7 Chila munhu Muhe wa Mulungu komwing’ha nhunza ya komtaza kusang’hana sang’hano ili chila munhu yawataze wamwenga. 8 Muhe wa Mulungu komwing’ha munhu imwe kulonga kwa nzewele, na imwenga kulonga kwa umanyi, nhunza zino zolavigwa na Muhe wa Mulungu iyoiyo kama viyalonda. 9 Muhe iyoiyo komwing’ha munhu imwe udaho mkulu wa kumtogola Mulungu, na Muhe iyoiyo komwing’ha imwenga nhunza ya kuhonya. 10 Muhe komwing’ha munhu udaho wa kusang’hana mbuli za uzonza, imwenga kulonga Usenga wa Mulungu, imwenga udaho wa kufambula nhunza zija zilawa kwa Muhe wa Mulungu na zija hazilawa kwa Muhe wa Mulungu, komwing’ha imwe udaho wa kulonga ulonzi wa wanhu wamwenga, na imwenga udaho wa kufambula ulonzi uwo. 11 Zose izo ni sang’hano za Muhe iija imwe, ija yomwing’ha chila munhu nhunza hakwehakwe kama viyolonda mwenyego.