1 Imba, Iyu Izhi a ngizhi Yeso hi ri tsutsu ji no meme nji no tsra-u 2 Kugon riwa a vu la iima vi senza richu senza, iyon kana ti-u. 3 Imba nji ri tsra nji-a kaye ran ye fe Yeso ran tre riwu ri <<Inde wu he vren Izhi wu ka kɨma tita nyi ti ri.>>

4 Yeso ka tre riwu ri, << A he rimi nga ri, a ran he ri, <iri nkankshe nye nji ri nawo ran, ama ri wɨlo tre riwa a zhu ri nyu Izhi ye.>>>

5 Imba memenji-a ka ban wu hi rimi nchon tsitsri gbu ran ka-u dzi ri bubu riwa a dzen rimi tra bre Izhi, 6 ran tre wu ri,<<Inde wuhe vren Izhi, dza ku ri meme, ki to a he rimi mbe Izhi,

<Izhi ri la miri wandu wan ri <

no wa rau wuran kɨbu dza ri tita ran.>>>

7 Yeso ka nyɨme ran tre ri wu ri<< Wa ngan ri mbe Izhi ngawen ri, <Ran tsra Bachi Izhi wen ran.>>

8 Nganga, memenji-a ka bru ban Yeso hi ri mgblu ri zen ran tsro-u mgbumgblume ri bubu wan ran tre riwu. 9 memenji Ka tre ri,<< Gbugbu kyawa wanyi me kawa no-u, inde wu kɨbu mgbazhu wuri gbresan won.>>

10 Yeso ka tre riwu ri, <<Tsirinkon memenji! Imbe Izhi tre ri, <Kibu Mgbazhu ri Izhi wen wawu ri kankshiwan nye ti ndu ri wu!>>>

11 Imba memenji-a ka kawu don, nga mirindu Izhi wa ka ye wari ti ndu ri riwu.

12 Riwa Yeso a wo ri Yohana he rimi tra tren nji ka bru ye ri gbu Galili. 13 Riwa a ka Nazara don, ran ka son ri Kapanahun, riwa a he kusan nchon ne ri meme Zabulum mba Naftali. 14 Riwa ari tsra ri tre kya riwa wa tre hu nyu Ishaya nji ri la tre Izhi,

15 <<Meme Zabulum nga meme Naftali,

ri nkon riwa a hi ne riwa a he ri gran ne Yodan, Galili riwa wa ran kpa Izhi ran!

16 Wa nji wawa wa rimi bu

wa ka to nchon kpantsu.

Ritu wawa waki ri meme-a ri iyu kuu

ikpan tsu ka kpan riwa.>>

17 Ritu mba nye Yeso ka gra ri bla tre Izhi: <<Ka meme ti chuwo, ritu kpanchison ri shu ye hwire!>>

18 Riwa Yeso a ran zren kusan ne ri Galili, a to nji wari nji hari riwa wa miri vayi, Sima riwa wa ran yowu ri Bitrus nga vayi wan Andarawus, wa ta kali mba ranyo rimi ne, don wa he wa vu lambe. 19 Yeso ka tre wa ri,<<Ye hu wen, me tsro yi bibi riwa bi vu nji.>> 20 Imba waka ka kali mba chuwo wari hu.

21 Yeso a ran hi, a to nji hari miri vayi ngamba Yakubu ivren Zabadi nga vayi wan Yahaya. Wa he ri nvuima ri tinba Zabadi, wa ran milan kali ri vu lambe ran ti. Yeso ka yo wa, 22 wa ka miren hu wari ka nvuima mba nga timba don.

23 Yeso a gra gbu Galili ran tsro wa rimi tra Izhi mba, a ran dɨbu tre dindi ri tra bre riwa ka ran den ko lilo bibitan riwa wana lo nji. 24 Itre wan ka kagbamu rimi gbu suriya, imba nji waka ngɨzhi wa lilo kan kan ye riwu, wawa wana to ya bran bran, wawa meme nji wa gra riwa, wawa wana ku kpinkpi nga wawa wa ri lilo ri klu kpa, ka den wa chuwo. 25 Ikpanji waka hu hi ri meme Galili ri gbu wuru nga Urushalilma imba Yudiya hi ri gran nchon ne Urdu.