa bla wu, nga gongo wa wu tsra wari, gongo a wa tsra wu.

3 Ingye ti wu ya vi giga wa a he si vayi wen, Inga wuna ya kpolo ri wa a he si wen ran? 4 Wu ti se wu la vayi wen, <Me ban giga wa a he si wen,> nga a wu giga he si wen? 5 A wu meme nji gbuchi chu konkron wa a he si wen ri ku wo ri chu wa vayi wen.

6 <<Na no yawu kya wa a he tsɨtsɨ ran. Na ta wuyen yowu dushu ri ko ran ari chan na ban tiyi meme.

7 <<Na bre, wa noyi, na wa bi fe, ran wuru kon wa bu ri yi. 8 Inji wa a bre, wa no, nji wa a ri wa a ri fe, nji wa a wuru nkon wa bu wu.

9 <<To in nga imi mbi wa ivren wan bre wu ngbuzhu a ri ban tita no? 10 Ko a bre wu lambe, a ri ban wan no? 11 To biyi wa bi he meme nji ma, bi to kya wa ndindi wa bi no wa, bre ati mbu wa a he chu wa a ri de kyawa wa dindi in jin wa, wa bre wu!

12 <<Ikya wa bi wa no jin nowa tiyi biyi tiwa ngawen, niyin he tre wandu Izhi ri musa.

13 <<Gra nkon ri wa a he fiwen ko ri wa a bu bran bran a he hi ri ko ku, ikon fiwen a he hi iko Izhi. 14 Iko wa he hi dindi surun, a he ko ri ya, iri wa wu, wa he fiwen.

15 <<Wa tretre Izhi wache ya meme nji wa tre itsro ri che iwa, wa ye ntan ntima ama rimi sron mba wa zhu yawu waji riwa wa ji ri yon. 16 Bi to wa ritu kya riwa wa ti, nchon ran ri klo inabi ran ko ka no nchon no klo mbwa ran? 17 Nganyi konkron dindi ri klo bi ga meme konkron in klo wan ri he meme. 18 Konkron dindi a ran klo meme ran, meme konkron na klo dindi ran. 19 Konkron wa a ran klo dindi ran, wa tsen tse iwulu wa ri gon. 20 Ri klo ba wato bibi mba.

21 Inji wa wa tre, Bachi, Bachi wa gra ko Bachi ran, tse nji wa ti kya dindi wa tibu ri shu. 22 Chachu mba, nji gbugbu wa tre, <Bachi, Bachi! A ran he kita nye wa kɨi bla tre wen ki ri dzu bɨzhi rimi nde wen ran. 23 In nyi a tre mina to yi zari ran, <ka wen don biyi wa ti ndu meme!>

24 <<Ka nji wa ri wu tre no, a he wa mu nga a ti kya wa bi, wa tre wuri bibi ji wa a mme kowan ri tu tita. 25 Riwa iwulu ye iima shu, gungu ti na ri wa ba ko, ran joku ran wa mi in han.

26 <<Inji wa a wo tre wu, a ran tindu ri wu ra a he ka nji wa ame ko ri meme nza. 27 Riwa iwulu a ku, iba ka shu, inga ngungu kati iko ka joku bran!>>

28 Riwa vren nji wa kre tre wan, igbu nji wa ye wa to. 29 Ki to ka a he nji, wa ari tsro tre wa Bachi a ran he ka nji riwa ari tsro tre Musa ran.