29 Jesus auntwuad un säd: Ekj saj junt woarhauftich: Doa es nich eena, dee doa veloten haft Hus ooda Breeda ooda Sestren ooda Voda ooda Mutta ooda Fru ooda Kjinja ooda Akasch, om mient-haulwen un om daut Evangelium, 30 dee nich hundat mol soo väl kjricht, hia en dise Tiet, Hiesa un Breeda un Sestren un Mitta un Kjinja un Akasch, met Vefoljungen, un en de tookjinftje Welt daut eewje Läwen.