Malanguzo galinguwala kuwatanza wazunwa
1 "Milolele, mleche kudita madito ganojile hali wanhu leka wanhu wawone hemwe, kwa vila wone modita ahyo, mhaza wa hemwe yawele kilanga howapa hemwe chonolo.
2 "Lelo lomuwatanza wanzunwa, mleche kitogola hali wanhu kota wadesi vyowalingudita kuli masunagogi na mnzila leka wanhu wawatogole. Ndikomya, ndanguwalonjela kota hewo nawabochela chonolo cha hewo. 3 Ila lomuwatanza wanzunwa, mdite ahyo kwa uviso leka munhu yoneche yaleche kuvizela. 4 Mlavye utanzi wa hemwe kwa uviso, mhaza wa hemwe yalingugona ago, kowapa hemwe chonolo.
Malanguso galinguwala kulanda
(Lukasi 11:2-4)
5 "Lomlanda, mleche kudita kota wahadi, kwa vila hewo wanguganaga kwima na kulanda kuli masunagogi na hafungo mwa nzila leka woneche na wanhu. Ndikomya, ndangulonga kota hewo nawabochela chonolo cha hewo. 6 Ila homlanda, chila yumwe yenjile kuli chihengo na yahinde lwizi, hamba yamlande Mhaza yawele halingoneka. Naye Mhaza wa hemwe, yalingugona ago, kowapa hemwe chonolo.
Malanguso ga kwesela kulya
16 "Homukwesela kulya, mleche kudita kota wadesi, hewo wangukwisukaga kumeho leka kuwalajila wanji kota nawesela kulya. Ndanguwalonjela ndikomya, kota hewo, nawabochela chonolo cha hewo. 17 Ila hegwe wone wesele kulya, uhovuje kumeho na ubakalize mafuta kumutwi kwa hegwe, 18 leka wanhu waleche kuvizela kota kwesela kulya, ila uzeleche hela na Mhaza wa hegwe halingoneka. Na heye Mhaza wa hegwe yalingona gavisigwe, kokutogola.
Ng’hano kilanga
(Lukasi 12:33-34)