10 Pakupedzisira, ivai mudosimba muna Ishe pakare mova mumasimba yache makuru. 11 Simirai zvombo zvese zvaMwari, kuti mukone kumira muchihwisana nomazano yajabhurosi. 12 Ndava tiri kuhwisanaba nonyama nogazi, novatongi, novakuruvakuru, novanomasimba yonyika yorima razvino, nohondo dzomweya idoipa dziri munzvimbo dzomudenga. 13 Saka torai zvombo zvese zvaMwari, kuti mugone kudzivisa pazuva ridoipa, futi kuti kana mapedza zvese, mumire.

14 Saka mirai, mudosunga zviuno zvenyu nobhande rochokwadi, mudoisa pachipfuwa chivharidziro chokururama, 15 futi mudosimira shangu mutsoka dzenyu mugadziriro yovhangeri rorunyararo, 16 pamusoro pozvakarezvi zvese, torai chivharidziro chokutenda, chokudzimwisa miseve inopfuta yoadoipa. 17 Futi torai ngundu youtare yoruponiso, nobakatwa roMweya, ndiro shoko raMwari.