1 Riwa Yeso a kre tre wawu, ran tre ri miriko wan, 2 <<Bi to, chachu zagran don vi hari riwa wa de Vɨren Nji nowa kpan-u ri konkron.

3 Imba wa rinkon ndu Izhi nga wa rinkon nji wa kabruri ko chu rinkon wandu Izhi, riwa nde wan a he kayafa, 4 nga wa kabrutu riwa wa vu Yeso wari wuu. 5 <<Ama a ran he ri vi Ro ran,<< Wa ka tre,<< Nji wa wanyu ran.>>

6 Riwa Yeso a he ri Batani riko nji riwa wa ran yo-u ri Sima nji ri mkpuzhu, 7 imba iwa ri ka ye riwu ri vi mgbu ri ri nye ri mɨuyi raro riwa a ti nkɨren bran, ran ka sro wu tu ka a ran ri ri.

8 Riwa miriko wan wa to kamba wari tifu wari tre. <<To bibi kpa nkɨren time mu wonri?>>Wa tre, 9 <<A he wa wari ka nye-a rewari ka nkɨren wan no wa ya.<<

10 Riwa Yeso a to nganyi ran tre ri wa,<<Ngye ti ko bi kpa sron mbi ri time ritu kya riwa iwa nyi ti? A ti kya dindi nye rimo. 11 Bla vi bi he ri nji wanyi, ama a ran he bla vi nye ki he iwayi ran. 12 Riwa a sro nye ri mɨuyi raro ri kpa won nyi, a ti rinyi ritu riwa wa no wen yibi. 13 Me la yi kpunji tre, bubu riwa wa tretre Izhi ri mgbumgburu me nyi wawu, ikya riwa a ti nyi wa la tre wan, wa ri ran ti ka wan.>>

14 Iri rimi wuru don hari riwa wa yo-u ri Yahuda Iskariyoti, a hi wa rinkon wandu Izhi 15 wari mɨyen,<<Bi no wen ngye nde me ka-u noyi?>> Wa bla ngbɨre sule se tɨra no. 16 Imba Yahuda ka wa nkon riwa ari ka wu no wa.

17 Chachu vi ri gbuchi ri ri ri riwa wa ran sro mumu riwa a ran kpakpi fu ran, miriko Yeso wa ye ri wu wari mɨyen,<< wu wa ki milan bubu tan ti riwu riwa wu riri ri za gran?>>

18 Ka tre wa,<<Hi rimi gbu ri nji ri wuri la wu,<Nji ri tsro tre: Ivi won ye hyure. Me hi bubu riri ri za gran ri miriko won ri ko wen.>>> 19 Imba imiriko Yeso waka ti kya riwa Yeso a tre nowa ti wari milan ri rizagran ti.

20 Riwa yawulu a ti, Yeso ka ran riri ri Miriko wan wuru don hari. 21 Riwa Wa ran ri ri, ka tre,<<Me layi kpunji, iri rimi mbi ri tɨron wen.>>

22 Waka ti shnji sron wari ran tre wu yiyɨri, <<Kpunji tre a ran he Ame ran, Bachi?>>

23 Yeso ka tre,<<Nji riwa a son wo ri me rimi vigba ri me wawu nye ri tɨron wen. 24 Ivren Nji ri hi bibi riwa a he ri ŋnga ritu wan. Ama iya nji riwa ari tɨron Vɨren Nji! Ari bi riwu riwa wari ran ngɨzhi wu ran.>>

25 Imba Yauza, riwa ari tɨron wu, ka tre ri, <<Kpunji tre a ran he Ame ran, Nji ri tɨro?>>

Yeso ka nyime,<<Een, a he a wu.

