1 Isira'eeli ardi gosa gosatike mininni qoqqodendeexxi Muusexxenna Aaroonixxe akeettenni Gibtsee'ni fuliddeexxi me'ate'ni he'ne kaanbe asse'ne abixxineemmak boonchuwwi konnechchinni butti'a hedheeken: 2 Muusenna me'aten he'nemma wodda kaanbe asse'ne abixxineemmaka boonchuwwa Duuchchi Woddike Goottike ajajinni borreesse. Booncho booncho'ni kaanbe abixxina'ni me'inaaxi me'a.

3 Isira'eeli siretike agenjixxe tommenna ondixxe barra'ni sa'atike ayyaanixxa langaxxa gorisa Raamiseke qachchanaa'ni kexxe fulde. Gibtseki ardi duuchchi insa'nee uuda'naani mitte godoba me'ine. 4 Eettenee yanna Gibtseki manni Duuchchi Woddiki Gootti balati shiyyemmaka ifi fika angafa angafa mooqqa'nemman; Duuchchi Woddki Goottinna Gibtseke magenuwwa'ni mure'emman.

5 Isira'eeli Raamisee'ni kexxe me'iteexxi Sukooti kaanbe oltite.

6 Sukooti'ni ke'neexxi qiilla gammoojjeke kasaa'ni, Eetaami'n kaanbe oltite. 7 Eetaaminaa'ninna ke'neexxi Ba'aalitseefonii'ni boroti darre'ni, Fihirooti'a hingeexxi Migidooli edi darre kaanbe oltine. 8 Fihaarooti'ni ke'neexxi abbaayya giddii'n sa'neexxi qiila gammoojjeba'a me'ine; ookkoo'ninna sa'neexxi Eetaamixxe qiila gammoojje giddo sase barraka ora me'ineexxi Maara kaanbe oltine. 9 Maara'ni ke'neexxi tommenna lame wodiinxi mumuwwanna torbaane tomme meexetiki haqichchuwwi hedheeba, Eelimi dangeexxi ookko kaanbe oltine. 10 Eelimii'ni ke'neexxi Eritiriinxe Abbaayya bira kaanbe oltine. 11 Eritiriinxe Abbayyabaa'ni ke'neexxi Siinixxe qiila gammoojje giddo kaanbe oltine. 12 Siinixxe qiila gammoojjenaa'ni ke'neexxi Duufiqa kaanbe oltine. 13 Duufiqa'ni ke'neexxi Eluushi kaanbe oltine. 14 Eluushii'ni ke'neexxi Raafidiimi kaanbe oltine. Ookkonna ardi ha'waaki woddi'i hedhemmabaan. 15 Raafidiimii'ni ke'neexxi Siinixxe qiila gammoojje giddo kaanbe oltine. 16 Siinixxe qiila gammoojjenaa'ni ke'neexxi Qibirooti Hati'awo kaanbe oltine. 17 Qibirooti Hati'awo'n ke'neexxi Hatserooti kaanbe oltine. 18 Hatserootii'ni ke'neexxi Ritima kaanbe oltine. 19 Ritimii'ni ke'neexxi Remooni Zefaareesi kaanbe oltine. 20 Remooni Zefaaresii'ni ke'neexxi Libina kaanbe oltine. 21 Libinii'ni ke'neexxi Rissa kaanbe oltine. 22 Rissaa'ni ke'neexxi Qehelaata kanbe oltine. 23 Qehelaatii'ni ke'neexxi Shaafeerixxe kooba'ni kaanbe oltine. 24 Shaafeerixxe koobanaa'ni ke'neexxi Haraada kaanbe oltine. 25 Haraadi'ni ke'neexxi Meqihelloti kaanbe oltine. 26 Meqihellotii'ni ke'neexxi Tahaati kaanbe oltine. 27 Tahaatii'ni ke'neexxi Taara kaanbe oltine. 28 Taaraa'ni ke'neexxi Mitiiqa kaanbe oltine. 29 Mitiiqa'a ke'neexi Hashemoona kaanbe oltine. 30 Hashemoonii'ni ke'neexxi Mooserooti kanbe oltine. 31 Mooserootii'ni ke'neexxi Beeneya'iqaani kaanbe oltine. 32 Beeneya'iqaanii'ni ke'neexxi Horihagidigaadi kanbe oltine. 33 Horihagidigaadii'ni ke'neexxi Yooxxibaata kanbe oltine. 34 Yooxxibaatii'ni ke'neexxi Abiroona kanbe oltine. 35 Abiroonii'ni ke'neexxi Etsiyooni Gabiri kanbe oltine. 36 Etsiyooni Gabirii'ni ke'neexxi Tsiinxe qiilla gammoojje giddo hexxexxe Qaadesi'ni kanbe oltine. 37 Qaadesii'ni ke'neexxi Eedoomike kasa'n hexxeexxe Horexxe kooba'ni kanbe oltine.

