1 Muuse Taabotiinke galdumiimika duunkaana ochcho bireechchi uduma duunikaanakanna isika mi'uwwa duuchcha hariireexxi woyyoonse. Iittanni tolchimalchokanna isika miuwwa duuchcha hariireexxi woyyoonse. 2 Ookkoneechchi uduma gosatike mini minike akeekisanjuwwa kadeexxi laakko'ememmakee umoke kadeeki Isira'eelik akeekisanjuwwi ifi ifike mini hadik akeekisanjuwwi ifi ifixxa uwwa shiqishe. 3 Insa'ne uwwa ifi ifixxa Duuchchi Woddike Gootti edo shiqinshe; tinninna jaane buqendeexxa jibooti hariksaaxxa garuwwanna tommenna lame jiboota, iitta hiyya mitti mitti akeeksanji mitte mitte jibichcha, iittanni lami lami akeekisanjuwwi mitte mitte jiboti harkisaaka sarageella Duuchchi Woddike Gootti edo shiqinshe. 4 Duuchchi Woddik Gootti Muuse'e, 5 «Afenshatike duunkaanixxe ergatensha'n hosso'a konnee mi'a insa'nenaa'n aaxxetexxi ergatenshatixxe huje'a hanseexxe qixxe'n mitte mitte Leewwito'n uwwi.» 6 Tennexxee Muuse eettenee jibotinxa gaaruwwanna joboota aadheexxi Leewwitote'n uwwe. 7 Gershoonitotee insa'neexxe ergatensha'a hasiseexxe qexxe'n lame jobootiinxa gaaruwwanna shoole jiboota uwwe. 8 Meraaritotee insa'neexxe ergatensha'a hasisseexxe qixxe'n shoole jibootiinxa gaaruwwanna saddeeta jiboota uwwe. Insa'ne duuchchiing ergatema'emmaki Aarooni qeesichchinka belto Itamaarixxe akeette hundamman. 9 Yaane kinni Qe'aatito uuddaaxxi ergatensha woyyichcha mi'a dukate kaddemmaxxee Muuse insa'ne'a jibootiinka serageelluwwanna kaddo'o jibootanna uwwebaan.

10 Akeekisanjuwwi tolchimalchi hariiremeeke ayyaanixxe eebba'a kaddeexxa barra uwwa iyyedange tolchimalchi edo shiqinshe. 11 Duuchchi Woddik Gootti Muuse, «Sooreessuwwi tolchimalchi hariiremeeke ayyaanixxe eebba'a barra barra'inni mitti mitti uwwa ifixxa iyyedagowwaal» hiyye.

12 Siretixxe bara'n ifixxa uwwa shiqiseek Yihudake gosati mininaa'n Aminaadaabike belto Ne'asoonite, 13 isixxi uwwa midhatike tolchia'a zayiteti qushendeexxa shaqaxxa wo'ma wo'ma qore bulle, mitte biretike sibljixxi qore woyyitte bakkaxxe mikexxe aadashsha mittekanna gamisa killo ha'urtaaxxa, langaxxi biretike sibiljixxi hubbuqqitte qore saddeeta dhibba giraama ha'urtaaxxa, 14 dhibbanna tomme giraama ha'urtaaxxa worqeti giissemee mooqqo wo'ma hixaana; 15 cincatike tolchi'a mitte jibichcha, mitte gedhebiinka korbeessanna, mitte woggaka gedhebiinka buruusa; 16 cubbotike tolchi'a mitte labbaka recco; 17 iittanni mittummatike tolchi'a lame qotile, onde gedhebiinxa korbeeyye, onde re'etixxa korbeeyyenna mitte mitte woggaka onde gedhebiinka buruussuwwamman. Yoona Aminaadaabik belti Ne'asooni shiqisheemmaxxi uwwa tennetemman.