26 Riwa wana ri ri, Yeso ka ban jujuyimo ran ngɨri, ran chiwa, ran ka no miriko wan, ran tre,<<Ban bi ri ka ri; rinyi he kpa won.>> 27 Imba ka ban vagho, ran ngiri ran ka nowa, ran tre,<<So rimi wan, wawu mbi.>> 28 Rinyi he iyi won ri katredzi,riwa a rega ri nji kigbu ritu ka meme ti chuwo. 29 Me la yi, Me ran bru so ima riro nyi riyi ngana tse chachu mba riwa Me so ri sisa riyi ri kpanchison tiwon.>>

30 Riwa waka chuse, wa ka hi ri gashi Zaitun.

31 Imba Yeso ka lawa, <<Ri chu nyi wawu mbi bi joku ritu won, ritu a he ri ŋnga: <Me wuru nji ri kɨshu ntɨma, nga igbu ntɨma wa pisi.>

32 Ama ka me tashɨme, Me gbuchi ran hi ri yi ri Galili.>>

33 Bitrus ka tre wu,<< Ko wa joku wawu mba ritu wen, Ame me ran Joku ran>>

34 <<Me layi kpunji, Yeso ka nyɨme ri, ri chu nyi, kafi no gbako no tɨbu, wu tɨron wen tinkpa tɨra.>>

35 Ama Bitrus ka tre wu, <<Ko me kuu riwu, Me ran tɨron wu ran.>>Ngha gbron miriko wan waka tre bibi wan.

36 Imba Yeso nga miriko wan waka hi ri bubu ri wa yo wu ri Gatsemani, nga ka tre riwa, <<Kuki rinyi me hi ri mu miri bre Izhi ri.>> 37 Ka ban Bitrus nga miri Zabadi hari hu ngawan hi, nga ran gra ti shnji sron ran damu bran. 38 Imba ka tre wa, <<Ivɨri won ri so ya bran ri shnji sron hari ke ri nyu kuu. Ki ri nyi bi ri ran ya ri me.>>

39 Riwa wa hi kusi, ka ku susi ri mme ran bre Izhi,<<A ti Won, ka ari bi, wuka ban vagho ya nyi jo rimo. Aran ri ti won ran, ama riwa me.>>

40 Imba ka kɨma ye ri miriko wan ran ye fe wa ka wa kru nna. <<Biyi bi ran ya ki ran gben rɨme ran ri awa ri ran?>>A miyen Bitrus. 41 << Mɨlan ki bi ri bre bibi riwa bi ran ku rimi tsra ran. Iyu risu, ama ikpa ran he gbengbren ran.>>

42 A hi ran bru bre Izhi ri nkpa ri hari wan, <<A ti Won, ka wa ran ban vagho ya nyi jo rimo ran tse Me so, no ti wen no ti.>>

43 Riwa a kɨma ye, ran bru ye fe wa ka wa kru nna, ritu isi mba a ron. 44 Ka bru kawa don ran hi ri bubu ri nkpa ri tɨra wan, ran bru tre bibi wan.

45 Imba ka zhu iko Izhi ye ri miriko wan nga ran tre wa,<<Bi he rimi kru nna bi ri ki vɨri ri? Ya, ivi ye hyure, nga Ivren Nji wa ka wu no wa meme ti. 46 Wurunde, bi ye ki! Ngye nji riwa a ka wen nowa chiwi ye een!<<

47 Riwa a he rimi tre,Yauza, iri rimi miriko wan wuru don hari, ka ye. Gbunji waka hu ye ri njingban nga ngbolo, wa tiwa ndu zhu ri rinkon w Firist nga wa rinkon wa nji-a. 48 Nji riwa a ka Yeso nowa-a tre zi riwa, <<Nji riwa me so nyu wan mbari; bi ka vu.<< 49 Ri bubu wan waka chiwi hi kusan Yeso, Yauza ka tre, <<Me chi wu, Nji ri tsro!<<Ngha ran so nyu wan.

50 Yeso ka tre,<<Ikpan, ti kya riwa wu ye ritu wan.<<

Imba nji-a ka chiwi he kusi, ran vu Yeso. 51 Ri kamba, iri rimi wawa wa hu Yeso a ye ri nji ngban wan, ran ka sɨren nji ri ndu rinkon ri la tre Izhi-a nvunvuto taga.