38 Qeesichchi Aarooni Duuchchi Woddike Goottike ajajinni Horexxe kooba hana fule; ookoonna Isira'eeli Gibtse'ni fuldeechchi uduma shoole tomme woggake ondike agenjixxe taakkaxxe barra'ni reye.✝ 39 Aarooni Horexxe kooba hana reyee wodda wogga isixxi dhibbanna lame tommenna sasetemman.

40 Negeebixxe Kenaani'ni hedha'neek Kenaanichchi Araadik moyanji Isira'eeli daga'neexxa laqe.✝

41 Insa'nenna Horexxe koobanaa'ni ke'neexxi Selimona kaanbe oltine. 42 Selimoonii'ni ke'neexxi Faanooni kaanbe oltine. 43 Faanoonii'ni ke'neexxi Obootim kaanbe oltine. 44 Obootiimi'ni ke'neexxi Mo'aabike kasa'n hexxeexxe Iyye'abarimi kanbe oltine. 45 Iyye'abariimii'ni ke'neexxi Diboongadi kaanbe oltine. 46 Diboongadii'ni ke'neexxi Alimondi Bilatayimi kaanbe oltine. 47 Alimondi Bilatayimii'ni ke'neexxi Naabawwu bira hexxeexxe Abiriimixxe koobuwwa'n hana kaanbe oltine. 48 Abiriimixxe koobuwanaa'n ke'neexxi Iyyaariko wido Yordaanoosike galaani bira hedheeke Mo'aabike diida'ni kaanbe oltine. 49 Ookko Yordaanoosike galaani bira Mo'aabike diida'ni Beetiyeshimootii'ni Abeeli Shuutimi qico'n hedheeke booncho'n kaanbe oltine.

50 Iyyaariko wido Yordaanoosike galaani bira hedheeke Mo'aabike diida'ni Duuchchi Woddiki Gootti Muusse'e hiyyyee qic: 51 «Isira'eelike arda'n: ‹Kenaanike bogiba'a e'yitino'a Yordaanoosi fooffina wodda, 52 Ookkone boga'n hedheeka manna duuchcha shorritine fulche; bocende giissendeemmaxxa isa'neexxa misiluwwanna baqiseme giissememmaka insa'neka magenuwwa duuchcha balleesse; iittani gooruwa hana giissendeemmaxxa insa'neeka magenoonfachchotixxa bakkuwwa duuchcha findigge. 53 Ookkonee boga qadaada ha'nooke kado'a ha'no'a uwweennaxxee dhaaldine giddo hedhdhe. 54 Bogakanna hixxik ha'nooke gosa gosatike mini mine'n qoqqoodemme. Heddo laakkossike gosatike mini'a ba'laka, heenoke laakkossikee kinni shiixxoka boga uwwe. Kaddeexxenna kaddoole hixxi mittemittengee ibeek bogi hixxi ibemmashshanni isike kadaan; bogiink qooddinna ha'nooke annuwwixxe gosatike mini minuwwa'nte kadowwaal.

55 « ‹Ookkone boga'ni hedha'neeka manna duuchcha fulchitina gophphinee'na'a gatoole kinni gatissinemmaki iiki manni hano'a illetixxe hincinnenna cinaachchiinxe utetishsha kadaani; hexxinaake boga'ninna ha'no'n rakko illaan. 56 Aninna insa'ne'ni assona'a hedennexxa ha'no'ni assannon.› »