Provérbios 4

ବୁଦିତି ଲା଼ବା

1 ହେ଼ ନା଼ ମୀର୍‌କା ମା଼ସ୍‌କାତେରି, ତାଞ୍ଜିତି ଜା଼ପ୍‌ନାଣି ୱେଞ୍ଜୁ ଅ଼ଡ଼େ ନେହିଁ ଅଣ୍‌ପୁ ହୀନି ବୁଦିତା ମ଼ନ ହୀଦୁ। 2 ଇଚିହିଁ ନା଼ନୁ ମିଙ୍ଗେ ନେହାଣି ଜା଼ପ୍‌ହି ମାଞ୍ଜାଇଁ, ନା଼ ହୁକୁମି ପିହ୍‌ଆଦୁ। 3 ନା଼ନୁ ନା଼ ତାଞ୍ଜିତି ମୀର୍‌ଏଣାତେଏଁ ମାଚେଏଁ, ଇଞ୍ଜାଁ, ତାଲିନି ନ଼କିତା ଊଣା କକାତେଏଁ ଅ଼ଡ଼େ ରଣ୍ତିଏ ଜୀୱୁନ଼ନାତେଏଁ ମାଚେଏଁ। 4 ତାଞ୍ଜି ନାଙ୍ଗେ ଜା଼ପ୍‌ହିଁ ଏଲେଇଞ୍ଜାତେସି, "ନୀ ମ଼ନତା ନା଼ ବାରେ କାତା ଇଟାମୁ, ଇଞ୍ଜାଁ ନା଼ ବାରେ ହୁକୁମି ମା଼ନୱି ଆ଼ମୁ ଏଚେଟିଏ ନୀନୁ ନୀଡିଦି। 5 ବୁଦି କୂଡ଼ିକିମୁ, ନେହେଁ ଅଣ୍‌ପୁ ଲା଼ବା କିମୁ, ଏ଼ଦାଆଁ ବା଼ଣା ଆ଼ଆନି; ଇଞ୍ଜାଁ, ନା଼ ଗୂତିତି ବ଼ଲୁଟି ଏଟ୍‌କା ଆ଼ଆନି। 6 ଏ଼ଦାଣି ପିହ୍‌ଆନି; ଏଚେଟିଏ ଏ଼ଦି ନିଙ୍ଗେ ପ଼ହି କିୟାନେ; ଏ଼ଦାନି ଜୀୱୁନ଼ମୁ, ଏଚେଟିଏ ଏ଼ଦି ନିଙ୍ଗେ ଗେଲ୍‌ପାନେ।