52 Yeso ka tre ri wu, <<Ka njingba wen yo rimi ko wan,<< <<Ritu nji riwa a wu nji ri nji ngba wawu ri ku ri nji ngban. 53 Bi yonga meran ya yo tiwon ran, nga ari wo wen ran tru mirindu wan no wa ye zonwen ran? 54 Ama ka me ti kamba wa ti se wari to kya riwa wa tre ari ti rɨme nganyi?>>

55 Ima Yeso ka tre wa ri gbunji ri, ise ko bi ye bubu vu wen ri ngolo ka me he nji ri yɨbi? Ko woni vi me si ye tsro tre Izhi ri tɨra Izhi kuma bi towen ama bi ran ya vu wen ran. 56 Ama kya wayin he riwa itre wa la tre Izhi riwa a he ri ngha no ye. Imba imiriko wan waka ti fu wari hi kamba.>>

57 Wawa wa vu Yeso wa ban wu hi ri Kaiaphas, rinkon Firist, bubu riwa wa tsro doka nga wa rinkon wa shu ngamba ki. 58 Ama Bitrus ka ran hu ri kpata, hari hi ri ko wawu rinkon Firist. A gra kuson ri wa gben don ran to kya riwa wa ti.

59 Wa rinkon wa bla tre nga wa rinko wa ran wa wari fe njo riwa a ri tre ri che ritu Yeso bibi riwa wari wuu. 60 Ama wana fe wu ri kyari ran, ko riwa wa tre ri che kigbu wa ye kusi.

Ri kre wan nji hari wa zhu ye kusi 61 wa tre,<< Nji nyi tre,<Me ya zi iko Izhi riwa Izhi meri bru mme rimi vi tɨra.>>>

62 Rinkon Firist a wulunde ran tre ri Yeso, Rinyi he tre ngye nye riwa nji wanyi wa ngɨzhi riye ritu wen?>> 63 Ama Yeso ka son ngbangbi. Rinkon Firist ka tre wu ri,<<Me shiji ri wu ri Izhi ri vɨri: La ta ko a wu nye wu he Kristo, Ivren Izhi.>>

64 Yeso ka nyɨme, <<Een, a he bibi riwa bi tire, ama me tre ri yi wawumbi: Ivi ri bi to Vren Nji kuson ri wori riwa Rigrawan riwa Izhi zhu ri shu wulu ye.>>

65 Imba nji rinkon wa bla tre ka gbon tsro wan ran tre,<<A tretre meme ritu Izhi! Ritu ngye ko bi wa wa kiri kugon wan ri? Ya, zizan bi wo tre kpande time! 66 Ngye bi to?<< Wa nyɨme wari tre, A he riwa ki wu.>>

67 Tse wa ju nten bwa ri si, wa ri zɨran wu ri nvɨyeke. Wari kuma wa wuruu 68 wa ri tre<<Tɨrekɨbu rita, Kristo. Ngha nye wɨru wu?>> (Mark 14.66-72; Luke 22.56-62; John 18.15-18,25-27)

69 Bitrus a son ri nkokanran ko riwa wa bla tre-a, tse ivɨra ri ndu ri ka ye ri wu. Ran tre,<<A wu ngawen wu he ri Yeso ri Galili.>>

70 Ama ka tɨron wu kusi mba wawu. ka tre, <<Me ran to kya riwa bi tre ritu wan ran.>>

71 Imba ka zhu hi ri nyu nkon, bubu riwa ivɨra ri ka bi ri to wu ran la nji ri bubu wan ri,<<Nji nyi wa he mba Yeso ri Nazaret.<<

72 Ka bru tsri-u wu nganga, ri shiji:<<Me ran to nji-a ran!<<

73 Kugon fiwen vi, tse wawa wa ki ri bubu wan waka ye ri Bitrus wari tre, <<kpunji tre wu he ri rimi mba, don bibi tre wen a ŋŋran wu yo ra.>> 74 Imba ka gbuchi ran lanyu ri ngawan nga ran shiji ri wa, <<Ame me ran to nji nyi >>

Ri bubu wan igbakuko ka tɨbu.

75 Imba Bitrus ka tika tre riwa Yeso a tre:<< Kafi no gbako no tɨbu, wu tɨron wen tinkpa tɨra.>> Ngha Bitrus ka zhu hi ri ra ran yimasi bran.