21 Bibi riwa A ti ri ta nji shɨme ri kuu ran no wa vri ngamba nye ivren ngawen ri de vri ri nyi riwa isron wan nyɨme-u. 22 A ti ran ri bla tre ri njo ran ama a no vren gbengbren wawu ri bla tre ri ko ngaa, 23 ritu no ko ngaa no vren wen mkpen bibi riwa wa no A ti nji riwa a ran no vren wan mkpen ran a ran no A ti riwa a ti vren wan ndu ye ran.

24 <<Me la yi kpunji tre nji riwa ari wo tre won nga ran ri kpanyɨme ri Izhi riwa a ti wen ndu ari fe vri riwa a ran kre ran, wa ran no yaa ran ritu a jɨbu ri kuu ran gra rimi vri. 25 Me la yi kpunji tre ivi ri ye riwa a ye-e riwa wawa wa kuu wa wo rann vren Izhi nga wawa wa wo wa son ri sii. 26 Bibi riwa A ti ri tuwan he nchi vri nye ngamba nye a no vren wan no he nchi vri ngawen. 27 Ngha Izhi no gbengbren ri bla tre-a ritu a he vren nji nye. 28 Ran ti sisiri ritu tre nyi ran, ritu ivi ri ye riwa wawa wa he ri bubu gru wa wo ran wan, 29 wari zhuu ri bubu gru ye, wawa wa ti kya ndindi wa tashɨme wari son ri si, ama wawa wa ran ti kya riwa a tsra ran wa tashɨme nga wa no wa yaa.

30 <<Ame ri tu won me ran to ti kyari ran me bla tre won bibi riwa Izhi la wen me bla. Ritu a ran ti won nye me hu ran, ama a he ti nji riwa a ti wen ndu nye me hu.

31 <<Ka me la tre ritu ngawon a ran he riwa a tsra ran.