João 4

46 Imba Yeso ka bru kɨma hi ri kana riwa Galili ri bubu riwa a kɨma ima nji ti ima ri roo. Ri bubu wan nji ri kon meme ri a he riwa ivren wan a ran he ri sii ran ri Kafarnau. 47 Riwa nji-a a wo ri Yeso a zhu ri ri Yudiya ri Galili imba ka hi riwu ran bre wu ri no hi ran den vren wan riwa a ran he ri nyu kuu. 48 Yeso ka kpanyɨme riwu ri,<<Inde bi ran to kya ri de sisiri nga kya riwa bi to risi ran bi ran ri kpanyɨme ran ko tsawen.>> 49 Inji rinkon ri meme-a ka tre ri Yeso ri,<<Inji ri nkon ye kɨi ritu no vren won no ran kuu ran.>> 50 Yeso ka tre riwu ri,<<Hi ngawen ivren wen ri nawo.>> Inji-a ka kpanyɨme ri kya riwa Yeso a la-u-a ran hi ngawan. 51 Riwa a he rimi hi ko wan imba imiriko nji-a waka ye fe wu ri nkon wari tre riwu ri,<<Ivren wen fe sii.>> 52 Imba ka miyen wa ri ivi ritan nye a gbuchi ran fe sii? Wa ka tre ri wu ri,<<Irren ri ji nye ikpa-a a ka-u chuwo. 53 Imba A ti vren-a ka to ri a he tsra ri vi riwa Yeso a la-u-a ri,<<Hi, ivren wan ri nawo.>>Inji-a nga wa ko wan wawu waka kpanyɨme ri Yeso. 54 Rinyi nye a he kya ri de sisiri ri hari riwa Yeso a ti kugon riwa a ka Yudiya don ran hi Galili.