12 Nkayomu kede ku bila lepi de yi solota a nkyaku ba, sobon de kede ku biya memeri ni nki ku. 13 Kede ku munka ganga nki ku de ku yi lepi, de e ma kankye keikei ANKI ni yi mungu mbo, sede ku munka nkiku ba Mirikisi, kankye worede su mani leyi; se ku munka nkiku de kuma kankye keikei ANKI gangasi. 14 Sobon yomu kede lepi e yi solota a kiya ku ba, sobon kuma yi zunwa a siki doka naba, sede kuma a siki aniyeri Mirikisi la.

15 Mina mua yi? Mu sigeba nlepi sobon doka man sori akyamu bo, sede aniyeri Mirikisi? E ma yomuna ba! 16 Ku shina bo nde ku munka nkyaku de kuma bunwa ni nseda, kuma bunwa ni nsude kuma beyi girima naka, ko kwa ma bunwa ni lepi, de yaa keyi ku te muntu, ko kwa beyi girima te nja Mirikisi, de kuma bunwa ni gangasi. 17 Sede mu gbede Mirikisi! kode nkye a kwanki a beyi kuma bunwa ni lepi, ku biya gaskye ni kokoyi ndishiya daa de ku zi. 18 Su sila nku bila lepi, ku zo ma bunwa de ku yi mbode Mirikisi yaa bila.