Mateus 17

Yesuse nfaungo setan mali wai man isa

14 Oras ta Yesus i re ni murit sitol tasa rlolai mali gagaw ta ni smatna lal cia, en smat isa ndahle Yesus, taga nlu nap Yesuse nbona. 15 Smat cia nua Yesus, "Apa, mgali ntukca su lae! I ntokobo gabe nkangelana gaole. Gabe laisa neta i, i jaga nmarapawil mali yapna penepa mali wayana. 16 Ya ikuti lali Apa nim muritna to, ga si dafena pa bo rfamafia ina."

17 Rlonga laina, Yesuse nu, "Gampang pa mew smat ta oras taena. Fdela pa fare fdelo lalingna ncal! Opfis hawe Ya nane iteteam farerer re mewna? Fare opfis hawe Ya nane itotomane mewna? Futi mali to wai cia!"

18 Oras ta si dut wai cia lali Yesus i, Yesuse nparenta liona nu to mamagal lali setanca bo ncapang mali wai cia. Ga oras setan cia ncapang, wai cia tina to nmafia.