Mateus 8

AYeso te banet irɔk itseng bafaa kyang

28 Ni izen fɛ́ a tsɛ a ta ni nyi ku ya kufi mben bafɛ́ aGadarin*8:28 mben bafɛ́ aGadarin: Afumung akak fɛ́ ba kin jɛk ni kubɔk na shon e bɛ̀ mben bafɛ́ aGerasa ke <<mben bafɛ́ aGergesena>> ayɛt na., bafi kurɔk itsɛ́ng bafaa ne na arɛk bá, sak inyim nɛ aYeso. Nek kuren fɛ́ ba ras, vit anet fɛ́ a kyem a got irèn e yɔng. 29 Ba ta ntɔ yɛ, <<Arim Adakunom, akyɛ fi ngɔn tsɛt ni iyit ɛ? Ngɔn shim i bi i ki zoot yit ni izen yit resek dang nye yɛ?>>

30 Kukpara áza kuratek kin se ni iya kuyak sak ashon ba gyet. 31 Itsɛ́ng e tsot akabɔk na aYeso yɛ, <<Ki i da ki tun yit, ki won yit nin nɔ yit ayɛt áza na.>>

32 Wat iwu fɛ̀ ni ide, <<Tsɛng yin!>> Nek anɔng, i wuruk, i tsi i nɔ ayɛt áza me, kukpara áza me ngma kusum, wat ku di berem ni kuren sak ni ice ibanang, a kpas ayɛt ashi, a kus. 33 Banek áza me, ta itsi, sak ayɛt iwɔp, ba tsɛ ba taas banet ngma ikyɛng fi ite, ni ikyɛng fi ite na bafi kurɔk itseng e. 34 Banet iwɔp ngma kusum wuruk, ba tsɛ ba sɛ aYeso. Ni izen fɛ́ ba tsɛ ba ku sɛ, ba tsot akabɔk fok yɛ na ka ba won mben bá.