1 Riwa chachu son vɨri a vu yɨba, ri vi ri mimilan sati, meremu magadaliya nga meremu riwan, waka hi ri bubu to bubu gyuru.

2 Wati gɨzhu meme ri, nga ivren ndu Izhi ri ka ka zhu ri shu ye mme nga, ritu ri bubu gyuru, ran tru tata-a ran kuson ritu wan. 3 Iye wan a he ka iwɨrinnzan, isɨro wan a he kinklan pɨya pɨya. 4 Wawa wa ran gben waka ti sisiri wari ki ka ikɨmo.

5 Nji ri ndu Izhi ka la mba-a, <<Ran ti sisisri ran, don me to ri bi wa Yeso, riwa wa kpan wu ri konkron. 6 Aran he ran; a tashɨme.Ye bi ri to bubu riwa a kru. 7 Bi hi gbagbla bi ri la mirindu wan: <A tashɨme ri kuu nga a gbuchi ri hi riyi ri Galili. Ri bubu wan bi tou.> Zizan me la yi.>>

8 Imba mba-a waka wulunde chegbla ka bubu gyuru don, wa ran ti sisiri ama ri kinklan sron, wari tsutsu hi bubu la miriko wan. 9 Ri bubu wan Yeso ka fe wa.<<Me chi yi,<<Ka tre.Wa ye ri me, wari shɨmo kpɨre ngɨzhi nga wari gbresan wan. 10 Imba Yeso ka la wa ri, <<Ran ti sisiri ran hi bi ri la miri vayi won no wa hi ri Galili; ri bubu wan wa to wen.>>

11 Ka mba-a wa he ri nkon rɨi, wa gben wari waka hi rimi gbu wari ka la rinkon wa la tre Izhi ikya riwa a ti. 12 Riwa rinkon wa la tre Izhi wa vu ngamba ki wawa wa rinkon wari kadzi ri, wa no wa klukpa nkɨren kigbu, 13 wari lawa ri,<<Bi la ri, <Imiriko wan wa ye ri chu wari yɨwi wu hi ngamba ka ki ran kru nna.> 14 Ka itre nyin ke ri rinkon ri meme, ki no sisron kiri kpa yi chuwo ri iya. 15 Imba wa klukpa waka ban nkɨren wari ti bibi riwa wa la wa nowa ti. Ngha itre-a ka hi ko kutan ri wa nji Yahuda ye ri vi nyin.

16 Imba imiriko wan wuru don ri-a wa hi ri Galili, ritu ngbɨlu riwa a lawa no wa hi. 17 Riwa wa tou, wa gbre wu; ama wari wana nyime riwu ran. 18 Imba Yeso ka ye riwa ran tre, <<Wawu nkpen ri shu nga ri nme wa kau no wen. 19 Ritu kamba hi bi ri la wa gbungblu nme, sonwatu ri ima rimi nde Ti nga riwa vren nga riwa iyu tsitsri, 20 nga bi ri tsro wa kya riwa me layi, nga kpunji me he ri yi ko shitan, hi ri vi kre nzan.>>