Ermaasa Tinbite 45

Baarokes Yootettida Kiita

1 Iyosiyaasa naa Iyo7aaqemey Yuhudan kawotida oydanththo layththan, Neeriya naa Baarokey ha qaalata Ermaasi yootiin siyidi maxaafan xaafides. He wode Ermaasi izas yootida qaalay,✝45:1 2Kawo 24:1; 2Taari 36:5-7; Daane 1:1-2 2 «Baaroke! Nena GODAA Isra7eele Xoossay, 3 Neni, ‹GODAY ta sako bolla ceece gujjida gishshas taas aayye ana! Tani daro yeekkida gishshas daaburadis; shempoyka taas baawa› gadasa» gees.

4 GODAY, «Tani biitta bolla keexxidayssa laallana; ta tokkidayssaka shoddana. 5 Histtiin neni nees gita miish koyay? Asa nayta ubbaa bolla tani bash ehana gishshas ne hessa koyoppa; gido attiin neni bidaso ubbaan ta ne shemppo ashshana» gees.