18 Langaxxe barra'n Yisaakoorik akeekisanji Tsi'aarik belti Naatina'eeli ifixxa uwwa iyyedage. 19 Isixxi uwwa midhatike tolchia'a zayiteti qushshendeexxa shaqqaxxa wo'ma wo'ma qore bulle, mitte birretike sibljixxi qore woyyitte bakkaxxe mikexxe aadashsha mittekanna gamisa killo ha'urtaaxxa, langaxxi birretike sibiljixxi hubbuqqitte qore saddeeta dhibba giraama ha'urtaaxxa, 20 dhibbanna tomme giraama ha'urtaaxa worqeti giisseexxi mooqqo wo'ma hixaana; 21 ciincatike tolchi'a mitte jibichcha, mitte gedhebiinka korbeesanna, mitte woggaka gedhebiinka buruusa; 22 cubbotike tolchi'a mitte labbaka recco; 23 iittanni mittummatike tolchi'a lame qotile, onde gedhebiinxa korbeeyye, onde re'etixxa korbeeyyenna mitte mitte woggaka onde gedhebiinka buruusuwwamman. Yoona Tsi'aarik belti Naatina'eeli shiqisheexxi uwwa tennetemman.

24 Sakkaxxe barra'n madadanga shiqisheek Zabilonik gosak ardinaa'ni Helonike labbake belto Eli'aabitemman. 25 Isixxi uwwa midhatike tolchia'a zayiteti qushendeexxa shaqqaxxa wo'ma wo'ma qore bulle, mitte birretike sibljixxi qore woyyitte bakkaxxe mikexxe aadashsha mittekanna gamisa killo ha'urtaaxxa, langaxxi birretike sibiljixxi hubbuqqitte qore saddeeta dhibba giraama ha'urtaaxxa, 26 dhibbanna tomme giraama ha'urtaaxxa worqet giisendeexxa mooqqo wo'ma hixaana; 27 ciincatike tolchi'a mitte jibichcha, mitte gedhebiinka korbeessanna, mitte woggaka gedhebiinka buruusa; 28 cubbotike tolchi'a mitte labbaka recco; 29 iittanni mittummatike tolchia'a lame qotile, onde gedhebiinxa korbeeyye, onde re'etixxa korbeeyyenna mitte mitte woggaka onde gedhebiinka buruusuwwamman. Yoona Helonik belti Eli'aaabi shiqisheexxi uwwa tennetemman.

30 Sholgaxxe barra'n Roobelike ardik akeekisanji Sediyoorik belti Elitsuuri ifixxa uwwa iyyedage. 31 Isixxi uwwa midhatike tolchia'a zayiteti qushshendeexxa shaqqaxxa wo'ma wo'ma qore bulle, mitte birretike sibljixxi qore woyyitte bakkaxxe mikexxe aadashsha mittekanna gamisa killo ha'urtaaxxa, langaxxi birretike sibiljixxi hubbuqqitte qore saddeeta dhibba giraama ha'urtaaxxa, 32 dhibbanna tomme giraama ha'urtaaxxa worqeti giisendeexxa mooqqo wo'ma hixaana; 33 ciincatike tolchi'a mitte jibichcha, mitte gedhebiinka korbeesanna, mitte woggaka gedhebiinka buruusa; 34 cubbotike tolchi'a mitte labbaka recco; 35 iittanni mittummatike tolchi'a lame qotile, onde gedhebiinxa korbeeyye, onde re'etixxa korbeeyyenna mitte mitte woggaka onde gedhebiinka buruusuwwaman. Yoona Sediyoorik belti Elitsuuri shiqisheexxi uwwa tennetemman.

