VAEFESO 1

Munamato WaPhauro

15 Nondava yakarei, nokuti ndidonzva zvokutenda kwenyu muna Ishe Jesu norudo renyu kuvatsvene vese, 16 ndinorekaba kutenda nondava yenyu, pandinokuyeukai muminamato yangu 17 kuti Mwari waIshe wedu Jesu Khirisitu, Baba wokubhwinya, akupasei mweya wouchenjeri nowokuzurukihwa mukumuziva iye. 18 Muve nomeso yomwoyo yadopengenuka, kuti muzive zvidoita tariro yamudodaidzihwa, nozvidoita upfumi kwonhaka inobhwinya yokugara kwache muvatsvene, 19 futi kuti mukuriro hwai wosimba rache risingayereki riri muna isisu tinotenda, zvichienderana nokushanda kwache kudokura zvidokungudza 20 kwaadozazisa muna Khirisitu paadomumutsa kuvadopfa nokumugarisa kujanja rache roruji kunzvimbo dzokudenga, 21 kumusoro kurefurefu kwoutongi hwese novabati novanosimba nochikuriri, nopamusoro pomazita yese yanodaidziwa, zvisiri zvopanguwa ino chete asi panoichauyawo, 22 futi Mwari adoisa zvinhu zvese pasi potsoka dzache ndokumuita musoro pazvinhu zvese kukherekhe, 23 ndiwo muviri wache, mukuzara kwache iye anozadza zvese, kwese.