LUK LUKA- BUU 2

Yeso Vɨren-ze a Gra ri Tɨra Izhi

41 Ri se ri se wati wan waye waka hi ri Urushalima riwa wati iro ri za gran. 42 Riwa Yeso a ti se wuru don hari, waka ban wu hi ri bubu ro ritu kya riwa wasi ti. 43 Riwa wa kre ro mba, wari ran ye, ivren-a ka son ri Urushelima watiwan wa ran to ran. 44 Wawa wa zɨren jiakuu, wa yonga ri a he rimi mba wa si lanji bla rimi miri vayimba ri wa kpan mba. 45 Riwa wana fe ran, waka hi ri Urushelima, wari si wa-u bla. 46 Imba ri vi ri tre waka fe rimi tra Izhi ka a son ri tsutus wa tsro, ran ran sirenton, ran ran miyen wa miyen. 47 Wa wa wa wou wati sisiri bibi to wan riwa a to ri nyime miyen wan. 48 Riwa wa to waka ti sisiri, mba iyiwan ka tre riwa, << A wu vren won ingye ti ko wu tita kawa? Kpunji ki si wa-u mbu tiwen rimi sron time.>>

49 Imba Yeso ka mɨyen wa,<< Ingye ti ko bi si wa wen? Ashe bi ran to a he lele nowen me ti ndu Tiwon ran?>> 50 Ama wa ka ran to tu tre riwa a lawa ran.

51 Imba ka bru hi Nazarat iwawa, ran ran kpa tre mba iyi wan a ngɨzhi kyawa wanyi ri sron wan wawuu. 52 Yeso ka gbron rimi to kyawa, nga senkpa ran fe zon ri Izhi nga wanji.