1 Riwa wa ye weweren ri urushelima wa ye ri Betafaji, bubu iwa wa yo Tita zaitun, ivren Bachi ka ti miri ko wan hari (2), 2 A tre wa,<<gra ri gbu mu ri wa a he kusi mbi, Ri gra mbi bi to lakpron wa Lo zi, ri vren wan, Siwa bi ri ngɨzhin ye no wen. 3 Ka njo miyen yi kya, La wu ivren Bachi no wa jin ye, wa wu kawa chuwo.>>

4 Ri nganyi a he no tre ri wa shu igyun ijin ri ndu shi 5 <<A tre ivra ri wa gbu zion,to, lchu wen ye ri wu, lele nga a hon lagbron, ran he ku Langbron.>>

6 Miriko wan wa hi wa ka ti kyar ri wa a la wa a. 7 Wa gbi langbron mba vren wan ye ri tro itu wan, ri kpi itu mba. 8 Igba gbu jin wa stroo tsro wa vuvu kuku ri ri kon. 9 Ikpa nji riwa wa gbuchi hi wu nga ijin ri wa,wa wu wa kpagro, Hosanna ri tu vren Doda<<Dindi he wa wo ri wa ye ri a Bachi Hosanna he bran bran.>>

10 Riwa ivren Bachi a gra ri Jerusalem lgbu wa wu ka stran, wa ka miyen,<<A he ngha nye.>>

11 Igbu nji waka nghen wen<<A he vren Bachi ndu nji ri wa a ju Nazare ri Galili.>>

12 Yeso a gra ri tɨra Izhi ran dzu nji wawa wa ran rekpi wa ka ran re. A ban kpanchi riwa wa ran rewa Kpi ka rega wa sran nkɨren ka su si ran dzu nguu no hi ngamba. 13 A he ri ngha ri,<<A tre ri wa,<iko won wa yo iko ri bre,> Ama bi ka wu ti ko wa yibi.>>

14 Nji ri nfyen nga nji wa nkpuju ye riwu ri tɨra Izhi, ka no wa sii 15 Ama lchu wa bre nga wa to tre wa to kya riwa ri bran riwa a ti nga imiri wa kpagɨro ri tɨra bre, <<Hosana ri tu vren Doda,>>Wa ki kpekpe.

16 <<Wu wo kya riwa imiri wayin wa tre?>>Waka miyen Yeso ri.

<<Een,>>Yeso ka nyime, <Wu ran kɨra ran? <Ri nvɨrenyun miri wa tsitsa nga wawa wa ma sisan>>>

17 A kawa don na hi kura gbu ri Batani, ri bubu ri wa a ka kru.

18 Ri bubu bre, riwa aku nkon ri hi gbu, iyon ka ti wu, 19 Ka to konkron mbwa riwa a kri kusan nkon, ka hi kusan wan ran ran fe klo kya ri tu wan ran ka ra mvumvu wan. Ka tre ri konkron-a ri wu ran klo ngaran, imba konkron ka kɨlu ran kpo vu vu rega.

20 Riwa miriko wan wa to kya riwa a ti, a lowa sron.<<A hese konkron kpo vunvu gbagbla.>>

21 Yeso ka la wa, <<Mi la yi kpunji, ldan wu he ri yosron wuran ti shaka ran, wu la konkron wen ri kya mi tre ran, a ran he kyar ri wa bi to kon kono rana, lbi tre no ngblu no wen hi ari wii ti ka kawen ta yo ma a ri he ngamba. 22 Idan wu nyime, wu kpa kya riwa wu miyen ri bre. >>

23 Yeso a gra ri tɨra bre, ran ran tsro, rinkon wa la tre Izhi nga rinkon jin wa gbu wa ye wu<<Ri senkpa nye wu ti kyar wa nyi>> Wa miyen <<Ngye no wu gbengbren?>>

24 Yeso ka tre, << Mi miyen wu ldan bi la wen kpunji mi la yi ri ngye nye mi ti kya wa nyin. 25 Yohana ri nji ri son nji tu ri ima-a shu mi yin? A shan shuu ka a shon ri nji>> wa tre ngamba we <<Idan ki tre a shaun shuu, ari miyen ta <ngye ti ki ran nye wen ri wu ran,> 26 Yeso ka tre a shan ri jin ki ti sisri jin wa tre Yohana a he ran ndu nji.>>

27 Wa la ri, <<wa wa wana to ran.>>Wa wu ka tre << Ame ma me na la yi ri gbengbren ngha mi ti kyar wa yin ran.

28 <<Wu to se? nji ri a he miri hari. ka hi ri gbuchi ran tre lvren won hi ju wu ri ti ndu ri zhu won.

29 < Ame me ran hi ran a tre> ka bru tre wawu ri hi.

30 <<Iti wan ka hi ri vren ri hari ran tre ri wu, ka tre ri me hi ama ka ran hi ran.

31 <<Imi mirin hari wa nyi, ri tan a ti kyar riwa Iti wan lawu?

Ri gbuchi wa tre,<<Ri gbuchi wa tre. Yeso ka tre ri wa, <<mi la yi janji,ijin riwa ri kpa kɨren meme nga iwa ri wa ari ti ntana wa gra ri ko Bachi ko biyi bi ka fe. 32 Yohana a ye ri yi ri wa a ri la yi nkon dindi bi yi bi ran nye wen ri wu ran, ama ijin ri kpa klen mema nga iwa ri ti tana wa kpa wu.

33 To itre kɨbu ri nganga wa ti nji rikon ri a ron zhu konkron, ran rawu ran shi juju kagon wan ran kuma men kankan kɨshu wu ti itu gben. A no nji wa riwa ri la wa ran hi gbu wa ri. 34 Riwa Ivi sɨren a ye huehyure,Riwa nga a ti ka ti gran wan ndu hi wa u wan no wa kpa ma lnabi.

35 Wa shu wa vu gran rimi mba wa ri tsi ri wa ri wuri rimi ba wa ri ta ri ri tita. 36 Ka bru ti wa ri ndu hi han ri gbuchi, wa ka tsi wa nganga. 37 Ka to ngaba ran ti vren wan ndu hi ran tre, bi to kpen vren won.

38 << Ama riwa wa zhu wa to vren nji ri rima wa tre ngamba, Ai rewa ahe vren ri wa ri wa lshu ri he wa ma waka wuu kiri ka shun ti wa bu. 39 Wa vu wa ri ban wu taga kuma wa ri wuu.

40 <<To Ati ko wa zhu-a ye ngye ari ti wa?>>

41 <<Wa tre wu<<Ari ti meme ri wa ari kuma wu wa ran ban rɨma no nji riwa ron wa ri no wama chachu vi ri sɨren.>>

42 Yeso a tre,<<Agba, bi ran kɨra ri nghan ran A tre, ri wa men wa kamba, wawu gyen he tita ri wa a bi me riwa he ndu ti ban Bachi nyen, Ri ta wa to kya dindi.

43 <<Mi la yi wa kpan su Bachi ri wo bi no wa gbu wari ri wa wa ti kyar ri dindi. 44 Ri wa wa joku ritu tita a ri chon kprukpru Ama riwa tita joku ritu wan, wawu nye ri kon ka mumu.

45 A wa rinkon La tre Izhi riwa Farisa wa wo tre ri wa a tre, wato ari tre ri wawagyeu. 46 Ama wa wawu wa vu, ama wa ti sisiri jin itu wa wa wa ban wu ka ijin ndu Bachi.