36 Ondixxe barra'n Simoonike ardik akeekisanji Suurisedayik belti Selemi'eeli ifixxa uwwa iyyedage. 37 Isixxi uwwa midhatike tolchia'a zayiteti qushendeexxa shaqqaxxa wo'ma wo'ma qore bulle, mitte birretike sibljixxi qore woyyitte bakkaxxe mikexxe aadashsha mittekanna gamisa kiilo ha'urtaaxxa, langaxxi birretike sibiljixxi hubbuqqitte qore saddeeta dhibba giraama ha'urtaaxxa, 38 dhibbanna tomme giraama ha'urtaaxxa worqeti giissendeexxa mooqo wo'ma hixaana; 39 ciincatike tolchi'a mitte jibichcha, mitte gedhebiinka korbeesanna, mitte woggaka gedhebiinka buruusa; 40 cubbotike tolchi'a mitte labbaka recco; 41 iittanni mittumatike tolchi'a lame qotile, onde gedhebiinxa korbeeyye, onde re'etixxa korbeeyyenna mitte mitte woggaka onde gedhebiinka buruusuwwamman. Yoona Suurisedayik belti Selemi'eeli shiqisheexxi uwwa tennetemman.

42 Jiyeessoxxe barra'n Gaadike ardik akeekisanji Raagu'elik belti Elisaafi ifixxa uwwa iyyedage. 43 Isixxi uwwa midhatike tolchia'a zayiteti qushshendeexxa shaqqaxxa wo'ma wo'ma qore bulle, mitte birretike sibljixxi qore woyyitte bakkaxxe mikexxe aadashsha mittekanna gamisa kiilo ha'urtaaxxa, langaxxi birretike sibiljixxi hubbuqqitte qore saddeeta dhibba giraama ha'urtaaxxa, 44 dhibbanna tomme giraama ha'urtaaxxa worqeti giisendeexxa mooqqo wo'ma hixaana; 45 ciincatike tolchi'a mitte jibichcha, mitte gedhebiinka korbeesanna, mitte woggaka gedhebiinka buruusa; 46 cubbotike tolchi'a mitte labbaka recco; 47 iittanni mittummatike tolchi'a lame qotile, onde gedhebiinxa korbeeyye, onde re'etixxa korbeeyyenna mitte mitte woggaka onde gedhebiinka buruusuwwamman. Yoona Raagu'elik belti Elisaafi shiqisheexxi uwwa tennetemman.

48 Torbeesoxxe barra'n Efireemike ardik akeekisanji Amihuudik belti Elishaama'i ifixxa uwwa iyyedage. 49 Isixxi uwwa midhatike tolchia'a zayiteti qushshendeexxa shaqqaxxa wo'ma wo'ma qore bulle, mitte birretike sibljixxi qore woyyitte bakkaxxe mikexxe aadashsha mittekanna gamisa kiilo ha'urtaaxxa, langaxxi birretike sibiljixxi hubbuqqitte qore saddeeta dhibba giraama ha'urtaaxxa, 50 dhibbanna tomme giraama ha'urtaaxxa worqeti giisendeexxa mooqqo wo'ma hixaana; 51 ciincatike tolchi'a mitte jibichcha, mitte gedhebiinka korbeessanna, mitte woggaka gedhebiinka buruusa; 52 cubbotike tolchi'a mitte labbaka recco; 53 iittanni mittummatike tolchi'a lame qotile, onde gedhebiinxa korbeeyye, onde re'etixxa korbeeyyenna mitte mitte woggaka onde gedhebiinka buruusuwwamman. Yoona Amihuudik belti Elishaama shiqisheexxi uwwa tennetemman.

