1 Riwa Yeso a kre tre wan, ran wurunde ka Galili don ran hi meme Judiya ri ku gran nne Urdu. 2 Imba ikpanji waka wau ye, ka den wa chuwo ri bubu wan.

3 Wa nji Farisa wari waka ye ri wa riwa wa tsra-u. Wa miyen-u ri, <<A bi no nji no wu gran wan ritu ko meme ti ngye riwa iwa wan ti?>>

4 Yeso ka la wa ri,<<Bi ran bla to zari ran, Iri ri mimilan Izhi a ti wa mba ronron,? 5 Ran tre,< ritu nganyi nye nji ri ka ti wan mba yi wan don ran ka kawa ngha ri wa wan, ngamba wa he ka nji riri> 6 Imba wa ran he hari ngana wa riri. lkya riwa nji ka kabru, no njo no ran ga wa ti nkan ran.>>

7 << Ingye nye ti, wa ka miyen Musa a de doka ri noji no de mbe ri wu gran ri wa wan ran dzu jɨo ri ko?>>

8 Yeso ka tre ri, <<Musa a no yi nyime no yi dzu mba mbi ritu kpekpe sron mbi. Ama a ran he kamba ri mimilan ran. 9 Me layi ri inde nji riwa a dzu wa wan, tsede ritu a ran ti kya riwa no wa no ti ri ko gran ran, ran gran wa risa a kiru ri wa nji.>>

10 Imiri ko wan waka tre riwu ri <<I kya nyi rɨe ngayin ritu wa mba ronron, ari bi nowa ran gran ran.>>

11 Yeso ka tre riwa,<<Aran he ko ngha nye ri kpa tre nyi ran, ara wawa wa kpa nyɨme riwu. 12 Wari wa ki ri wɨlo ritu ngɨzhi wa kamba; wari ronron wa ti wa kamba; nga wa ri ti kamba kyumba ritu kpanchison ri shu. Inji riwa ari kpa ri nyɨn no kpa.>>

13 Imba wa ka ngɨzhi miri watsitsa ye ri Yeso no ti rɨbu dindi sro ran riwa ama miriko wan waka tre fu ri wawa wa ngɨzhi wa ye.

14 Imba Yeso ka tre ri wa ri <<Ka miri wa tsitsa chuwo nowa ye rɨme, ran dzu wa ran, ritu kpanchison ri shu he wa bibi mba nye.>> 15 Imba ka ti rɨbu dindi sro wa ran hi ngawan.

16 Imba nji ri ka ye ri Yeso ran mɨye-u ri, <<Nji ri tsro, ngye dindi me ti riwa meran vɨri ba son vɨri?>>

17 Yeso ka miyen ri,<<Ritu ngye nye wu miyen nji riwa a bi? <<ara nji riri nye riwa a bi. ka wu wa wu ri gra ri bubu wan wuka hu tre riwa Izhi tre.>>

18 <<Wa tan nye?<< Nji-a ka miyen.

Yeso ka la riwu ri,<<Ran wunji ran, ran kru ri wanjo ran, ran yɨwi ran, ran la kya riwa wu ran to ran. 19 no wa ti wen mba yiwen mkpen,Ngha wuri nyime wa kusan wen bibi riwa wu yɨme tuwen.>>

20 Inji-a ka tre ri, <<Me ti wa wawumba, Ngye don ri mo?>>

21 Yeso ka tre riwu ri, <<Ka wu wa wuri he jɨyan jɨyan, hi, wuri vu kya riwa wuhe riwu ka rewuri ka no wawa wa ran he ri kya ran, wufe bubu riwa wu zi kpi ri shu. Wuri ye, hu wen.>>

22 Riwa ivren ndze a wo tre-a ka hi ngawan rimi fu, ritu a he ri wo. 23 Imba Yeso ka tre ri miriko wan ri <<me layi kpunji, ari he ri ya riwa nji riwa a he riwo no gra ri ko Izhi. 24 Nganga me layi, a ri he ri ya no lamkpron gra zhu ri bwo yɨwe riwa nji ri wo no gra ri ko Izhi.>>

25 Riwa imiriko wan wa wo tre-a wari ti sisɨri bran bran,wari miyeu ri, << ko ngha nye ri nnawo?>>

26 Yeso ka ya wa ran tre ri <<Inde a he ri nji a ran ti ran, ama inde ri Izhi nye ko ngye ri he hɨri.>>

27 Bitrus ka tre riwu ri,<<Ki ka kongye mbu don ki ri huu! Ngye nye riwa kita ki fe?>>

28 Yeso ka tre riwa ri, <<Me layi kpunji tre ivi ndzan wa sisa, riwa Ivren nji ri son ri kpanchi riwa wana gbresan, biyi wa wa bi huwen bi son ritu kpanchi wuru don hari bi ri ran bla tre riwa nji wa Israila. 29 Nga nji riwa a ka ko don ka miri vayi ronron ko mirimba ko Ti, ko yi ko miri ko wan meme ritu won ari fe bibi wan so se wuru, ran fe son hari hi rinkon kuu wan. 30 Ama wari wa wa wa ri gbuchi wawa nye wa ri kugon, wawa wa ri kugon wai ri gbuchi.