Matius 4

Yesuse nololaw ni murit ta ntubana

18 Bahnga laitane, Yesuse nfan ndel mali talaga Galilea lapo, gabe I nem smat silu rfatenow. Isa ngahnyo Simon ta smatna jaga dololaw i Petrus, fare isaca ngahnyo Andreas. Smat silu tasine rfalabang iyan mali talagaca, ningalena si riri karajanna diyawa be iyan. 19 Yesuse nololaw si, "Mali, bo fderera Ya! Mew biasa fiyawa iyan, ga Ya bo ifafcule mew fiyawa smate bo rderera Ya." 20 Rlonga tina, smat silu tasa rfateame riri labangna taga rderera Yesus.

21 Fola tina, Yesuse nfan hawe I nem smat silu rfatenow hawe. Ta isa ica ngahnyo Yakobus, isa haweca ngahnyo Yohanes. Smat silu tasa rfarerer re hmarica Zebedeus, rfapepeya riri labangna mali pelang tasa. Ga Yesuse nololaw si. 22 Fare tina to smat silu tasa rfateame riri pelang tasa fare hmarica, taga rderera Yesus.