28 Aw pigluwasan nilan sakanan aw pigpasut nilan sa malawig na sa-ul na tapel ya batek kasiling na pagsutun na hariꞌ. 29 Pagkatigkas yan, mig-imoꞌ silan sa korona na suksukun aw pigsangkub nilan adti ulu ni Jisus. Aw pigpa-awid nilan sakanan sa bangkaꞌ adti kalintu na tulluꞌ nan. Aw lyumuhud silan adti asdangan nan, aw pig-odoy-odoy nilan na sallong kunu syumaludu silan kanan, aw miglong silan, "Kay Hariꞌ na manga Judiyu, magkadugay pa galu ya pag-eyaꞌ mu asini tas na lupaꞌ!"