Provérbios 4

ജ്ഞാനത്തിന്‍റെ നേട്ടങ്ങൾ

1 മക്കളേ, അപ്പന്‍റെ പ്രബോധനം കേട്ടു

വിവേകം പ്രാപിക്കേണ്ടതിന് ശ്രദ്ധിക്കുവിൻ.

2 ഞാൻ നിങ്ങൾക്ക് സൽബുദ്ധി ഉപദേശിച്ചുതരുന്നു;

എന്‍റെ ഉപദേശം നിങ്ങൾ ഉപേക്ഷിക്കരുത്.

3 ഞാൻ എന്‍റെ അപ്പന് മകനും

എന്‍റെ അമ്മയ്ക്ക് ഓമനയും ഏകപുത്രനും ആയിരുന്നു;

4 അവൻ എന്നെ പഠിപ്പിച്ച്, എന്നോട് പറഞ്ഞത്:

"എന്‍റെ വചനങ്ങളെ ഹൃദയത്തിൽ സംഗ്രഹിച്ചുകൊള്ളുക;

എന്‍റെ കല്പനകളെ പ്രമാണിച്ച് ജീവിക്കുക.

5 ജ്ഞാനം സമ്പാദിക്കുക: വിവേകം നേടുക; മറക്കരുത്;

എന്‍റെ വചനങ്ങളെ വിട്ടുമാറുകയും അരുത്.

6 അതിനെ ഉപേക്ഷിക്കരുത്; അത് നിന്നെ കാക്കും;

അതിൽ പ്രിയം വെക്കുക; അത് നിന്നെ സൂക്ഷിക്കും;