6 ଏ ଆଡ଼ସା, ଆମନ୍‌ ମୁୟ୍‌ଡାନ୍‌ ଆମଙ୍‌ବା ଇୟା, ଆ କାବ୍ବାଡ଼ାନ୍‌ ଇଃୟମା ଆରି ଗିଆନନ୍‌ ଞାଙା । 7 ଆ ପନ୍‌ସୁଆତିମରନ୍‌ ଅଡ଼େ ଆ ସୋଡ଼ାମରନ୍‌ ଅଡ଼େ ଆ ପ୍ରବୁନ୍‌ ଆନ୍ନିଙ୍‌ ଅଃଡକୋଲୋ ବନ୍‌ଡ ଆନିନ୍‌ ଡାଗାଡାଇଙନ୍‌ ଆଜନୋମନ୍‌ ଆସନ୍‌ ତର୍ତୁମ୍‌ତେ, 8 ଆରି ଜନ୍‌ରୋମନ୍‌ ଆଡିଡ୍‌ ଜନୋମନ୍‌ ତର୍ତୁମ୍‌ତେ । 9 ଏ ଆଡ଼ସାମର୍‌, ଆମନ୍‌ ଡିଅଙ୍ଗା ଜାୟ୍‌ ଲୁଡ୍‌ଲେ ଡକୋତନ୍‌ ? ଆମନ୍‌ ଆଙ୍ଗା ମଡ଼େଲନ୍‌ ଡୋତନ୍‌ ? 10 "ଆରି ଅସୋୟ୍‌ ଲୁଡେନ୍‌ଡେନ୍‌, ଆରି ଅସୋୟ୍‌ ମବେଣ୍ଡେନ୍‌, ଆରି ଅସୋୟ୍‌ ଡିମଡ୍‌ନେନ୍‌ ଆସନ୍‌ ଞଙ୍‌ଲନ୍‌ଗିଡ୍‌ଲଣ୍ଡେନ୍‌ ।" 11 ଡୋଲେୟ୍‌ନମ୍‌ ବେମଡ୍‌ମରନ୍‌ ଅନ୍ତମ୍‌ ଡ ଅରିର୍ସୋୟମରଞ୍ଜି ଅନ୍ତମ୍‌ ଅଡ଼ୋତାୟ୍‌ ।