1 Ngweno ndakabona Imhwizana payakazhula chimwe chemhande ishanu nembili, ndakawha chimwe chezwipuka zwipenyu zwina chiti, "Izha!" newhi linanga kudilima. 2 Akale ndikabona, ilingani ibhiza ijena, nongadi walyo wakabelina kadantambwe, akale wakapiwa chilemba, akenda ezunda nokunozunda.

3 Paakazhula imhande yebili, ndakawha chipuka chipenyu chabili chiti, "Izha!" 4 Akale kwakabhuda limwe ibhiza, ishaba pilibili, ungadi walyo wakavumilwa kubhisa lunyalalo munyika, kuti banhu bebulayane, akale akapiwa igwalabaza igulwana kasakasa.

5 IMwizana payakazhula imhande yatatu, ndakawha chipuka chipenyu chatatu chiti, "Izha!" Ndakalinga ndikabona, ibhiza idema, akale ungadi walyo wakabeli nechikelo muluboko lulwe, 6 akale ndakawha zwinanga iwhi pakati pezwipuka zwipenyu liti, "Chikamu chechina chekoloni chinota idola, akale zwikamu zwitatu pazwina zwebhali zwinota idola, koga usibulaye miti ye olivi neyemizhambi."

7 IMwizana payakazhula imhande yechina, ndakawha iwhi lyechipuka chipenyu chechina chiti, "Izha!" 8 Ndakalinga ndikabona, ibhiza lilochenuluka, akale izina lyongadi walyo waluwhi Kufa, akale bugalo bwabafi, yakabontobela, akale bakapiwa masimba pezhulu pechikamu chimwempela muzwikamu zwina ipasi lyose, kubulaya negwalabaza, nenzhala namalwaji akale nemhuka jeshango jopenyika.

9 Imhwizana payakazhula imhande yeshanu, ndakabona mudako lyedebulilo mipepo yaabo bakabulayilwa iwhi lyaMwali akale nobusumukiji bwabo, 10 bakashomeja newhi lipopezhulu beti, "O Iwi Tezi Upezhuluzhulu, unchena akale uchokomende, uchatola unshajini usanu wata untongo wuwo usanu wabwilizila ilopa lyedu kunaabo bagele munyika?" 11 Pakalepo umwenoumwe wakapiwa chimbalo chichena akale akabujwa kuti enyetutukwe konshaji ulopamijilwa, kujine kuti bunji bwabo bashingikwaina nabanakwaina babo balobulayiwa saibo bapelelela.

12 Ndakabona imwizana izhula imhande yashanu nemwempela, kwakaba nokudedema kwenyika kukulwana, izhuba lyakaswibha sesaka lyobukuse buloswibha sobwembuji, mweji uzhele wakashapala selopa, 13 akale inyenyeji jokudenga jakawila penyika sonkuyu umbweja ihuyu pemhepo udengunujwa nebhepo, 14 idenga lyakabwandila solukwalo lwapetwa, ose matunhu nezwibongo zwakabhiswa pabugalo bwazwo. 15 Pakalepo mashe openyika, banhu bakulwana, batungamili babalwi, bafumi, banesimba, akale naibo bwose, balanda nabalosununguka, bakabwata mumapako nomumabwe amatunhu, 16 beshobelela kumatunhu nokumabwe, beti, "Tichigeni mutisise kumesho kwoyo ugele pechigalo chobushe, nomukunyetela kweMhwizana, 17 nokuti izhuba igulwana lyokunyema kwabo lyaswika, akale ndiyani angama mbeli kwalyo?"