1 Yesus Kristus tae kolano Daute ni duri i fare Apa Abraham. Tane I hma re bbu tantuba ngahnyorina:

2 Abrahame ntu Ishak, Ishake ntu Yakub, Yakube ntu Yehuda fare Yehuda teno re rama ta nesana.

3 Yehuda ntu Peres fare Zerah, mali ni ngolota i Tamar. Perese ntu Hezron, Hezrone ntu Ram,

4 Rame ntu Aminadab, Aminadabe ntu Nahason, Nahasone ntu Salmon,

5 Salmone ntu Boas mali ni ngolota Rahab, Boase ntu Obet mali ni ngolota Rut, Obete ntu Isai,

6 Isaie ntu Daut, Daut cia ta ndadi smat Israelna riri kolano i. Daute ntu Salomo mali ni ngolota Batsyeba. Batsyeba cia Uria ni ngolo i ta ntubana.

7 Salomone ntu Rehabeam,

Rehabeame ntu Abia,

Abia ntu Asa,

8 Asa ntu Yosafat,

Yosafate ntu Yoram,

Yorame ntu Uzia,

9 Uzia ntu Yotam,

Yotame ntu Ahas

Ahase ntu Hizkia,

10 Hizkia ntu Manasye,

Manasye ntu Amon,

Amone ntu Yosia,

11 taga Yosia ntu Yekhonya fare wawai ta nesana oras ta smat Israel rtopa si mali Babel fare rfakangela si puli tina.

12 Fare, oras ta smat Israel ta rtopa si mali Babelna duwe,

Yekhonya ntu Sealtiel,

Sealtiele ntu Zerubabel,

13 Zerubabele ntu Abihud,

Abihude ntu, Elyakim,

Elyakime ntu Azor,

14 Azore ntu Zadok,

Zadoke ntu Akhim,

Akhime ntu Eliud,

15 Eliude ntu Eleazar,

Eleazare ntu Matan,

matane ntu Yakub,

16 taga Yakube ntu Yusuf.

Yusuf tae ta nfasawa Maria,

taga Maria tae ta ndadikna Yesus.

Yesus tae to ta smatna biasa dololaw I Kristus, Kristus ningalena, Kolano ta Jou Lahatalla njaji bo nfasalamate smatca.

17 Gabe mulain mali Abraham denabe kolano Daut, en ni durina yafasa re sifat. Taga mali kolano Daut denabe oras ta smat Israelna rtopa si fare rfakangela si mali Babelna, en ni durina yafasa re sifat hawe. Taga smat Israelna rtub mali Babelna denabe oras Yesuse ntubna, en ni durina yafasa re sifat.

18 Yesus Kristuse ntub ni caritana laitane: Maria Yesuse hnye, nfajaji re Yusuf bo rfasaw. Maria tae nto man paube, garayanna i reni badan. Maria reni badan ningalena Jou ni Rohca. 19 Yusuf tae smat ta ntubna molang mali Jou Lahatalla nbona. Oras ta i nto Maria reni badan, mali wlona bo nfateam Maria fare smatna mati rtona. Ningalena i nailow pa bo Maria nduk maimai mali smat laloca nbona.

20 Ga oras ta Yusufe nfik-fikir sube i ni rencana tina, Jou Lahatalla ni malaekat isa nlafo ga nua i, "Yusuf, kolano Daute ntu re bbu ta Aw. Mati mamcaitna myal Maria ndadi nim ngolo i, ningalena wai ta i mali hnyao lolo cia i mali Jou ni Rohca mali. 21 Maria ntuca bo ntub waica mani. Ga aw nane mfanganyo wai cia Yesus, ningalena I cia ta bo nfasalamate ni smatna mali riri dosana."

22 Farumi tina Jou Lahatalla nua I ni nabina ntuba to, ga oras tae farumi tina ndadi to. Ta Jou Lahatalla nu ntuba to tina laitane, 23 "Osta en males isa ta nto man paube, bo re ni badan. I ntu isa bo ntub Wai cia man i, ga smatna bo dololaw wai cia, Imanuel," (Imanuel tina mauting Ibrani, ta ningale, Jou Lahatalla nfarerer re it).

24 Gabe Yusufe namtuli npaling, i npei e ndumi ta Jou Lahatalla ni malaekatca nua i na. I nyal Maria ndadi i ni ngolo i. 25 Yusufe denabe waica ntub i namtuli re Maria pa. Yusufe nfangahnyo I, Yesus.