Yesu kanguwalonga Walangusa wa Malajizo na Mafalisayo
1 Hamba Yesu kawalonjela wanhu wamemile hamwe na walanguswa wa heye, Nakalonga. 2 Nakawalonjela, Walangusa wa malajizo ga Musa na Mafalisayo wana ludali lwa kutang’hula malajizo. 3 Lelo mibatilile na kudita choneche chowowalonjelani. Ila mleche kuwinza chowodita, mina hawalingudita gala gowalingudamla kwa wanhu. 4 Wawohaga mhomholo ziwele na itunyo ikulu na kuwapichiza wayawo mmayega, ila hewo wangulema kugolola ne chidole leka wapiche. 5 Hewo huditaga madito gawo leka woneche na wanhu. Mlole ukulu wa vibende vilingulajila Malajizo mchihanga na mmoko na mlole kugonzoka kwa lupembo lwa utabuli wa mikoti jawo. 6 Huganaga kikala honhu hatanganiche kuli mnvina na vigoda vitanganiche kuli ng’handa za kusalila. 7 Waganaga kulamsigwa kwa kutogoligwa kuli masoko na wogana kuchemigwa na wanhu, "Mlangusa."