1 Yeso a ka ko Izhi don ra zɨren ran hi ngawan imiriko wan waka ye ri wu wa ri yo hankeli wan hi ri mme wan. 2 <<Bi to kya wa nyi wawu mba?>>Yeso ka mɨyen. <<Me la yi kpunji, ngbɨretita ri ran kri ritu ri ran; wa tru wa rega mme wawu.>>

3 Riwa Yeso a son A son ritu Tita zetun mba miriko wan waka ye, riwuri kankshe, wari tre,<< La ta, shitan nye kyawa wanyi wa ti? Ngye ri to ri nyi nye ki to kiri to ri iye wen ye, nga kre nzan?>> 4 Yeso ka nyɨme:<<Mɨlan ya ran no wa gyuru yi ran. 5 Ritu gbunji wa ye rimi nde won, wari tre, Me he Kristo,> Ngha wa gyuru wari kigbu. 6 Bi wo tre kuu nga juju tre kuu, ama to wa mba bi ran milan ki ran. kyawa wamba dole wa ye,ama ikɨre wan ran ye ran. 7 lgbu wa wa nga kpanchi mba kpanchi. Igɨju meme nga ri he ko kutan. 8 Wawu kya wanyi wa he ilo ngɨzhi ri mimilan.

9 <<Wa vu yi ka no wa nowa tiyi ya hi ga kuu mbi,nga gbungblume wa kamba ri yi ritu won. 10 Ri vi mba Ikpa nji wa kɨma don nkon ri yosron nga wa ka ngamba rewari ran kamba ri ngamba, 11 ikpa wa la tre Izhi wa che wa zhu wari gyuru kpanji. 12 Ritu ti meme ti mbi, isu wa wari ri gbron rere, 13 Ama nji iwa a son kpen hi klo wan a ri nanwo. 14 Wa tretre Bachi kpan chi shu ri gbungblu nji no wa wo wawu nye lvi ri kre (matsanaciyar waala iya bran bran.)

15 Kawa imbi to kya meme ndu ri de shan ri wa Annabi Daniye a la <<Wa kɨreri wu wu ri bubu Tsra Tsra ri jin ri kana a to.>> 16 Iwa tse jin ri wa wa ri meme Yudiya wa tsutsu gra itu tita. 17 No njo rimi ko wan ran ran hi mimi tɨra ran ban kya zhu rimi ko-a ran. 18 Ran no njo ri ra no bru hi ran ban kya wan ri ran. 19 Iya mbi biyi wa mba riwa bi he nne nga wawa wa no miri sisan! 20 Bre ritu no tsutsu ri vi mba no ran he chachu son viri ran. 21 Nji wa so ya ri chachu mba nga ikya ri ran ti nganyi ngaran. 22 Mba wa fon vi fiwen ba, njo ranvu yɨba ran. 23 Ri vi mba Ka njo tre yi, <Ya, ngye won! ko <Ngye ŋnga wu won! ran kpanyɨme ran.

24 Ritu Kristo wa che nga wa la tre Izhi wa che wa ye wari ti kya wa ti sisiri ritu wari gyuru kau ri wawa wa chu wa. 25 To, me la yi gbagbla.

26 << Ka njo la wu, <Ngye ŋnga wu ri mu wu ri mu won,ju rimi itsu kuklu,> Ran ju ra ran; ko <ngye ŋnga wu won rimi tɨra,>Ran nyɨme wu ran. 27 Ka ishan wulu riwa ari zhu ri kusio nnzan ari kpan hi ri kusi yawulu, kamba nye ari he ye Vɨren Nji. 28 Bubu riwa ikɨmo he, bubu wan nye iziboka wa ki.

29 <<Ri bubu wan meron kugon ya ri vi-a

<<iji ri gra ri bu,

iwua ran kpan ngaran;

ntsen shu wa zhu ku ri mme,

nga ishu rina chu ngawan.kpan

30 <<Ri vi mba alama ri ye Vɨren Nji ri ye zhu ri shu, nga gbungblume ti shnji sron. wa to Vɨren Nji riye zhu ri shuwulu, ri gbengbren ri nkpen. 31 Ngha ari ti miriko wan ndu ri nvɨri ngbuju yo, nga wa vu wawa a lawa ki gran ri gran nza, ju ri kɨreri shu hi kuri wan.

32 <<Ban za bibi klo mbwa. ka wu to ka ari kɨbu nga vunvu wan wa gbuchi ri ye ra mba wuka to ri isu ye hyure. 33 Ko ri kamba, ka wu to kya wamba, wuka to ri a ye hyure, ye ri nyun nkon. 34 Nganyi mi la yi lvi in na kado ran tse kyar wa yin a ti 35 Ishu ri meme wa yitu ama itre won ran yitu ran.

36 <<Ba nji riwa a to chachu vi ko awa, ko miriko wan ri shu, ko Ivren wan, ama tsede Iti wan, 37 Bibi riwa a he ri vi Nuhu, ngamba nye ari he ri chachu riwa Ivren Nji ri ye. 38 Ri vi kami no ima no vu nji, nji wana ri wari ran so, hari hi ri vi riwa Nuhu a gra rimi nkpon konkron riwa a shen. 39 wa ran to ri ikyari kamba ri ti ran tse chachu riwa ima ka ye ran vu wa hi ngawen. Nghamba nye iye Vɨren Nji ri he. 40 Ronron hari wa he ri zhu wa ban ri wari ka ri hari wan don 41 Imba hari wana kon niran wa ban ri wari ka ri wa ka ri hari wan don.

42 <<Ritu kamba bi milan ki ritu bi ran to chachu riwa Bachi ri ye. 43 Ama ri to ri mba: Ka njiriko ran to vi ri tsuitsu chu riwa nji ri yɨbi ri ye ri ko wan, riwa milan ya no wa ran gra riko wan wari yɨra ko-a ran. 44 A wu ngawen wu milan son, ritu Ivren Nji ri ye ri vi riwa wuran yo sron ran.

45 <<Ŋnga he ri kpunji nga ri wiwɨri nji ri ndu, riwa njiriko ka wu yo rinkon wa ndu ri ko wan no nowa ri vi riwa a tsra? 46 Ari bi ri virendu riwa itiko zhu mu ye ran fe ka ari ti kamba. 47 Me la yi kpunji, ari kawu yo riko ri wawu kyawa riwa a he riwu. 48 Ama nowa tre ri ivren ndu he meme nji ran tre ri itiko won ri son ri bubu riwa a hi, 49 Ran gra tsi ngbɨron wa ndu ran ri ran so ri wa so hi. 50 Itiko ivren ri ndu ri ye ri vi riwa a ran to ran. 51 Ari chiwa susu ran kawu zi ri bubu riwa wa ti che wa ki, bubu riwa wara yi wari ran tan nghiri.