1 Yeso a gɨzhi ri tu tita gbunji wa hu. 2 Ijin ri wa a ti mkpuzhu a ye ku ngbazhu bre wu, a tre,<< Bachi riwu nyime nuwen si kpa.>> 3 Yeso aban wo wan bre wu, na tre mi nyime, fe si iwa nkpunzhu ka kre. 4 Yeso a tre wu,<<Wo, ran la njo kya ran ri wu he nji ri bre Bachi nde ngiri wen no wa to ri tuba bibi wa Musa a la.>>

5 Yeso a gra Kafanahum rinkon wa lokpa ri ka ye wa zon riwu ran tre, 6 << A wu tibuwawu ivren ri ndu won kru ko a ari lo lilo wu kpa,ari so yo bran,bran.>>

7 Yeso a tre wu, me hi miri no si.

8 Rinkon wa lokpa ka kpa yɨme ran tre,<<Me ran tsra riwa wu ye ri ko won ran riwu tre nji riwa ari tindu mmo ri fe sii. 9 Ame ma me he wo nji ri, inga wa lokpa wari wa ri wo won ime tre riwu, <Hi,> Ka hi, ri mu <Ye> Ka ye, <ti kya kati.>>

10 Yeso a wo nganyi ka no mamaki,<< ka tre miriko wan, mi la yi vi ku ri gbu Israila mi ran fe wa sengba kongye ran. 11 Me layi nji brabran wa ye kugbo, kushu wa wari ri Ibrahi, Ishaku, nga Yakubu iko won ishu. 12 Imiri wa wa wa washu iwa kamba wa ta wa saro ibu bubu wa wana yi wan ri tan nyiri.>> 13 Yeso ka tre ri nji ri lokpa roma, <<Hi ngawen, a he ngye wen surun wen wa wu ti.>>

Ivren wen fe si.

14 Riwa Yeso a gra ko Bitrus, ka to iyi Bitrus a kru ri tsiri nbɨzhu. 15 A bre wo kpa wan nbɨzhu ka kado, ka wurunde na tidu wan.

16 Yawulu a ti, wa vu jin bran bran ye wa, wa he lilo bɨzhi bran bran ri tre wan, ka dzu bɨzhi kyawa ri kpa mba. 17 Ri ngye a he nuwa la tre annabi ishaya a tre, <<Ri tuwan a ban lilo mba na ban meme wa lilo mbu wawu.>>

18 Riwa Yeso a tuo gbu nji Bran, bran kagon wan ka la wa nu wa hi kugran mu 19 nji ri riwa a to doka Musa ka ye na tre wu.<<Inji ri tsro,>> ka tre ri <<Me wuu hi bubu wa wu hi>> 20 Yeso ka tre, <<Wa yawu wa ji ri bu ba, chenchen wa he ko mba, ama ame ivren ji me ran he bubu sun ran>>

21 Rimi miriko wan ran tre, nji ri ko, chu wen wo min wa, wa wu nji ri ko,<< ka wu chuwo me ban ti won no yibi ko miri ye.>> 22 Yeso ka tre wu,<<Hu wen,>>Nga ka wawa no wa meme ti chuwo no wa no ngamba yɨbi kyumba don no wa no ngamba yi wen. >>

23 Wa a gra vuima, imri ko wan wa wu. 24 Ga chan wu wulu a wulunde ri ma, wa ka he rijen ma, wa wulunde ri tru vuma, a ran kru na. 25 Miri ko wan, wa ka hi ran tashime wa ri tre,<<Bachi kpata chu wa, ki ku.>>

26 Yeso ka tre riwa,<<Ingye ti ko bi ti fu, Biyi wa fifi kpa yɨme!>>Ka wulunde ran tre fu ri ngungu nga ne-a imba bubu ka kulu!

27 Riwa nji wa to kya riwa a ti bi wa ka ti mamaki sisiri wa ri miyen ngye he ngha wa? gungu ga ma kukri!

28 Riwa a hi gra meme wa yo wa nji Garasina nji hari wa wa he lilo bɨzhi wa zhu bubu gru. Wa ri fe wati sisiri, branbran njo ka ran hu ko mba ran. 29 Wa kpagɨro wari tre, <<Ingye wu wa ri ta a wu ivren Izhi? Wu ye riwa wu no ta ya iwa ivi na ti ri na?>>

30 Iko a fon bran ri bubu wa, wa he ri dushu wako wana riri. 31 Ibɨzhi a bre Yeso ri,<< nga wu dzu ta hi ra tru ta yo ikpa dushu.>>

32 Yeso a tre wa <<Hi,>>Wa ka zhu wa ri hi kpa dushu, wa tsutsu,wari wagra ma wa ri ku.

33 Iwa wa ho dushu wa tsutsu gra gbu wa ka la nji ikya riwa ti a ti kabru ri jin wa, wa he lilo bɨzhi. 34 Igbu wawu wa wulunde hi wa fe Yeso wa, wa to vren Bachi wa Bre wu no ka gbu meme mba don na hi ngawan.