1 Yeso a bru tre ri wa ri kɨbu nganga, ran tre: 2 <<kpanchison ri shu he ka ichu riwa a milan bubu ro ri gran ti ri vren wan. 3 A ti nji ri ndu wan ndu no hi ran yo nji wawa a yo wa ye ri bubu ro ri gran, ama wa kamba ri ye.

4 Nganga a bru ti wa ndu wan wari ndu ran tre, <Hi bi ri la ri wa ki yo wa-a ri ki tiri ki ri gben wa: Lado won nga ntɨwan rigra, wawu, wa milan kongye ti ri gben. Ye ro-a shi.>

5 Ama wa kamba, wa ri hi kamba, nji ri a hi zhu wan, nji ri ka hi richu wan. 6 Mgbron mba wa vu wa ndu wan, wa ri tiwa ya wa ri wu wa. 7 Ichu a tifu. Ran ti wa lokpa ndu wa hi wa ri tiwa ya wari wuu gbu pienpien. Wa gon ko mba kpukpɨru.

8 Iwa ka tre ri gran wan, iro-a fa a bi bran bran, ama nji riwa ki yo wa, wa ran he riwa wa ye ro-a ran. 9 Hi rimi gbu ri wɨri gbu bi yo nji riwa bi to wa nowa ye ro-a. 10 Imba gran wa ka zhu gra ri wɨri ri wɨri wari yo nji wawa wa fe wa wawu, ri wa meme ri wa dindi, imba itɨra gran ka shu ri nji.

11 <<Riwa ichu a gra riwa ari to nji wa ro gran, a to nji ri a su tsro ri wa a ran su bibi tsro ri ro gran ran. 12 Ka tre wu ikpan won, wu ti se wuri gra ri nyi wu ran su tsro ri ro gran ran?>Nji-a ka ran tre kya ran.

13 Ichu ka tre wawa wa ye gran nowa,< Lowu wo ri za, wari ta yo ri ra, rimi bu, bubu riwa ari ran yi ri tan nyiri.>>>

14 <<Wayo nji kigbu, ama ngbron mba nye wa chu wa.>>

15 Farisa wa hi waka shutu ti wa ri tre bibi riwa wa vuu Yeso rimi tre wan. 16 Wa ti miriko mba ndu ri wu ri nji Hirudus.<< Nji ri Tsro,>> Wa mɨyen,<<Ki to wu he nji ri kpunji. Wu tsro tre Izhi ri kpunji, wu ran la tinkan ran, wu ran ri sɨrenton ko wa he wa ngha ran. 17 To la ta kya riwa wu to, a bi ki han nkɨren meme ka no Kaisar kase?>>

18 Ama Yeso, a to meme rimɨren mba, ran tre wa, << Biyi wa gyuru nji Ingye ti bi wa bi ri tsra wen? 19 Tsro wen nkɨren riwa bi han me to. >>Wa ka no kɨren-a, 20 ka miyen wa, <<Riwa a he wu ngha ri nkɨen nyi? Nga a he nde ngha ri nkɨren nyi?>>

21 Wa tre,<< Kaisar,>> Yeso ka tre riwa, <<To no Kaisar kya riwa a he wa Kaisar,> Bi ri no Izhi kya riwa a he wa Izhi.>>

22 Riwa wa wo rinyi wari ti sisiri. waka ka wu don wari ri hi nganba.

23 Chachu mba wa nji Sadukiyawa, wawa wa tre, itashime ran he ran, wa ye ri wu, wa ri minye, 24 Wa tre, <<Nji ri tsro,>>wa tre ri <<Musa a la ta iri inde nji kuu, a ran ngɨzhi vren ran, vayi wan ka ban wa wan ran ngɨzhi vren riwu: 25 Zizan imiri vayi tangban rimi mbu. Ri gbuchi a gran ran kuu, riwa a ran he ri imiri ran, a ka wa wan don ri vayi wan. 26 Ikya nyi a fe vayi ri han nga ri tɨra, hari hi ri ri tangban. 27 Ri kre wan, iwa-a a kuu, 28 Ri nyi, chachu wulunde, iwa ngha nye iwa ri he rimi tangban? riwa wawu mba wa gran wu>>

29 Yeso ka kpa nyɨme,<<Bi yɨwa si bi ran to mbe ngha gbengbren Izhi ran. 30 Ri tashɨme ko no nji nowa gran ka nowa de gran; wa he ka imirindu Izhi ri shu wuru. 31 Itre ta shɨme ri kuu bi ran kɨra kya riwa Izhi tre yi ran, 32 <Ame me he Izhi wa Ibrahim, Izhi riwa Ishaku, nga Izhi riwa Yakubu> Wa wu ran he Izhi riwa a kuu ran ama Izhi riwa ari vɨri.>>

33 Riwa nji wa wo tre Izhi, nyi wari ti fu ritu tsro wan.

34 Riwa Farisa wa wo itre Yeso a no Sadukiyawa wa ki mgbi, wari ka tu mba kabru. 35 Iri rimi mba a he nji ri wa a to doka bran bran, a tsra wu ri miyen nyɨ.

36 << Nji ri tsro, doka ritan nye han rimi mba?>> 37 Yeso a tre wu:<<<Nyime Bachi Izhi wen ri sron wen nga ri sron wen ri rimɨrewen.> 38 Riwanyi nye a he tre ri gbuchi nga doka rigra. 39 Ri hari he ka wawu: <Nyime wa kusan wen bibi riwa wu nyɨme ngawen.> 40 Doka nga wa la tre Izhi wawu klo ki ri tre wa nyɨn.>>

41 Ri wa Farisa wa kabru, Yeso ka mɨye wa, 42 << Irimɨren mbi he se ritu Kristo? A he vren ngha?>>

Wa ka tre,<< A he vren Doda.>>

43 Ka tre ri wa ri,<<Ko a he se Doda, ri tre dzu ri wu wa yo wu< Bachi?> Don a tre,

44 < Bachi a tre ri Bachi wo.

<< Son kuwori won

tse me ka wa kpanfu wen yo

ri ndo za wen.>

45 Inde Doda yo wu ri <Bachi,>Ari ti se ran he vren wan?>> 46 Ko njo ran tre kya ran, tu chachu mba njo hi ku si njo ran bru miyen wu kyari ran.