Provérbios 4

Bu’aa Qarummaa Irraa Dhaggamu

1 Ilmaan tiyya, gorsa abbaa keessanii caqasa’a;

itti xiyyeeffadha’aatii,

hubantii dhaggadha’a.

2 Ani barsiisa kiyya dansaa isiniif kenna;

maarre isin barsiisa kiyya hin lakkisina’a.

3 Yennaa ani mana abbaa kiyyaatitti mucaa diqqa’aa,

haadha tiyyaaf ilma tokkochaa san,

4 abbaan kiyya na barsiisee,

«Jecha kiyya mara

gadhaa tokkochaan qabadhu;

hin leetaa,

ajaja kiyya eegadhu.

5 Qarummaa dhaggadhu;

hubantii qabaadhu;

jecha kiyya hin dedhin

yookiin irraa hin deebi’in.

6 Qarummaan gollaa sii teetii,

isii hin dedhin;

si eeddiitii,

isii jaaladhu.