54 Saddeeteessoxxe barra'n Minaaseke ardik akeekisanji Fidesuurik belti Gema'li'eeli ifixxa uwwa iyyedage. 55 Isixxi uwwa midhatike tolchia'a zayiteti qushshendeexxa shaqqaxxa wo'ma wo'ma qore bulle, mitte birretike sibljixxi qore woyyitte bakkaxxe mikexxe aadashsha mittekanna gamisa kiilo ha'urtaaxxa, langaxxi birretike sibiljixxi hubbuqqitte qore saddeeta dhibba giraama ha'urtaaxxa, 56 dhibbanna tomme giraama ha'urtaaxxa worqeti giisendeexxa mooqqo wo'ma hixaana; 57 ciincatike tolchi'a mitte jibichcha, mitte gedhebiinka korbeessanna, mitte woggaka gedhebiinka buruusa; 58 cubbotike tolchi'a mitte labbaka recco; 59 iittanni mittummatike tolchi'a lame qotile, onde gedhebiinxa korbeeyye, onde re'etixxa korbeeyyenna mitte mitte woggaka onde gedhebiinka buruusuwwamman. Yoona Fidesuurk belti Gema'li'eeli shiqisheexxi uwwa tennetemman.

60 Salleessoxxe barra'n Biiniyaamike ardik akeekisanji Geedeyoonik belti Abidaani ifixxa uwwa iyyedage. 61 Isixxi uwwa midhatike tolchia'a zayiteti qushshendeexxa shaqqaxxa wo'ma wo'ma qore bulle, mitte birretike sibljixxi qore woyyitte bakkaxxe mikexxe aadashsha mittekanna gamisa kiolo ha'urtaaxxa, langaxxi birretike sibiljixxi hubbuqqitte qore saddeeta dhibba giraama ha'urtaaxxa, 62 dhibbanna tomme giraama ha'urtaaxxa worqeti giisendeexxa mooqqo wo'ma hixaana; 63 ciincatike tolchi'a mitte jibichcha, mitte gedhebiinka korbeessanna, mitte woggaka gedhebiinka buruusa; 64 cubbotike tolchi'a mitte labbaka recco; 65 iittanni mittummatike tolchi'a lame qotile, onde gedhebiinxa korbeeyye, onde re'etixxa korbeeyyenna mitte mitte woggaka onde gedhebiinka buruusuwwamman. Yoona Geedeyoonik belti Abidaani shiqisheexxi uwwa tennetemman.

66 Tommeessoxxe barra'n Daanike ardik akeekisanji Amisadayik belti Ahi'eezer ifixxa uwwa iyyedage. 67 Isixxi uwwa midhatike tolchia'a zayiteti qushshendeexxa shaqqaxxa wo'ma wo'ma qore bulle, mitte birretike sibljixxi qore woyyitte bakkaxxe mikexxe aadashsha mittekanna gamisa kiilo ha'urtaaxxa, langaxxi birretike sibiljixxi hubbuqqitte saddeeta dhibba giraama ha'urtaaxxa, 68 dhibbanna tomme giraama ha'urtaaxxa worqeti giissendeexxa mooqqo wo'ma hixaana; 69 ciincatike tolchi'a mitte jibichcha, mitte gedhebiinka korbeessanna, mitte woggaka gedhebiinka buruusa; 70 cubbotike tolchi'a mitte labbaka recco; 71 iittanni mittummatike tolchi'a lame qotile, onde gedhebiinxa korbeeyye, onde re'etixxa korbeeyyenna mitte mitte woggaka onde gedhebiinka buruusuwwaman. Yoona Amisadayik belti Ahi'eezer shiqisheexxi uwwa tennetemman.

72 Tommenna taakkeessoxxe barra'n Aseerike ardik akeekisanji Ekiraanik belti Faagi'eeli ifixxa uwwa iyyedage. 73 Isixxi uwwa midhatike tolchi'a zayiteti qushshendeexxa shaqqaxxa wo'ma wo'ma qore bulle, mitte birretike sibljixxi qore woyyitte bakkaxxe mikexxe aadashsha mittekanna gamisa kiilo ha'urtaaxxa, langaxxi birretike sibiljixxi hubbuqqitte qore saddeeta dhibba giraama ha'urtaaxxa, 74 dhibbanna tomme giraama ha'urtaaxxa woriqeti giissendeexxa mooqqo wo'ma hixaana; 75 ciincatike tolchi'a mitte jibichcha, mitte gedhebiinka korbeesanna, mitte woggaka gedhebiinka buruusa; 76 cubbotike tolchi'a mitte labbaka recco; 77 iittanni mittummatike tolchi'a lame qotile, onde gedhebiinxa korbeeyye, onde re'etixxa korbeeyyenna mitte mitte woggaka onde gedhebiinka buruusuwwamman. Yoona Ekiraanik belti Faagi'eeli shiqisheexxi uwwa tennetemman.

