Yesu kowandigwa
42 Viivikile chigulogulo, kwavija dikala zua da kuitanda kabula ya zua da kuhumula Wayahudi, 43 Yusufu munhu kulawa Alimataya yakalile yotogoligwa mchitala, nayo mwenyego kakala koubeta kwiza kwa Ufaume wa Mulungu, kamuwinza Pilato bila kudumba na kumpula yeng’higwe lukuli lwa Yesu ili yakauwande. 44 Pilato kakanganya kuhulika Yesu tiyali kadanganika. Ivo kamkema ija mlongozi wa wamilizi, kamuuza kama Yesu kakala tiyali kadanganika. 45 Viyahulike kulawa kwa ija mlongozi wa wamilizi kua kweli Yesu kadanganika tiyali, Pilato kamleka Yusufu yausole lukuli lwa Yesu. 46 Baho Yusufu kagula sitili nzelu chinang’hane, kauhulumula lukuli lwa Yesu mumsalaba, kauzinga ija sitili inang’hane kawika mdipanga disongoligwe mdibwe. Amala kabimbilisa dibwe kulu kugubika haulwivi lwakwingilila mdipanga.