33 max i θiwDen ywemxan elli ellesmes eljumjmeθ eSlbent diyn nette δimujermendiyn lessen, iyjen f elymiyn wiyjen f elysar. 34 yen yesuwε: «sameHθen edda, ellessinenc δmette ittegen.» qerεen f uzuwni nedbeces. 35 bedden leεbaδ reqben, welHukkam eSSiyn felles ennen: «imenneε elγires, edj eymenneε imenes kan nette mbelHeq δelmesiyH nrebbi, elli yexθari!» 36 delεsaker zade eSSiyn felles unihnin ettesδen ettečnes g elxel, 37 weqqarnes: «kan δcex elmlek nuδayen, menneε imenex!» 38 weθkan δenyes elblakeθ yemmari felles s leHruwf f elyuwnaniyyeθ deruwmaniyyeθ delεibriyyeθ: «wahen δelmlek nuδayen.» 39 yebδe iyjen seg imujrmendiyn elli emmeSlben yetbehber felles: «muc δcex elmesiyH? menneε imenex eθmenneεδene!» 40 yemenni yenzer felles wissen: «Hette δcex ettekkiδc seg rebbi ucex δeθemεaqbeδ m nette? 41 nečin s elHeq εlexaTer niwi elli nettesθehali f elεmeylenne, emme eryaze elyegi Hette cey δelγaleĎ.» 42 yen: «yesuwε, esfekriyδ max eθewDeδ g elmemlexθex.» 43 yer felles yesuwε: «exenne elHeq: asse δeθebδiyδ iyδi g ejjenneθ.»