78 Tommenna langaxxe barra'n Nefitaalemike ardik akeekisanji Enaanik belti Ahiira'i ifixxa uwwa iyyedage; 79 isixxi uwwa midhatike tolchia'a zayiteti qushshendeexxa shaqqaxxa wo'ma wo'ma qore bulle, mitte birretike sibljixxi qore woyyitte bakkaxxe mikexxe aadashsha mittekanna gamisa kiilo ha'urtaaxxa, langaxxi birretike sibiljixxi hubbuqqitte qore saddeeta dhibba giraama ha'urtaaxxa, 80 dhibbanna tomme giraama ha'urtaaxxa worqeti giissendeexxa mooqqo wo'ma hixaana; 81 ciincatike tolchi'a mitte jibichcha, mitte gedhebiinka korbeesanna, mitte woggaka gedhebiinka buruusa; 82 cubbotike tolchi'a mitte labbaka recco; 83 iittanni mittummatike tolchi'a lame qotile, onde gedhebiinxa korbeeyye, onde re'etixxa korbeeyyenna mitte mitte woggaka onde gedhebiinka buruusuwwamman. Yoona Enaanik belti Ahiira'i shiqisheexxi uwwa tennetemman.

84 Tolchimalchi hariireemeexxa barra shiqisheexxi uwwa: tommea lame birreti sibiljinni hujendeexxa ba'laxxa qoruwwa, tommenna lame birreti sibljinni hujendeexxa hubbuqqitte qoruwwa, tommenna lame worqeti hujendeexxa hixaani uggemaaxxa mooqquwwa. 85 Mitte mittinde birret siblijinni hujendeexxi ba'laxxi qoruwwa mittena gamisa kiilo, mitte mittend birreti sibiljinni hujendeexxi hubbuqqitte qoruwwa saddeeta dhibba giraama, mitteba birreti sibiljinni hujendeexxi qoruwak ha'uri woyyitte bakkaxxe kiilo'n lame tommenna saddeeta kiilon. 86 Tommenna lame worqeti hujendeexxi hixxani uggemaaxxi mitte mittende mooqquwwak ha'urri woyyitte bakkaxxe kiilo'n dhibbanna tomme giraama kaddaa wodda duuchchiinxi mitteba mittenna gamisa kiilo qico'n. 87 Ciincatike tolchi'a ifi ifike midhatike tolchinni welti shiqeek hori mittenba tommenna lame jiboota, tommenna lame gedhebiinxa korbeeyye, mitte woggaxxa tomenna lame gedhebiinka buruusa; tomenna lame re'etixxa korbeeyye cubbotike tolchi'a shiqqe. 88 Mittoomiinke tolchi'a shiqeeke hork laakkosi lame tommenna shoole jiboota, jaane tomme gedhebiinxi korbeeyye, jaane tomme re'etixxi korbeeyya, mitte woggak jaane tomme gedhebiinka buruusa, tolchimalchi hariireeme woyyoomee uduma tolchakee shiqqeexxi uwwa tenneerateman.

89 Muuse Duuchchi Woddike Goottinn welti haaso'ate'e afenshatike duunkaan giddi'a e'yee wodda Duuchchi Woddik Gootti lame kurubeelixxe oddo'n kakotike Taabotik cubbo biratike tuphanji iimi darree'n iso'n haaso'aa'naa laqe. Isinne welti haaso'e.