10 yesuwε ykan yetseqre g iyjen nelmjameε as nessebθ, 11 weθkan telle temeTTuwθ ettemeryaHeθ seg θmenTac nesne, yeδwel exrumes δimqewwes eltgeddec eθbed. 12 max i tyezre yesuwε ynebat yennes: «etemeTTuwθ, cem tebriδ seg weTTenem!» 13 iHuT efuses f elles, tekker eθbed g elweqθes eθmejjeδ rebbi. 14 yeθγeccec emeqqar nelmejmeε εlexaTer yesuwε yeSSebrat g essebθ, yen yelli diyn: «γerwem sette eyyam yetmexδem δiysen, esδeθ tεeddem δiysen, muc g essebθ.» 15 yer felles seyyedne yesuwε: «eyikeδδaben! muc iyjen essiywem as nessebθ iged eyseyyeb efuneses ziyγ δeγyules seg elmeεlef yawi yesseswi. 16 w tahen ettemeTTuwθ seg idrari nibrahiym yeqqent ibliys θmenTac nesne, elykanc mumken eθemmiyr seg eqqenes g essebθ?» 17 max i yenne edwiye, eθHecmen elli etεeraDen δiys elkul, eferHen leεbaδ elkul s elεmayel tibehhayin elli ykan yθeg δiysen.