1 Ri vi wan Hirudus a wo bibi ngɨzhi tre hi ritu Yeso. 2 Ran tre ri wa tindu riwu,<<Ri nyi nye he Yohana nji ri vuu nji son tu ima; a ta shɨme! Ritu kamba nye gbengbren kyawa wa de sisiri wa tindu ri wu.>> 3 Zizan Hiridus a vu Yohana nji ri sonji tu ima tren ri bre Izhi ran ritu Hirudiya iwa vayi wan Filibu, 4 ritu riwa Yohana nji ri son nji tu ima a tre riwu:<<Aran tsra riwa ari gran hirudiya ran.>> 5 Hiridus a ran wa ran wuu Yohana, ama a ti sisiri nji ritu wa ban wu a he wa ndu Izhi.

6 Chachu tika vi ngɨzhi Hirudus Ivɨra Hirudiya a ngɨlu riwa ri bubu ro a ran no Hirudus sisron bran bran 7 imba ka shɨiji ri wawu ri no vra ikya riwa a bre. 8 Imba iyi wan ka lawu, ran tre,<< Ri no chu tu Yohana nji ri vu nji son tu ima no wawu.>> 9 Isron chu ka time, ama ritu shiji riwa a shi ri nyu wan, ka lawa no wa no kya riwa a mɨyen. 10 ka ti ndu hi ri ko riwa wa tren nji waka wiyen tu Yohana. 11 Waka ngɨzhi tu Yohana rimi tereye no vra ka ngɨzhi ka no yiwan. 12 Imri ndu Yohana wa ye wari ban kɨmo Yohana hi ka no yɨbi.Wari hi wa ka la Yeso.

13 Riwa Yeso a wo kamba, ka wurunde ri bubu wan, a gra rimi nvu ima ran hi bubu riwa ba njo ri bubu wan. Riwa wa wo ngamba, ikpanji-a waka wulunde wa ri huu ri za. 14 Riwa Yeso a zhu rimi nvuima ran to kpanji wa ki. Ka ya wa ri sii losron ran no wawa wana he ri si ran no wa si.

15 Iwa yawulu a ti, imiri ko wan waka wawu ye wa ri tre,<<Bubu nyi njo ran he ri bubu wan ran, ga yawulu ti. No kpanji nyi nowa hi ko wari wa kya ri ri.>>

16 Yeso ka la wa, << Aran he riwa wa hi kamba ran, bi wa kya nowa ri.>>

17 Waka lawu ri,<<ki he ri ngbɨre jujuyɨmo ton ri lambe hari.

18 Ka tre ri,<<Ngɨzhi wa ye no wen.>> 19 Imba ka la wa ri no wa nji-a nowa kuki ritu giga. Riwa a ban jujuyimo mgbɨre ton ri lambe hari-a, ran ndzu wa ban shu, ran ngiri ri Izhi, ran chu wa jujuyimo, ran si no miriko wan, Imiriko wan wa si no wanji. 20 Wawumba waka ri wari hushi, nga miriko wan waka vu susu wan shu rimi sisen wuru don hari riwa wa kadon. 21 Ikpa ronron riwa wa ri wa he ngo ton ama wa ran bla mba ri miri.

22 Ka no miriko wan waka gra rimi nvu ima wari rugran ri ko wawu ka no kpanji waka hi ngamba. 23 Kugon riwa a chu wa wo na ka hon ritu tita wawu nkankɨshi wan don ran bre Izhi. Hari yawulu ka he ri bubu wan nkankɨshi wan, 24 Ama nghɨma ka he ri tsutsu ima, ama kana shi ritu riwa ngungu a ran tru ran hi kusi wan.

25 Ri bu mbre Yeso ka wulunde zren ritu ima riwa ari fe miriko wan.

26 Riwa imiriko wan wa to a ran zɨren ritu ima, wa tre ri,<<A he bɨzhi nye>>Wari kpagɨro ritu sisiri.

27 Imba meron Yeso ka tre riwa,<<Ba kya! A he ame. Ran ti sisiri ran yi.>>

28 Imba Bitrus ka kpanyɨme ran tre ,<<Bachi, inde a he a wu nye, to wuka nowen me ye riwu ritu ima.

29 Ka tre , <<ye,<<Imba Bitrus ka zhu rimi nvu ima , ran zɨren ritu ima hi ri Yeso. 30 Ama riwa a to ka ngungu senkpa ran ti sisiri riwa a ran yibi tu ri ima ran kpagɨro, ran tre ,<<A wu Bachi, kpawenchuwo!>>

31 Ri bubu wan Yeso ka nɨme wo ran vu, ran lawu ri,<<A wu ri fifi yosron, ritu ngye ti wu ran nyime rɨme ran?>>

32 Riwa wa gra rimi nvuima-a, ngungu ka ran gbla kri. 33 Wawa wa he rimi nvu ima waka kɨbu ngbazhu ri wu, ran tre, A wu wu he vren Izhi kpunji.>>

34 Riwa wa rugran hi Janisarat. 35 Riwa nji wa gbu wato ri a he Yeso, wa ti ndu hi ri gbu wawa wa kagon gbu. Nji waka vu wawa wa ran he si ran ngji ye ri wu. 36 Waka bre wu ri no wa lilo nowa bre wo ri nyu tsro wan, wawa wa bre wo ri nyu tsro wan waka fe si.