Daani'eelikaa Raaga 9

24 «Xaqaro gatiso’aa, cubbo gabalo’aa, balleessa faaci’o’aa, duuchchi woddixxa qullumma iyyedago’a, waleellatanna raaga maxxanso’anna hara woyyitte bakkanna hariiro’a atike ardixxeenna atike woyyichcha qachchixxee torbaane tomme torba lalabende’een.

25 «Tennexxe egendattoxxinna qalbeeffatattoxxi yaane; Iyyerusaalemi haarensendo’anna qamachchendo’a lallabi fulaaxxe yannanaa’n iikki Hariiremeek galchalli dagaa qico’n torbaane tomme torbanna jiyaane tommenna lame torba saxxaan; Iyyerusaaleminna ifike oruwwininna ifike dalla’uwwininni qammachchenda; kaddo malee’e tinni kaddaak rakkotixxe yanna giddoni. 26 Eettene jaane tommenna lame torba uduma iikk Hariiremeek shiyemaan; isi’a gataachchi mittichchinna hedhebaan*9:26 Yookaan shiyemaan; qofinni gataan yookaan shiyemaan; isi’a gataachchi mittichchi hedhebaan.. Ookkone dagaake galchallik ardinna dageexxi Iyyerusaalemika qachchanna ookkone woyyichcha galma diigaani; tenne yaannexxi muuxenshanna lola’iinsha daggaani; muuxamii qico’ninna bagedi kadaan; ba’netinna lallabende’een. 27 Iikki sooreessinna mitte torba heddi manninni jabaxxa kako aagaani; eettene torbake gimisa’n shiqammaka tolchanna uwwa gatisaani; lallabendeexxi murte iso’n muuxendaa qico’ni ba’ne iyyedagaaxxa battitte yaane, ookkone woyyichchi galmi giddo*9:27 Yookaanisi hana uurrisaani*9:27 Yookaanookkone diigemeeke qachcha’n iitti lallabendeemmaxxi murte dangalaata qico’ninna iitti lallabendeemmaxxi ba’ne diqachchiisaake qachchi hana daggaan. .»✝9:27 Dan. 11:31; 12:11; Mat. 24:15; Mar. 13:14.